Yeremi 28:4 - NQAARIIT NE ROOG

⁴ Xam nomtiid no mbiñ onqene itam a Yoyakin fee o ƥiy Yoyakim, too a ref o maad Yudaa, fo fop we Yudaa ƥis’eena took o hup doole kam Babilon, yaam xam ɓol a kadoor ale o maad oxe Babilon a seraa a nuun.› »

Yeremi 28:4 Referans Kwoze

Yeremi 22:24

O Yaal oxe a laya a Yoyakin fee o ƥiy Yoyakim too a ref o maad Yudaa yee: «Ne ta wooritna yee mexe ñoowaa, a soƥ’angaa sax ee kaa o ref nen o heɗ o ñaasir no ɓay es o ñamaak, xam paltong no nqol es.

Yeremi 28:2

«Keeke o Yaal oxe Roog fee Isra’el Hupna fop a layu: ‹Xam ɓol a kadoor ale o maad oxe Babilon a seraa a nuun.

Yeremi 24:1

O Yaal oxe a lalaxam a ƭamba ƭak xa tun akaa ndiƈeena mbaambir Mbind ne no Yaal oxe. Keene a reeƭa a cinj ye Nebukadnesaar fee o maad oxe Babilon a damitna a Yoyakin fee o ƥiy Yoyakim Yeerusaleem, a ɓisin took o hup doole kam Babilon, ten fo kelfa ke Yudaa, daadaaƴ we fo faal tafax we.

Nahum 1:13

Ndiiki koy, xam ɓol kadoor ke da ngadinna a nuun, ɗeg a cengir ake nuun.»

Yeremi 30:8

O Yaal oxe Hupna fop kaa tee: «No ñaal neene, xam ɓol a kadoor ale meɗna no cok of, wo Yakoob, daƈit a cengir ake wo. Maaga, dagooxkatiro wiin jan we.

Yeremi 28:10

Maaga, o tuleer Hananiya a dontita a kadoor ale no cok ole no tuleer Yeremi, a ɓolin.

Yeremi 24:5

«Keeke o Yaal oxe Roog fee Isra’el a layu: Ne xa tun xa paaxu xene a mbuudteel, neene we ndameena mbaƭ na Yudaa a ngaaltaxam, den we raxtuuma no mbiñ onqene boo no saax laa no Kaakalde we.

Yeremi 22:10

«Ba nu lool o maad Yosiya xe xonna, ba nu ƭomatooxin! Loolyo kañ o maad Saalum oxe ɓiseena, yaam nomtooxiidkatee muk, ga’katee saax o rimel um.»

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

Esayi 9:4

O ñaaƭ o xire’te luu na dakaa no lanq ke fo ndikoorik nuu taƥna fo’oy, xan a ndeɓel kam ƈulfaan, ndax da ndoxel boo riw.

Mberaand 27:40

Na pexey laƥ of o bugko ñoowtaa, o ndeɓ of o mat, xan o neewandoox mbaambir um. Xan o joqooyooxaa o mbiñ fo mbiñ, ndaa xan o ɓol kadoor ke ta gadinkang.»

Yeremi 27:8

Boo xeet mbaat maat a ndagooxeerna a Nebukadnesaar fee o maad oxe Babilon, a mbañ o ngadoox a kadoor ale ta seraa a den, xam xawit a den xire, biim fa piste, boo yaa um moocanditkaa a den o ɓay um. Mi o Yaal oxe layun.

A paɗax ale 26:13

Mi refu o Yaal oxe Roog nuun, sutitna a nuun no saax laa no Miimisira we, ndax nu ndefkatee faɗ den. Ɓolaam kadoor ke nuun, fi boo nu njegat a qoox nuun, ñaaƴaa xa cok nuun took.»

2 Maad we 24:14

A ɓista kam Yeerusaleem kelfa ke fop fo xir say we fop, baane ke fo faal tafax we ndeeƭna fop oo fop wiin cuni xarɓaxay. Fo ndool ne soom yoq’u kam saax le.

Yeremi 13:19

Teeru ke no ɓemb-roog o ñamaak kaa mbegel, o leng wetatee tokand ke den, yaam xeet fee Yudaa fop a ƥise took o hup doole, a ƥise took o hup doole ne da mbodeena fop.»

Yeremi 29:1

Keeke refu ke bindeena kam o leetar ole o tuleer Yeremi a lultitna Yeerusaleem me no we yoqna no maak we ƥis’eena took o hup doole, saasadax we, duleer we fa xeet fee fop Nebukadnesaar a damit’ina Yeerusaleem, a ɓis a den took o hup doole kam Babilon.

Yeremi 29:2

A lulta o leetar ole cinj ye o maad Yoyakin, ya no maad oxe, cawdiin ke, kelfa ke Yudaa fo ke Yeerusaleem, daadaaƴ we fo faal tafax we a mbar’ina o sutoox Yeerusaleem.