Yeremi 28:3 - NQAARIIT NE ROOG

³ Boo xa kiid xa ƭaq a ngelko fo mbadaa xam nomtiid no mbiñ onqene tig oo tig ke no Mbind ne no Yaal oxe fop, Nebukadnesaar fee o maad oxe Babilon a xotit’ina meen, a ɓis a den Babilon.

Yeremi 28:3 Referans Kwoze

2 Maad we 24:13

Nebukadnesaar a janga halal fee no Mbind ne no Yaal oxe fa fee no mbind no maad ne. A gefa xa ƥaxañ wurus axe o maad Salomo a fi’in’ina kam Mbind ne no Yaal oxe. Neene, ke o Yaal oxe a lay’ina a fadnooxa.

Dañel 1:2

O Yaal oxe a ɓoxota a Yoyakim fee o maad Yudaa na xa ƥay um, soo a xaƴin ta jang na xa ƥaxañ axe no Mbind Roog ne. Nebukadnesaar a ɓisa a Yoyakim fo wiin um Sine’aar took o hup doole, soo xa ƥaxañ axe, ta ɓek a den kam mbind ne no roog ke ten, a diƈ a den na kamba le.

2 Caloori ke 36:10

Farna fo o hiid o xas ole, o maad Nebukadnesaar a ɓisaan Babilon ten fo xa ƥaxañ xa cegu njiriiñ axe no Mbind ne no Yaal oxe soo a dalin a Sedekiya fee faap ndeɓ Yoyakin ta maadooxaa kam Yudaa fa Yeerusaleem.

A kim a tedu ke 90:10

Xa kiid in owe ngape no qarɓeen ɓetuu ƭik, we moƴna mbel njelem a ndetaa boo no qarɓeen ɓetuu tadik, ndaa o lorax fo coono doŋ a nqottaa teen, yaam o ñoow miñee dara, soo i yet fir.

Mberaand 47:28

Yakoob a ñoowa xa kiid xarɓaxay fo xa kiid ɓetaa ƭaq kam saax le Misira. A ñoowa fop oo fop xa kiid teemeed fo xa kiid qarɓeen nahik fo xa kiid ɓetaa ƭaq.

Mberaand 47:9

Yakoob a doonaan ee: «Ñoowaam xa kiid teemeed fo xa kiid qarɓeen tadik no molaan. Xa kiid axe mi mayee dara too a mbeƭar, ndaawee ke daan es a ñoowna no molaan.»

2 Caloori ke 36:7

A ɓisa kam Babilon ƥaxañ leng-leng ke no Mbind ne no Yaal oxe soo a ɓek a den kam mbind no maad ne ten.