Yeremi 28:16 - NQAARIIT NE ROOG

¹⁶ Ten taxu, o Yaal oxe a layong ee: ‹Xam raxtong took lanq ke. Xan o xon no hiid olene, yaam kaa o riñ xeet fee da siiknoor fa mi o Yaal oxe.› »

Yeremi 28:16 Referans Kwoze

Yeremi 29:32

Ten taxu, mi o Yaal oxe, xam xaw a Semaya fee genna Nehelam fo xa taan um. O leng na den genkee a ndeer xeet fene too ga’kee paax ke um fi’ankaa xeet es, yaam Semaya kaa riñ xeet es da siiknoor fa mi. Mi o Yaal oxe layun.› »

Mberaand 7:4

Ndeer mene fo ñaal ɓetuu ƭik xam deɓiid took lanq ke boo ñaal qarɓeen nahik fo xa yeng den. Neene, xam moocand ke sakuuma fop took lanq ke.»

Yeremi 20:6

Wo Pasehuur itam fo we ngenna no mbind of fop, xan nu ƥisel took o hup doole. Xan o ret Babilon too maaga o xonitkaa, gasel maaga, wo fo qaariit of fop ke yegnoona tefee ndigil.› »

1 Maad we 13:34

A pesoorooƭ aleene kaa reeƭu no ƥasil ne Yerobowam o wooƥ o bakaadir, too keene sax taxu da saŋkel soo a moocandel no lanq ke.

A cangatin ale 6:15

Nu mbi’angaan, xan fuux le no Yaal oxe a biltooxan a nuun soo ta moocand a nuun took lanq ke, yaam o Yaal oxe Roog nuun Roog fa naalu a refu a ndeer nuun.

A sutax ale 32:12

O fi’angaa keene, xan Miimisira we a layaa yee o toroxand a in, in Ii-isra’el we taxu o sut a in Misira, ndax o warnoor a in kam xa coong axe, xuuf xa ñis in took lanq ke. Ɓoosdandi fuux of too waas paaxeer ke bugoona o fi a in, in we xeet of.

Amos 9:8

Mi o Yaal oxe na refkaa boo faw fuuliim, a kid es kaa ndoonoox took saax leene na fi’aa cageer, ten taxu xam moocandin na adna, ndaa koy moocandkiim tak mbind Yakoob. Mi o Yaal oxe layun.

Yeremi 28:3

Boo xa kiid xa ƭaq a ngelko fo mbadaa xam nomtiid no mbiñ onqene tig oo tig ke no Mbind ne no Yaal oxe fop, Nebukadnesaar fee o maad oxe Babilon a xotit’ina meen, a ɓis a den Babilon.

A lim ale 14:37

den fop, o Yaal oxe a xawa a den, da nqon.

Yeremi 28:17

No hiid olaaga deŋ o tuleer Hananiya a xonu, no nqool ɓetuu ƭikandeer onqaa.

Amos 7:17

Keeke o Yaal oxe a layu: ‹Xan o teef a jaga’ik kam teeru fee, xa ƥeef a mbartel laƥ, o qol of a ɗegrel, wo fa xoox of o xontik a koƥ, Ii-isra’el we a ndefik faɗ no saax jan.› »