Yeremi 28:1 - NQAARIIT NE ROOG

¹ No hiid o leng kut ole, no mberaandoong ne no maat Sedekiya fee o maad Yudaa, no nqool o ƥetkandeer onqe no hiid o nahkandeer ole, o tuleer Hananiya fee o ƥiy Asur, genna Gibe’on, a layaxam kam Mbind ne no Yaal oxe mbaambir saasadax we fa xeet fee fop ee:

Yeremi 28:1 Referans Kwoze

Yeremi 27:1

No mberaandoong naa no maat Sedekiya fee o ƥiy Yosiya, too a ref o maad Yudaa, o Yaal oxe a daawna a Yeremi fa lay feeke:

Yosuwe 9:3

Hiihiwi we ngenna Gibe’on itam a yega ke Yosuwe a fi’’ina teeru fee Yeriko fa fee Ay.

Yeremi 37:13

Ye ta fadiidna no Ndokand ne Bensame, a xeta maaga fo o aa-adax oxe no yeeyetax we ne’eena Yiriya, a ref o ƥiy Selemiya fo o ndaan Hananiya. A dama o tuleer Yeremi, a lay ee: «Maa no Kaakalde waa o jofaa!»

Yeremi 36:12

soo a fudoox no mbind no maad ne, na ndok ale no piibind oxe. Kelfa ke fop kaa mbokatoor’u maaga. A jeg’a a Elisama fee o piibind oxe, Delaya fee o ƥiy Semaya, Elnatan fee o ƥiy Akboor, Gemarya fee o ƥiy Safan, Sedekiya fee o ƥiy Hananiya fo kelfa lakas ke fop.

Yeremi 28:11

Cinj kaaga, Hananiya a laya mbaambir xeet fee fop ee: «Keeke o Yaal oxe a layu: ‹Neene deŋ, boo xa kiid xa ƭaq a ngelko fo mbadaa, um dontitkaa a kadoor ale Nebukadnesaar fee o maad oxe Babilon no cok qeet ke fop, ɓolin.› » Maaga, o tuleer Yeremi a suura a ƭat um.

Yeremi 27:12

Daawnaam deŋ a Sedekiya fee o maad Yudaa leng kut ke yee: «Njaɓyo ngadoox a kadoor ale o maad oxe Babilon a seraa a nuun, ndagooxin, ten fa xeet um, too yaaga xan nu ñoow.

Yeremi 27:3

Lulti a den o maad oxe Edoom, oxe Mowaab, oxe no Aa-amon we, oxe Tiir fo xe Sidoŋ, reefandin no duleer we den ngarna Yeerusaleem me Sedekiya fee o maad Yudaa.

Yeremi 23:28

Fat o tuleer oxe jegna o ƭaaɗ a wetandooxin, oxe daawna fa lay es o mat a yegnititin ne ta helitna. Xar ñaax le a daawru fo pep ke? Mi o Yaal oxe layun.

Esayi 9:15

Ɗooɗox we na xeet fene kaa mo’and’un, soo a nduuxnoor a den a koƥ.

Yosuwe 10:12

No ñaal naa o Yaal oxe a ɓoxotna Aa-amori we na xa ƥay no Ii-isra’el we, Yosuwe kaa xeɗ’u o Yaal oxe too a lay mbaambir no Ii-isra’el we yee: «Njeeƈ ne, geenooxi o yooroox a Gibe’on, wo o nqool onqe, o naag tek, yooroox a yulanq ale Ayalon.»

1 Maad we 3:4

Bes, o maad Salomo a reta Gibe’on, ndax ta ɓoxotit maaga sadax, yaam ten reeƭu xoox le na ñaang a sadaxand ake. A ɓoxota took o sadaxand olaaga sadax toxel kaa mbadna juni.

2 Maad we 24:18

Sedekiya a jeg’a xa kiid qarɓeen ƭik fo o hiid o leng, ye ta sogna refaa o maad. A maadooxa xa kiid xarɓaxay fo o hiid o leng kam Yeerusaleem. Ya um Hamutal a ne’’e, a ref o ƥiy Yeremi fee gen’ina Libna.

2 Caloori ke 36:11

Sedekiya a jeg’a xa kiid qarɓeen ƭik fo o hiid o leng, ye ta sogna refaa o maad. A maadooxa xa kiid xarɓaxay fo o hiid o leng kam Yeerusaleem.

Yeremi 28:5

O tuleer Yeremi a doona o tuleer Hananiya mbaambir saasadax we fa xeet fee fop ndeeƭna kam Mbind ne no Yaal oxe,

Yeremi 28:17

No hiid olaaga deŋ o tuleer Hananiya a xonu, no nqool ɓetuu ƭikandeer onqaa.

Yeremi 37:19

Taa duleer we nuun boog yegnoogna a nuun padafuleer ee: ‹O maad oxe Babilon songiidkee a nuun mbaat saax lene?›

Yeremi 49:34

Keeke refu fa lay fee o Yaal oxe a daawinna o tuleer Yeremi, ta jagin no Ee-elam we, no mberaandoong ne no maat Sedekiya fee o maad Yudaa.

Yeremi 51:59

Keeke refu ke o tuleer Yeremi a hebilna a Seraya fee o ƥiy Neriya too a ref o ndaan Mahseya, ye oxeene a retna Babilon, a yoon fa Sedekiya fee o maad Yudaa, no hiid o nahkandeer olaa no maat um. Seraya reeƭu o aa-adax oxe no cawdiin ke no mbind no maad ne.

Hoose 7:3

Kaa da ƭaaynoortaa o maad oxe o ƴiƴ den, soo gelwaar we, da mbelakintaa a den naanaxir den.

Yeremi 29:15

Yaag oo toox de, kaa nu layaa yee: ‹O Yaal oxe a sutana a in duleer kam Babilon.›

Heseki’el 13:6

Peeñil den xa koɓong oo soo maƭak den a ref xa maaƥ xa ƥor. Kaa da layaa yee: ‹Mi o Yaal oxe layun!› Yaaga fop toox de, mi o Yaal oxe luliim a den. Kaa da yaakaarnooraa yee fa lay den xan a fadnoox.