Yeremi 27:8 - NQAARIIT NE ROOG

⁸ Boo xeet mbaat maat a ndagooxeerna a Nebukadnesaar fee o maad oxe Babilon, a mbañ o ngadoox a kadoor ale ta seraa a den, xam xawit a den xire, biim fa piste, boo yaa um moocanditkaa a den o ɓay um. Mi o Yaal oxe layun.

Yeremi 27:8 Referans Kwoze

Heseki’el 14:21

Keeke o Yaal oxe na refkaa boo faw a layu: «Ke ɓisiiduuma taamaala nahik maak ke mi fop oo ndefna: Xire, biim, ƥaaɓaan soxodu fa piste took Yeerusaleem, ndax um saŋik teen wiin we fo cegel ke,

Yeremi 24:10

Xam hebliid took den xire, biim fa piste, boo yaa da moockaa no saax lene ci’uuma a den, den fo daan we den.»

Yeremi 40:9

Gedaliya fee o ƥiy Ahikam, too a ref o ndaan Safan, a daaɓooxa fa den, den fo goor den, ee: «Ba nu saɗar o ndagoox Kaakalde we, moofyo no saax le, ndagoox o maad oxe Babilon, too yaaga xan a mal a nuun.

Yeremi 27:11

Kaa koy, xeet fee na njaɓkaa o ngadoox a kadoor ale o maad oxe Babilon a seraa a den soo a ndagooxin, xam xaƴ a den fo njaambuur den no saax den, ndax da nqooxan soo a ngen teen. Mi o Yaal oxe layun.»

Yeremi 27:13

Xar taxu wo fa xeet of nu mbar o nqonit na xire, biim mbaat piste, ne o Yaal oxe a laytuuna na xeet fuu ndagooxkeerna o maad oxe Babilon?

Yeremi 28:4

Xam nomtiid no mbiñ onqene itam a Yoyakin fee o ƥiy Yoyakim, too a ref o maad Yudaa, fo fop we Yudaa ƥis’eena took o hup doole kam Babilon, yaam xam ɓol a kadoor ale o maad oxe Babilon a seraa a nuun.› »

Yeremi 28:14

Yaam keeke o Yaal oxe Roog fee Isra’el Hupna fop a layu: Doonaam a kadoor a celem no cok no qeet keene fop, ndax da ndagoox a Nebukadnesaar fee o maad oxe Babilon, too koy xan a ndagooxin. Muumeen a koƥ ke sax xam ɓoxotin a den.»

Yeremi 29:17

Keeke o Yaal oxe Hupna fop a layu: ‹Mexe ɓisiidaa took den xire, biim fa piste. Xam fi da nand nen xa tun xa potu xaa mbaaxaƭarna mbaaxaƭar boo mbaagaand o ñaam.

Yeremi 29:18

Xam daabit a den xire, biim fa piste. Neene, maat ke na adna fee fop xan a ndiid, a njaq, yaa da nga’na a den. Xan a ndef saloor, o njaq, o ndiidlataand fo cednooxu a ndeer qeet ke fop pasar’uuma a den,

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.