Yeremi 27:5 - NQAARIIT NE ROOG

⁵ Katil maak ne mi fo o ɓay o jegu doole le mi saktum lanq ke, wiin we fo muumeen ke ndefna took lanq ke, too sañaam o ci a den oxuu felaxama.

Yeremi 27:5 Referans Kwoze

Yeremi 51:15

O Yaal oxe a sakta lanq ke katil um, a sinjit adna fee o and um soo a letnit asamaan fee o jeg-yiif um.

Yeremi 32:17

‹Ey, o Yaal oxe na refkaa boo faw, wo saktu asamaan fo lanq katil magnu of fo o ɓay o jegu doole le wo. Dara xoxirang.

Dañel 4:17

Ndaxar ne ga’oona, too o jul ole ten a duqaa asamaan fee, boo muu fodoona na adna fee, o ga’an,

Esayi 45:12

Yaag oo toox de, mi fiisu lanq ke soo sak pindeef ke ngenna teen. Mi letnu asamaan fee soo kelfa a yaj ake ten fop.

Kolos 1:16

No ten ke sakeena fop a reefande, ta ref ke lanq mbaat ke took, ke waageena o ga fo ke waagaandeena o ga, ta jof no maat fo ngelfa fo a adax fa sañ-sañ. No ten Roog a saktu fop, a sakanin o ten.

Esayi 42:5

Roog o Yaal oxe sakna a asamaan fo o yaajel um, a fiis lanq ke fo ke saxna teen fop, a coox xeet fee ngenna teen haaƭ, a ci yiif fop we na ñaaƴaa teen, kaa tee:

Mbeeñil 4:11

«Koo o Yaal oxe Roog in, jombiro ɓoxotel o ndam fo o niwel fa katil, yaam wo saku fop, too na pexey o bug of ke sakeena a reftu.»

Hebre 1:2

ndaa na pe akene, na ne’eel a paktaand ake, a laya fa in na pexey o Ƥeem. No ten Roog a saktu adna fee, too o ten Roog a jilu, ndax ta jeg fop.

A pi ake 17:24

Roog fee sakna adna fee fo fop ke refna teen, refu o Yaal asamaan fo lanq. Roog feene koy naagee o genaa no mbind-sadaxand naa o ɓay no kiin a jalna.

A pi ake 14:15

«Bara waay, fog we! Xar taxu nu mbi’aa kene? In itam, wiin i ndefu nen a nuun. Kaa i ƥisiid a nuun Yegil mbaax ne na xoyaa nuun, nu mbes a cinj xa koɓong axene nu mbi’na roog, too mbiƈaqiloox na Roog fa ñoow jok fee sakna asamaan fo lanq fo o maag ole fo fop ke refna teen.

Esayi 51:13

Xar taxu o weecaa o Yaal oxe sakoonga, a letin asamaan fee soo a sinj lanq ke, soo sendaa yaam diid bes fuu refna mbaambir fuux maak le no ñaañagadil oxe inooxanoonga, ndax ta yaqong? Kaa koy, xar yoqatu no fuux um?

Esayi 48:13

O ɓay es saktum lanq ke, too a ñamaak es fiistum asamaan fee. Mexaay xoyaa a den, da ngakaam ndak fo ndak.

Esayi 44:24

Keeke o Yaal oxe refna o baawat of, a moolong no fud ya of, a layu: «Mi saku ke jegna fop. Mi letnu asamaan fee, mi soom, letin lanq ke, too o leng dimle’iraam.

Esdaraas 1:2

«Keeke refu ke Kiirus fee o maad Persi a layna: O Yaal oxe Roog fee na asamaan a ɓoxotaxam maat ke na adna fee fop. A heblaxam um maxanin Mbind Yeerusaleem kam Yudaa.

A cangatin ale 2:7

O Yaal oxe Roog nuun a barke’a a nuun no kuu nu mbi’na, a topatoox a nuun, ye nu nqaañiidaa a koƥ-a-ƥor a maak alene. Xa kiid qarɓeen nahik axey axaa ta refna fa nuun, too nu ñakee tus.›

A kim a tedu ke 102:25

Ten taxu um layin ee: «Wo Roog es fee faafkeerna muk, ba o jangaam meeke foduuma na doole es.»

A cangatin ale 32:8

Ye oxe Took-ee-took a lasrandna qeet ke lanq ke, a xaaj xa ƥiy Aadama, a fiisa xa ŋat axe no qeet ke, a coox xeet fuu refna malaaka faa na saytooxan.

A cangatin ale 9:29

Yaag oo toox de, xeet of fo o jeg of a ndefu, o sutit a den katil of fa maak fo a naax of ale letnooxna.› »

A cangatin ale 5:16

Niwi a faap of fa ya of, ne heblitoonga o ten, ndax o xuuɗ too ɗaay kam saax le um ci’kang, mi o Yaal oxe Roog of.

A cangatin ale 4:35

Nu ci’e boog o nga keene, ndax nu and ee o Yaal oxe doŋ refu Roog, too jegee fa lakas a refangee o ten.

A cangatin ale 4:32

«Laamityo no kaa farna no ñaal peraand kaa, yaaga nu ndimafulaand, no kaa xotitna yaa Roog a sakna o kiin took lanq ke. Ƥaalyo ke xewna na adna fee, a xotit no cat boo no cat lakas. Ndax kaa magnitna neene a mosa o xew? Ndax kaa nandna neene a mose o nan?

A cangatin ale 4:25

Yaa nu ndokkaa no saax le regteena boo miñ teen, njeg teen xa ƥiy fo xa taan, ba nu yen na bakaad tee kaa nu mbi’anaa a qoox nuun nitaal roog kaa njegna o mem no kuu ta waagna waag o ref. Nu mbi’angaan kaa nu mbi’aa kaa faaxeerna na kid no Yaal oxe Roog nuun, mbuuxnooran.

A cangatin ale 4:17

o mem muumeen nuu ta waagna ref took lanq ke mbaat o mem ndiiƭ nuu ta waagna ref, a yetaa,

A cangatin ale 2:21

Kaa ndeeƭu xeet fa njegu doole, a may soo a ndef cool nen Aa-anak we. Kaa koy, o Yaal oxe a fi’a boo Aa-amon we a ndax a den, a moocand a den soo a ngen na seek den.

A cangatin ale 2:19

ndet boo njasnoor fo saax le no Aa-amon we. Kaa koy, ba nu song a den too ba nu nqire fa den. Ci’kiim a nuun dara no saax leene, yaam den we xa taan Lot o mat las’anum, da njegin.› »

A cangatin ale 2:9

O Yaal oxe a lay’axam ee: ‹Ba nu song Moomowaab we, too ba nu nqire fa den. Ci’kiim a nuun dara no saax le den, yaam den we xa taan Lot o mat las’um a Aar, da njegin.› »

A sutax ale 20:11

yaam no ñaal ɓetuu fa leng sakum a asamaan fo lanq fo o maag ole fo fop ke refna teen, mi o Yaal oxe, soo ñootnoox no ñaal ɓetuu ƭikandeer ne. Ten taxu, mi o Yaal oxe, um barke bes fee na ñootnax ale, tedlandin.

Mberaand 9:6

O kiin oxuu ɓaxna fo’oy no kend um, xan o lakas a ɓax fo’oy um, yaam Roog kaa sak o kiin ta ref nitaal um.

A pi ake 17:26

No kiin o leng a saktu qeet ke fop, a dalin a den na adna fee fop. Xeet fuu refna, ta hapanin camaane, a ɗeganin me ta warna o gen.

Mberaand 1:25

Roog a saka muumeen ke fo xa qos den, ƥood ke no lanq ke fop fo xa qos den fo ƥaaɓaan ke no lanq ke fo xa qos den. Roog a ga’a yee keene tig paax oo.

A kim a tedu ke 96:5

yaam roog ke no qeet ke fop roog tefee ndigil a ndefu, ndaa o Yaal oxe saku asamaan fee.

Yeremi 27:4

Ɓisni a den da lay yaal den ee: Keeke o Yaal oxe Roog fee Isra’el Hupna fop a layu: Keeke nu laykaa yaal nuun:

Dañel 4:25

Keene fop yegnit’eena a dala took o maad Nebukadnesaar.

Dañel 5:18

Daali maad, Roog fee Took-ee-took a fi’a na faap of Nebukadnesaar o maad o maak oxaa mayna o ndam fo o magnel.

A sutax ale 6:6

Ten taxu, layi Ii-isra’el we yee: ‹Mi refu o Yaal oxe, too xam sut a nuun no calel ƭomu ke Miimisira we a ndoxondna a nuun. Xam wat a nuun no mbaƭ ne den, muclit a nuun o ɓay ole mi letnuuma soo xaw a den a qaw a ƭomu.

1 Maad we 8:42

yaam o mat, xan a nan gon maak le wo fo o ɓay o jegu doole le wo fo a naax of ale letnooxna a layteel. A faambrangaa no Mbind nene a xeɗ,

Nehemi 9:22

Ɓoxotaa a den maat fo qeet, ndax o lasrand a den xa piisel o ŋat. A njanga saax le Siihon fee o maad Hesebon fo le Oog fee o maad Basan.

Dañel 2:38

A ɓoxota na xa ƥay of wiin we fo muumeen ke fo tiiƭ ke soo a ci’ong o maadoox took den fop fo muu da mbaagna o ndef. Wo refu boog xoox wurus le.

Dañel 4:14

Malaaka tedu ke ndalnu keene, ndax fop we na ñoowaa a and ee Roog fee Took-ee-took kelfa’u maat ke no wiin we, a ci’an oxuu feluuna too a waaga coox maat oxe moƴna hees no wiin we sax.›

Dañel 4:22

Xan o raxtel a ndeer no wiin we, genik fo muumeen-a-koƥ ke, ñoowtaa daaƭ nen qoox ke, soo liim le a yenaa took of. Xan a refit neene boo xa kiid ɓetaa ƭaq boo yaa o andkaa yee Roog fee Took-ee-took kelfa’u maat ke no wiin we soo a ci’an oxuu feluuna.