Yeremi 27:22 - NQAARIIT NE ROOG

²² ‹Xan a ƥisel Babilon, a yoq maaga boo a koom alaa um topatooxkaa a den, mi o Yaal oxe, yoɗatinit a den maaga soo nomtiid a den no mbiñ onqene.› »

Yeremi 27:22 Referans Kwoze

Yeremi 29:10

Kaa koy, keeke o Yaal oxe a layu: ‹Yaa xa kiid qarɓeen ɓetuu ƭik axe a mbadnooxkaa na Babilon, xam topatooxahin a nuun, fadnan a nuun a tegit es, nomtiid a nuun no mbiñ onqene.

Yeremi 32:5

Cinj kaaga, xan Sedekiya a ɓisel Babilon, maa ta yoqkaa boo yaa um topatooxkan. Mi o Yaal oxe layun. Nu nqire’angaa fo Kaakalde we sax, nu njegkee ne nu mbugna.»

Esdaraas 7:19

Fat o diƈ mbaambir Roog fee Yeerusaleem ƥaxañ ke o cooxkeel yaam a ƥadax ale no Mbind ne na Roog of.

Esdaraas 1:11

Xa ƥaxañ wurus fa xaaliis axe fop a ndeeƭa cuni ƥetik fo teemeed nahik. Seesbasar a ɓislooxa a den fop, ye we ƥis’eena took o hup doole a inoorna Babilon, a nqaadaa Yeerusaleem.

Xa peƭit axe 21:30

O jeg-yiif mbaat o ƴiƴ mbaat a kortax ƭaxee tus, yaa o Yaal oxe a fuuxanoonga.

Dañel 9:2

Mi Dañel, ɓaaloogaam a safe ke no duleer we boo ga ee o Yaal oxe a yegin’a o tuleer Yeremi yee xan Yeerusaleem a fes a pec boo xa kiid qarɓeen ɓetuu ƭik.

Dañel 5:23

Kaa o inooxan o Yaal oxe refna na asamaan boo simit o ɓisaniidel a tokol a tedu ke inoorna no Mbind um, nu yertaa a den biiñ, wo fo wiin maak we wo fo rew we wo fo keƈ-a-salma ke wo, doon teen simataa roog ke mbi’teena xaaliis, wurus, xanjar, njelem, a teex fo a ƥil, roog puulu keene naangeerna o nanaa too andee tus, soo fañ o ɓoxot o ndam a Roog fee saqna o ñis of, a gayaa a pi of fop.

Yeremi 34:5

Fa nqon of xan a ɓuuɓ, too ne daan of we ndefna maad we yaaga adooxoonga a ndoxanit’eena fo ndaxar qeeñe-xeeñe, neene o doxanitkeel a den, foygooxeel ee: ‹Ndaw sabab, o yaal in!› Mi o Yaal oxe woornong o ten!»

Esdaraas 7:9

A inoor’a Babilon no ñaal eetaand ne no nqool o eetaand onqe soo a fadiid Yeerusaleem no ñaal eetaand ne no nqool o ƥetkandeer onqe. Roog a saytooxa a Esdaraas a paax,

2 Caloori ke 36:21

Neene, ke o Yaal oxe a lay’ina, a reefandin no tuleer Yeremi a fadnooxa: «Xan saax leeke a xaƴel boo xa kiid qarɓeen ɓetuu ƭik ndax ta rafoox camaane ke na ñootnax ale ndeef’andeena ne waritna.»

2 Maad we 25:13

Baababilon we a nduguña a toodook xanjar ake no Mbind ne no Yaal oxe fo tiƈir ke fo o waaŋaan xanjar o maak ole reeƭna kam Mbind ne no Yaal oxe, soo a ƥis xanjar faa fop Babilon.

Yeremi 20:5

Xam ɓoxot na xa ƥay no fañ den kalal ke no we ngenna na teeru fene fop, o rim ole no jale den fop, ke da njegna ta moƴ o faax fo a kamba ke no maad we Yudaa fop. Xan a njaɓel, a njangel soo a ƥisel Babilon.

Yeremi 27:7

Qeet ke fop xan a ndagooxin, ten fo o ƥeem fo o ndaan um, boo na waxtu fee saax um a hapaneena itam, yaa qeet cegu katil fo maad maak a ndamkan mbaƭ.

Yeremi 27:21

Yaaga boog, keeke o Yaal oxe Roog fee Isra’el Hupna fop a layu no tig oo tig cegu njiriiñ ke yoqna kam Mbind ne no Yaal oxe, no mbind ne no maad oxe Yudaa fo kam Yeerusaleem:

Yeremi 34:2

«Mi o Yaal oxe Roog fee Isra’el mexe heblang o ret lay a Sedekiya fee o maad Yudaa yee: Keeke o Yaal oxe a layu: Ga’angi, xam ɓoxot teeru fene na xa ƥay no maad oxe Babilon, too xan a doxin riw.

Yeremi 34:3

Wo o mat, ɓostooxkino, ndaa xan o naagel nuus, ɓoxotel na xa ƥay um, a kid of a njasnoor fo a kid no maad oxe Babilon, ta lay fa wo jaxrañ, soo o ret Babilon.