Yeremi 27:21 - NQAARIIT NE ROOG

²¹ Yaaga boog, keeke o Yaal oxe Roog fee Isra’el Hupna fop a layu no tig oo tig cegu njiriiñ ke yoqna kam Mbind ne no Yaal oxe, no mbind ne no maad oxe Yudaa fo kam Yeerusaleem:

Yeremi 27:21 Referans Kwoze

Yeremi 20:5

Xam ɓoxot na xa ƥay no fañ den kalal ke no we ngenna na teeru fene fop, o rim ole no jale den fop, ke da njegna ta moƴ o faax fo a kamba ke no maad we Yudaa fop. Xan a njaɓel, a njangel soo a ƥisel Babilon.

Yeremi 27:20

ke Nebukadnesaar fee o maad oxe Babilon a xot’eerna, ye ta damitna Yeerusaleem a Yoyakin fee o ƥiy Yoyakim, too a ref o maad Yudaa, fo garmi ke Yudaa fo ke Yeerusaleem fop, a ɓis a den took o hup doole kam Babilon.

Yeremi 27:22

‹Xan a ƥisel Babilon, a yoq maaga boo a koom alaa um topatooxkaa a den, mi o Yaal oxe, yoɗatinit a den maaga soo nomtiid a den no mbiñ onqene.› »

2 Maad we 20:17

‹Ga’angi, ñaal key a ngaraa kaa ke refna no mbind of fop fo ke daan of a ngeerna teen fop, a ɓiskeel Babilon. Dara yoqkee teen. Keene o Yaal oxe a layu.

2 Caloori ke 36:18

Nebukadnesaar a ɓisa kam Babilon tig oo tig ke no Mbind Roog ne, maak fo teɓ fa halal fee no Mbind ne no Yaal oxe fa fee no maad oxe fa fee no cawdiin ke ten.

Esdaraas 1:7

O maad Kiirus fa xoox um a dakna xa ƥaxañ axe no Mbind ne no Yaal oxe Nebukadnesaar a xotit’ina Yeerusaleem soo a ɓek a den no faɗoorand ole roog um.

Esdaraas 1:11

Xa ƥaxañ wurus fa xaaliis axe fop a ndeeƭa cuni ƥetik fo teemeed nahik. Seesbasar a ɓislooxa a den fop, ye we ƥis’eena took o hup doole a inoorna Babilon, a nqaadaa Yeerusaleem.

Esayi 39:6

‹Ga’angi, ñaal key a ngaraa kaa ke refna no mbind of fop fo ke daan of a ngeerna teen fop, a ɓiskeel Babilon. Dara yoqkee teen. Keene o Yaal oxe a layu.

A ƭomatax ake 1:10

O pañ oxe a doona o ɓay um no kalal ke ta jeg’ina fop. Yeerusaleem a ga’a qeet lakas ke a ndokiidaa no Mbind tedu ne, qeet keene xañit’oona da mbog no mbokatax ne wo.