Yeremi 27:18 - NQAARIIT NE ROOG

¹⁸ A soƥangaa yee duleer a ndefu tigi, too fa lay fee no Yaal oxe xe fa den, fat a nqeɗoox boog o Yaal oxe Hupna fop, ndax tig oo tig cegu njiriiñ ke yoqna kam Mbind ne no Yaal oxe, no mbind ne no maad oxe Yudaa fo kam Yeerusaleem ƥiskaand itam Babilon.

Yeremi 27:18 Referans Kwoze

1 Sami’el 7:8

Ii-isra’el we a laya a Sami’el ee: «Ba o xaƴ a in rek tiimaa, xeɗooxani a in o Yaal oxe Roog in, ndax ta mucil a in na xa ƥay no Fiifilista we.»

Yeremi 18:20

Ndax paax a naaga rabditeel paaxeer? Yaam a mbaqanaxam gamb, ndax da njang o ñis es. Wetandooxi yee geenoox’aam mbaambir of, ndax um lay na den paax, ɓoosdand fuux of fa den.

1 Maad we 18:24

Cinj kaaga, ƈufginooxyo a roog nuun, mi um ƴufginoox o Yaal oxe. Roog fee na jaaɓkaa boo a lultiid fiɗel na refkaa fa ndigil fee.» Xeet faa fop a ndoonaan ee: «I njaɓa.»

1 Sami’el 12:23

Mi fa xoox es koy, xam wootooxaa o tooñ o Yaal oxe yaam o ñak o xeɗan a nuun soo fañ o jangin a nuun kili a ƭat a paax a cofu le.

1 Sami’el 12:19

Xeet faa fop a laya a Sami’el ee: «Xeɗooxani a in o Yaal oxe Roog of, in we dag of, ndax i saŋkooxkee, yaam i ƥaata no pakaad in a qeƭ ale no maad oxe.»

Malaki 1:9

Ndiiki koy, njeemyo o nqeɗoox a Roog, ndax ta yirim a in! A woora yee jaaɓkee a nuun yaam sadax ke nu ƥoxotan. Keene o Yaal oxe Hupna fop a layu.

Heseki’el 22:30

Waaƭaam a ndeer den o koor oxaa maxanna a den saŋe, a geenoox mbaambir es no gur ole, a farit saax le, ndax gefkinum, ndaa koy ga’iim.

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.

Yeremi 42:2

me no tuleer Yeremi, a layin ee: «Ngela jaɓi ke i nqeɗang! Xeɗooxani a in, in yoqatin wene fop, o Yaal oxe Roog of, yaam kaa i may’u bo, ndaa o ndik o ndutuuñ i yoqatu, ne ga’tanoona.

Yeremi 15:1

O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!

Yeremi 7:16

«Wo Yeremi, ba o xeɗan xeet fene. Ba o loolooxan mbaat o xeɗooxan a den. Ba o ƴufginoox paam es, yaam nan-gilooxkiroong.

2 Caloori ke 32:20

O maad Hiskiya fo o tuleer Esayi fee o ƥiy Amoc a nqeɗa a Roog, a ƈufginooxin a maak.

1 Maad we 18:26

A njanga nqoox ne da cooxeena, a nqendandin, cinj kaaga da ndef no ƈufginooxaa a Baal no kaa xotitna no nqes naa boo na waxtu njeeƈ ndeer xoox, a layaa yee: «Baal, jaaɓi a in!» Kaa koy, njeg’ee o jaaɓ o leng ke da mbecoogna me widna o sadaxand ole da max’ina fop oo.

Mberaand 20:17

Abraham a xeɗa a Roog, soo ta wodand a Abimelek fo o teem fo jeefeer um. Rew we a mbaag’ata o njeg xa ƥiy.