Yeremi 27:16 - NQAARIIT NE ROOG

¹⁶ Layaam saasadax we fo we ndeeƭna maaga fop xa ƭelem axene: «Keeke o Yaal oxe a layu: Ba nu nan-giloox fa lay fee no duleer we nuun na yegnaa a nuun ee: ‹Ƥaxañ ke no Mbind ne no Yaal oxe wey a nomtitiideel Babilon no ñofu!› Xa maaƥ xa ƥor a yegnaa a nuun.

Yeremi 27:16 Referans Kwoze

Yeremi 28:3

Boo xa kiid xa ƭaq a ngelko fo mbadaa xam nomtiid no mbiñ onqene tig oo tig ke no Mbind ne no Yaal oxe fop, Nebukadnesaar fee o maad oxe Babilon a xotit’ina meen, a ɓis a den Babilon.

2 Maad we 24:13

Nebukadnesaar a janga halal fee no Mbind ne no Yaal oxe fa fee no mbind no maad ne. A gefa xa ƥaxañ wurus axe o maad Salomo a fi’in’ina kam Mbind ne no Yaal oxe. Neene, ke o Yaal oxe a lay’ina a fadnooxa.

Dañel 1:2

O Yaal oxe a ɓoxota a Yoyakim fee o maad Yudaa na xa ƥay um, soo a xaƴin ta jang na xa ƥaxañ axe no Mbind Roog ne. Nebukadnesaar a ɓisa a Yoyakim fo wiin um Sine’aar took o hup doole, soo xa ƥaxañ axe, ta ɓek a den kam mbind ne no roog ke ten, a diƈ a den na kamba le.

Yeremi 27:10

Xa maaƥ xa ƥor a yegnaa a nuun. Nu nan-gilooxangaa a den koy, xan nu ƥisel maa goƭna saax nuun, yaam xam raxit a nuun teen soo nu saŋkoox.

Yeremi 27:14

Ba nu nan-giloox fa lay no duleer we na layaa a nuun ee: ‹Nu ndagooxkee o maad oxe Babilon!› Xa maaƥ xa ƥor a yegnaa a nuun.

Esayi 9:15

Ɗooɗox we na xeet fene kaa mo’and’un, soo a nduuxnoor a den a koƥ.