Yeremi 27:13 - NQAARIIT NE ROOG

¹³ Xar taxu wo fa xeet of nu mbar o nqonit na xire, biim mbaat piste, ne o Yaal oxe a laytuuna na xeet fuu ndagooxkeerna o maad oxe Babilon?

Yeremi 27:13 Referans Kwoze

Heseki’el 18:31

Mbaasyo a pi a paaxeer ake nuun, supit a qeeñ ake nuun fo a yiif ake nuun. Nuun mbind Isra’el, xar taxu nu mbug o nqon?

Yeremi 27:8

Boo xeet mbaat maat a ndagooxeerna a Nebukadnesaar fee o maad oxe Babilon, a mbañ o ngadoox a kadoor ale ta seraa a den, xam xawit a den xire, biim fa piste, boo yaa um moocanditkaa a den o ɓay um. Mi o Yaal oxe layun.

Xa peƭit axe 8:36

Kaa koy, oxe bugeeraxama ga, xoox um a loraa, we mbañaxama fop a ƈufanaa fa nqon.»

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Heseki’el 18:24

Boo o cofu xe a fesna a cinj o cofel um, a fi’aa njofaƭar, a laalaa cednooxu ke o soxodu xe a fi’aa fop, ndax xan a ñoow? A pi a cofu leng alaa ta fi’na wetandooxkaand. Xan a xon yaam njofaƭar um fa bakaad fee ta fi’na.

Heseki’el 14:21

Keeke o Yaal oxe na refkaa boo faw a layu: «Ke ɓisiiduuma taamaala nahik maak ke mi fop oo ndefna: Xire, biim, ƥaaɓaan soxodu fa piste took Yeerusaleem, ndax um saŋik teen wiin we fo cegel ke,

Yeremi 38:20

Yeremi a doonaan ee: «Ɓoxotkaandee. Nan-gilooxi o ñuxur no Yaal oxe ne laytoonga o ten, yaaga xan a malong, too xan o mucil o ñis of.

Yeremi 38:2

«Keeke o Yaal oxe a layu: ‹Oxe na yoqkaa kam teeru fene xan laƥ mbaat biim mbaat piste a ñaamin, ndaa oxe na sutooxkaa, ndax ta ɓoxotoox no Kaakalde we, xan a ñoow, a mucil o ñis um tan-tan!›

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

Yeremi 17:4

Xan nu ñak lam ne ci’’uuma a nuun. Xam fi a nuun faɗ no fañ nuun no saax laa nu andeerna. Yaam nu ngeƥanda fuux le mi, too xan a kaƥaa boo kili.»

Yeremi 38:23

Rew we wo fop fo xa ƥeef xan a ƥisel maa no Kaakalde waa, too wo itam ɓostooxkiro na xa ƥay den. Xan o ɓay no maad oxe Babilon a naagong nuus, too teeru fene xan a raaɓel.»