Yeremi 27:12 - NQAARIIT NE ROOG

¹² Daawnaam deŋ a Sedekiya fee o maad Yudaa leng kut ke yee: «Njaɓyo ngadoox a kadoor ale o maad oxe Babilon a seraa a nuun, ndagooxin, ten fa xeet um, too yaaga xan nu ñoow.

Yeremi 27:12 Referans Kwoze

Yeremi 38:17

Yeremi a laya a Sedekiya yee: «Keeke o Yaal oxe Roog fee Hupna fop, Roog fee Isra’el, a layu: ‹O sutooxangaa ɓoxotoox no kelfa kaa no maad oxe Babilon, xan o mucil o ñis of, too teeru fene raaɓkaand. Xan o ñoow, wo fo ƥasil of.

Yeremi 28:1

No hiid o leng kut ole, no mberaandoong ne no maat Sedekiya fee o maad Yudaa, no nqool o ƥetkandeer onqe no hiid o nahkandeer ole, o tuleer Hananiya fee o ƥiy Asur, genna Gibe’on, a layaxam kam Mbind ne no Yaal oxe mbaambir saasadax we fa xeet fee fop ee:

Yeremi 27:8

Boo xeet mbaat maat a ndagooxeerna a Nebukadnesaar fee o maad oxe Babilon, a mbañ o ngadoox a kadoor ale ta seraa a den, xam xawit a den xire, biim fa piste, boo yaa um moocanditkaa a den o ɓay um. Mi o Yaal oxe layun.

Xa peƭit axe 1:33

Kaa koy, oxuu nan-gilooxaxama xan a gen no woor, a ñoowaa no yaadax too diidkee paaxeer leng.»

Yeremi 17:4

Xan nu ñak lam ne ci’’uuma a nuun. Xam fi a nuun faɗ no fañ nuun no saax laa nu andeerna. Yaam nu ngeƥanda fuux le mi, too xan a kaƥaa boo kili.»

Yeremi 28:2

«Keeke o Yaal oxe Roog fee Isra’el Hupna fop a layu: ‹Xam ɓol a kadoor ale o maad oxe Babilon a seraa a nuun.

Yeremi 42:11

Ba nu saɗarat o maad oxe Babilon, mi o Yaal oxe mexe dakooxan o lay a nuun ee ba nu saɗarin, yaam mexey fa nuun, ndax um mucil a nuun, wat a nuun no ɓay um.

Yeremi 21:9

Oxuu maadna o genaa kam teeru fene, laƥ mbaat biim mbaat piste na warkan, ndaa oxuu sutooxna soo a ɓoxotoox no Kaakalde we ƥiikilna a nuun, xan a ñoow, a mucil o ñis um tan-tan.