Yeremi 27:11 - NQAARIIT NE ROOG

¹¹ Kaa koy, xeet fee na njaɓkaa o ngadoox a kadoor ale o maad oxe Babilon a seraa a den soo a ndagooxin, xam xaƴ a den fo njaambuur den no saax den, ndax da nqooxan soo a ngen teen. Mi o Yaal oxe layun.»

Yeremi 27:11 Referans Kwoze

Yeremi 27:8

Boo xeet mbaat maat a ndagooxeerna a Nebukadnesaar fee o maad oxe Babilon, a mbañ o ngadoox a kadoor ale ta seraa a den, xam xawit a den xire, biim fa piste, boo yaa um moocanditkaa a den o ɓay um. Mi o Yaal oxe layun.

Yeremi 27:2

Keeke o Yaal oxe a layaxam: «Jalni xa ƥaak fo kadoor soo gadoox a den.

Yeremi 21:9

Oxuu maadna o genaa kam teeru fene, laƥ mbaat biim mbaat piste na warkan, ndaa oxuu sutooxna soo a ɓoxotoox no Kaakalde we ƥiikilna a nuun, xan a ñoow, a mucil o ñis um tan-tan.

Yeremi 38:2

«Keeke o Yaal oxe a layu: ‹Oxe na yoqkaa kam teeru fene xan laƥ mbaat biim mbaat piste a ñaamin, ndaa oxe na sutooxkaa, ndax ta ɓoxotoox no Kaakalde we, xan a ñoow, a mucil o ñis um tan-tan!›

Yeremi 27:12

Daawnaam deŋ a Sedekiya fee o maad Yudaa leng kut ke yee: «Njaɓyo ngadoox a kadoor ale o maad oxe Babilon a seraa a nuun, ndagooxin, ten fa xeet um, too yaaga xan nu ñoow.

Heseki’el 28:25

Keeke layum, mi o Yaal oxe na refkaa boo faw: Yaa um fokatitkaa mbind Isra’el a ndeer qeet ke da pasaroox’ina, xam feeñlit o tedel es no ne um fesooritkaa fa den na kid no qeet lakas ke. Maaga, xan a ngen no saax den le ci’uuma a Yakoob fee o tag es.