Yeremi 27:10 - NQAARIIT NE ROOG

¹⁰ Xa maaƥ xa ƥor a yegnaa a nuun. Nu nan-gilooxangaa a den koy, xan nu ƥisel maa goƭna saax nuun, yaam xam raxit a nuun teen soo nu saŋkoox.

Yeremi 27:10 Referans Kwoze

Yeremi 32:31

Naa teeru fene a maxe boo xaye kaa fuuxnooraxam, a saynooraxam. Bugatinum o doon a ngid

A ƭomatax ake 2:14

Duleer we wo peeñil naanaxir fo tefee ndigil a njegu na wo. Ngultee njofaƭar of, ndax da mbinqanong muj fa mbaaxeer of. Ke da yegnoonga xa maaƥ fo naanaxir ƥor oo.

Yeremi 28:16

Ten taxu, o Yaal oxe a layong ee: ‹Xam raxtong took lanq ke. Xan o xon no hiid olene, yaam kaa o riñ xeet fee da siiknoor fa mi o Yaal oxe.› »

Yeremi 27:14

Ba nu nan-giloox fa lay no duleer we na layaa a nuun ee: ‹Nu ndagooxkee o maad oxe Babilon!› Xa maaƥ xa ƥor a yegnaa a nuun.

Yeremi 23:25

«Mi o Yaal oxe, nanaam ke duleer we na yegnitaa xa maaƥ no gon es a layna. Kaa ndamtin ee: ‹Ɗaaɗaam, ɗaaɗaam!›

A sutax ale 22:18

Oxuu wondooxna fo njegel fat a warel!

A cangatin ale 18:10

Ba o leng na nuun a dox o ƥeem o ngoor mbaat o ndew nen sadax mbaat ta rok no ƭeet mbaat no ƥogid mbaat no pan mbaat no ñango

Yeremi 8:19

Xa buuq xa ƈufginoor axe na xeet es a nannoortiida muu refna kam saax le: «Ndax kaa o Yaal oxe refatee Siyoŋ? Ndax kaa Siyoŋ jegatee o maad?» O Yaal oxe a doona yee: «Xar taxu da mbuuxnoortaam nitaal sexe ke den, tig cegee njiriiñ ke ngatna a ngenareem?»

Yeremi 14:14

Kaa koy, o Yaal oxe a layaxam ee: «Xa maaƥ xa ƥor duleer weene a yegnitaa no gon es. Luliim a den, roxondiim a den tig, too layiim a den tus. Peeñil cegeer, yegnit koɓong fo naanaxir ke na qeeñ den a yegnaa a nuun.

Yeremi 23:16

Keeke o Yaal oxe Hupna fop a layu: «Ba nu nan-giloox ke duleer weene a yegnaa a nuun. No yaakaar mbooreer a ƥekaa a nuun, a layaa peeñil ke no xeeñ den doŋ, ngateerna no don es.

Yeremi 27:15

O Yaal oxe kaa tee: ‹Luliim a den, too kaa yegnitaa xa maaƥ no gon es, ndax um rax a nuun soo nu saŋkoox, nuun fo duleer we na yegnaa a nuun padafuleer.› »

Yeremi 27:16

Layaam saasadax we fo we ndeeƭna maaga fop xa ƭelem axene: «Keeke o Yaal oxe a layu: Ba nu nan-giloox fa lay fee no duleer we nuun na yegnaa a nuun ee: ‹Ƥaxañ ke no Mbind ne no Yaal oxe wey a nomtitiideel Babilon no ñofu!› Xa maaƥ xa ƥor a yegnaa a nuun.

Yeremi 28:11

Cinj kaaga, Hananiya a laya mbaambir xeet fee fop ee: «Keeke o Yaal oxe a layu: ‹Neene deŋ, boo xa kiid xa ƭaq a ngelko fo mbadaa, um dontitkaa a kadoor ale Nebukadnesaar fee o maad oxe Babilon no cok qeet ke fop, ɓolin.› » Maaga, o tuleer Yeremi a suura a ƭat um.

Dañel 4:7

Ye wondooxuuma no njong es, ga’aam ndaxar naa naagna lawlaw ndeer ee ndeer lanq ke.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Sakari 10:2

Mayu kaa ndiisaa soxla den pangool fo fan, weene a maaɓaa a den, a ndegaa a den cegeer, lakas we a yaakaar xa ƭaaɗ, too yaaloor o ƭaaɗ a ref o huloox o quusi. Keene mat taxu da njoqooyooxaa, a ngalakoox nen ged laa jegeerna o kaynaak.