Yeremi 26:4 - NQAARIIT NE ROOG

⁴ Xan o lay a den boog ee: ‹Keeke o Yaal oxe a layu: Nan-gilooxaamoo, ndax nu ndeef kebil ke cooxuuma a nuun,

Yeremi 26:4 Referans Kwoze

1 Maad we 9:6

Kaa koy, nu mbesangaam a cinj, nuun fo xa taan nuun, mbañ o ngay kebil es fo bargal es ke dalnanuuma a nuun, boo nu mbaɗookna roog lakas ke, ngungaa mbaambir den,

Yeremi 44:10

Boo xaye nu ndicooxee, nu saɗariraam, nu ndeefee kebil es fo bargal es ke cooxuuma a nuun, nuun fo daan nuun.

Esayi 1:20

Kaa koy, boo nu mbañna, nqox sup, xan laƥ a ñaam a nuun.» Neene a refkaa, yaam no don no Yaal oxe a hatu.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

A cangatin ale 31:20

Xam ɓis xeet feeke kam saax le daaɓooxuuma fo daan den ee xam ci’in a den, saax le fo sis fo suum a ndaxritaa. Xan da ñaam maaga boo a naang tem, a magin, cinj kaaga da nquruloox farna fo roog lakas, a mbaɗooxaa a den. Xan a nqeefaam soo a ƭeg ngiɓoor es fa den.

A cangatin ale 11:32

fat nu ngay ndax nu ndeef bargal ke fo kebil ke um cooxaa a nuun xaye.»

A cangatin ale 4:44

Keeke refu a cangin ale Moyiis a daawinna Ii-isra’el we.

A cangatin ale 4:8

Xeet fa maak fum njegu bargal fo kebil kaa njofitna nen ke um cooxaa a nuun xaye?»

Yeremi 17:27

Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»

Yeremi 22:5

Kaa koy, nu nan-gilooxangee fa lay feene, mexe daaɓoortan a xoox es o mat ee xan mbind nene a fes a pec.» O Yaal oxe layun.

Yeremi 32:23

A ndoka teen, a njangin, ndaa nan-gilooxee o ñuxur of, ndeefee kebil of, mbi’ee dara no ke hebil’oona a den da mbi. Ten taxu, o sag a den taamaala feeke fop.

Yeremi 44:23

Yaam ne nu ndoxanna roog can cuuraay, mbakaad no Yaal oxe, yaam ne nu nan-gilooxeerna o ñuxur no Yaal oxe too nu ndeefee kebil um, bargal um fo a cangin um, taxu taamaala feeke a dal a nuun, ne ta refitna xaye.»

Yeremi 7:14

Ten taxu, Mbind nene kesaneema too nu ngoolooxin, o mbiñ onqeene ci’uuma a nuun, nuun fo daan nuun, xam fi’in ne fi’uuma a Silo.