Yeremi 26:3 - NQAARIIT NE ROOG

³ Xeƈa xan a nan-giloox, a mbes a cinj a ƭat a paaxeer den. Maaga, xam ricoox paaxeer ke yuuɓan’uuma a den yaam kañaan ne na pi den.

Yeremi 26:3 Referans Kwoze

Yeremi 36:3

Xeƈa xan wiin we Yudaa a and taamaala fee yuuɓanuuma a den fop, ndax da mbes a cinj a ƭat a paaxeer ale den. Maaga, xam waasanit tooñ den fo pakaad den.»

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

Yeremi 36:7

Xeƈa xan a tax da nqeɗoox o Yaal oxe, oxuu refna a fes a cinj a ƭat a paaxeer um, yaam fuux le fo say ole o Yaal oxe a regdinooxna xeet fene a magna.»

1 Maad we 21:29

«Ɗeetangi ɗeet rek koy ne Ahab a neewandooxitna mbaambir es. Feek a neewandoorta neene, ɓisiidkatiim ɗom le no ñoow um, ndaa no ñoow no ƥeem um ɓisiidkatan.»

1 Maad we 21:27

Ye Ahab a nanna fa lay fee Eliya, a dalfooxa o faar tikoorik um, a deroox o saaku soo a ref no koor. O saaku leene a wondoortoogu sax, too a ñaaƈ ale ten kaa niid’atu.

Yeremi 26:13

Ndiiki koy, supityo a pesoorooƭ nuun fo a pi nuun, nan-giloox o ñuxur no Yaal oxe Roog nuun. Yaaga xan o Yaal oxe a ricoox paaxeer ke ta waajan’ina a nuun.

Heseki’el 12:3

Wo fee o ƥiy no kiin, fi’ani a xoox of o fof o raayir, soo raay njoloor o mbuc na kid den. Jangoorti no mbiñ onqe refoona nen oxaa na ɓiseel took o hup doole, jof o mbiñ o lakas na kid den. Xeƈa xan da and ee xeet fa mbaafañ a ndefu.

Hoose 11:9

Reefankiim fuux ɗomu le mi. Waasaam yaq fee fosooxan’oonga, wo Efrayim, yaam Roog refum, refiim o kiin. Kaam ref o Tedu xe a ndeer of, garitkiim fuux.»

Yowel 2:14

Xeƈa xan o Yaal oxe Roog nuun a supit a qalaat soo a barke duufe le nuun. Maaga, xan nu mbaagahinin o ƥisiid sadax tuufe-duufe fa sadax biiñ.

Yeremi 26:19

Ndax Hiskiya fee o maad Yudaa fo we Yudaa fop a mbarnoor’aan? Ndax Hiskiya saɗar’ee o Yaal oxe? Ndax ƴufginoox’ee o Yaal oxe? Maaga, o Yaal oxe a ricooxa paaxeer ke ta waajan’ina a den. In o mat, i mbug o ngadin a qoox in paaxeer magnitu neene!»

Heseki’el 18:21

«O soxodu xe a fesangaa a cinj pakaad ke ta fi’na fop, a gay bargal es fop soo a reefaa a ƭat fo o cofel, a woora yee xan a ñoow, xonkee.