Yeremi 26:24 - NQAARIIT NE ROOG

²⁴ Yeremi o mat, Ahikam fee o ƥiy Safan saytoox’un. Ten taxu Yeremi ɓoxot’aand na xa ƥay xeet fee, ndax ta warel.

Yeremi 26:24 Referans Kwoze

Yeremi 39:14

a lulta o nqotankel a Yeremi no maax olaa no yeeyetax we. A ƥoxotaan a Gedaliya fee o ƥiy Ahikam, too a ref o ndaan Safan, ndax ta ɓisin ta xaad. Neene, Yeremi a genoogata a ndeer xeet fee.

1 Maad we 18:4

Ye Isebel fee o tew no maad oxe a waraa duleer we no Yaal oxe, Abjaas a mucil’a duleer teemeed no duleer waaga, a fi a den a qaaj a ƭak no wiin qarɓeen ƥetik, a ɗasin a den kam luf a ƥil, a cooxaa a den ñaamel fo foofi.

Mbeeñil 12:16

Kaa koy, lanq ke a ƈufgiida o tew oxe, a mbetooxa, a ƥuus a paas ale Niŋki-naŋka a xuqit’ina no don um.

A pi ake 27:43

Kaa koy, o aa-adax oxaa no xiixire teemeed waa a bug’a o mucil a Pool, too a fañta a den da mbi pexey naaga. Cinj kaaga, a hebla we mbaagna a beƈ da eet o mbool no foofi le, ndax da ndaaw tambando fee.

A pi ake 23:10

Ne coowoor ne a moƴ’atna o jegaa doole, kelfa fee no xiixire juni we a saɗar’a yee xan wiin we a nduguñ a Pool. Naaga, a hebla xiixire waa da ndet, a sut a Pool a ndeer Mal naa, a ƥisin no saŋe naa.

2 Caloori ke 34:20

A xoyna a Hilkiya fa Ahikam fee o ƥiy Safan fa Abdon fee o ƥiy Mika fa Safan fee o piibind oxe fa Asaya fee o leng no dag we ten, a lay a den ee:

2 Maad we 25:22

Nebukadnesaar fee o maad oxe Babilon a dalna a Gedaliya fee o ƥiy Ahikam, too a ref o ndaan Safan, ta ref gofornoor no wiin we ta xaƴ’ina kam saax laa Yudaa.

Yeremi 29:3

Yeremi a ɓoxotaan na xa ƥay Elasa fee o ƥiy Safan fa Gemarya fee o ƥiy Hilkiya, den we Sedekiya fee o maad Yudaa a lul’ina Babilon maa Nebukadnesaar fee o maad oxe Babilon. O leetar ole kaa lay’u yee:

Yeremi 36:10

Maaga, Baruk a janga kam Mbind ne no Yaal oxe mbaambir xeet fee fop fa lay fee Yeremi bindeena no laxas safe le. Oxe geenoox’a na ndok ale Gemarya fee o ƥiy Safan, o piibind oxe, no maax took olaa, paam ndokand nqas ne no Mbind ne no Yaal oxe.

Yeremi 36:11

Mise fee o ƥiy Gemarya, too a ref o ndaan Safan a nana fa lay fee no Yaal oxe fop bindeena no laxas safe le

Yeremi 36:12

soo a fudoox no mbind no maad ne, na ndok ale no piibind oxe. Kelfa ke fop kaa mbokatoor’u maaga. A jeg’a a Elisama fee o piibind oxe, Delaya fee o ƥiy Semaya, Elnatan fee o ƥiy Akboor, Gemarya fee o ƥiy Safan, Sedekiya fee o ƥiy Hananiya fo kelfa lakas ke fop.

Yeremi 36:19

Maaga, kelfa ke a laya a Baruk ee: «Reti ɗasik, wo fa Yeremi, too ba o leng a and me nu ndefna.»

Yeremi 36:26

O maad oxe a hebla a Yerahmel fee o ƥiy no maad oxe, Seraya fee o ƥiy Asri’el fa Selemiya fee o ƥiy Abdel da ndam a Baruk fee o piibind oxe fo o tuleer Yeremi. Kaa koy, o Yaal oxe a ɗasna a den.

Heseki’el 8:11

Maak qarɓeen ɓetuu ɗik no mbind Isra’el kaa mbod’u mbaambir den, soo Yaasaniya fee o ƥiy Safan a fod a ndeer den. Oxuu refna kaa deegoox’u no ɓay um o njaq cuuraay soo eel yelefu a yoɗooxaa.