Yeremi 26:20 - NQAARIIT NE ROOG

²⁰ Na jamaane Yeremi, a jeg’a itam o koor o lakas oxaa yegnitoogna padafuleer no gon no Yaal oxe. Uriya fee o ƥiy Semaya a reeƭu, too a gen’u Kiryat-Ye’arim. A layooga took teeru fene fo took saax lene ne Yeremi a laytooguuna deŋ.

Yeremi 26:20 Referans Kwoze

1 Sami’el 7:2

A cinj ye arka ne no ngiɓoor ne a ɓiseena Kiryat-Ye’arim, a pe a mayu a ndoonooxa taaga, xa kiid qarɓeen ƭik xa muum. Maaga, Ii-isra’el we a iinoogata, a mbug o matiid o Yaal oxe.

Yosuwe 9:17

yaam no ñaal ndadkandeer naa a ndaaw’u teeru ke den, a cinj ye da ƭisooxna. Teeru keene ndefu Gibe’on fa Kefira fa Beerot fa Kiryat-Ye’arim.

1 Sami’el 6:21

A ndalfooxa o lul wiin na saate faa Kiryat-Ye’arim, ndax da lay a den ee: «Fiifilista we a nomtiida arka ne no Yaal oxe. Ngaryo nqotin, ƥisin me nuun.»

Yosuwe 18:14

No mudand ne, o ŋat ole a puloora no joong olaaga, a xot farna fo ɓemb-roog o ñamaak boo a saltik Kiryat-Baal fee na xoyel itam Kiryat-Ye’arim fee fogna no jeg ole na carind ale Yudaa. Meene o ŋat ole no mudand a reefu.

Yosuwe 15:60

A jeg’ahina Kiryat-Baal too a xoyeel itam Kiryat-Ye’arim fa Raba. A ndeeƭa teeru ƭik fo caate ke da mbaxooxna.

Yeremi 2:30

Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

Yeremi 36:19

Maaga, kelfa ke a laya a Baruk ee: «Reti ɗasik, wo fa Yeremi, too ba o leng a and me nu ndefna.»

1 Maad we 18:10

Ne ta wooritna yee o Yaal oxe Roog of oxe ñoowaa, neene a woortu yee o maad oxe yaal es a lula wiin kam qeet ke fop fo kam maat ke fop, ndax ta waaƭong, too boo we na saax akeene a layna yee refiro maaga, a mbara o ƥaat teen a taaƥ ee nga’irang.

2 Maad we 23:37

Yoyakim a fi’a kaa faaxeerna na kid no Yaal oxe nen daan um.