Yeremi 26:2 - NQAARIIT NE ROOG

² O Yaal oxe a layaan ee: «Geenooki no maax olaa no Mbind es, lay fop we ngenna no teeru ke Yudaa, na nqeɗiidaa no Mbind es, fop ke hebloonga o lay a den. Ba o hend teen dara!

Yeremi 26:2 Referans Kwoze

A cangatin ale 4:2

Nu ƥaatkee dara na fa lay fee um cooxaa a nuun, too nu mbatinkee teen tig itam, ndaa fat nu ngay kebil ke no Yaal oxe Roog nuun, ne um cooxtan a nuun.

A pi ake 20:27

yaam yegnaam a nuun yaaga ke Roog a yuuɓna fop, too ɗasniim teen o ndara.

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Yeremi 19:14

Yaa Yeremi a nomtoortiidna Tofet, maa o Yaal oxe a lul’uuna, ndax ta yegnitanin fa lay um, a gara a geenoox no maax ole no Mbind ne no Yaal oxe, a lay fop waa ndeeƭna maaga yee:

Yeremi 1:17

Wo Yeremi koy, humnooxi. Inooxi, ret daawin a den fop ke um hebilkang. Ba o send mbaambir den, yaam ndik um sendnoorong mbaambir den.

A pi ake 20:20

Nu andooda sax ee ɗasniim a nuun dara no ke waagna o jiriiñ a nuun. Kaam yegin a nuun fa lay fee Roog kañ, waare a nuun no qel ke fo kam pind ke nuun.

A pi ake 5:42

Ñaal nuu refna, kaa maad’u o mbokatooraa kam Mbind Roog naa fo kam pind ke, a njangnaa, a yegnitaa Yegil mbaax ne yee Yeesu refu o Muumucil oxe regteena.

YEGIL MBAAX NE YEESU ne Saŋ a bindtuuna 18:20

Yeesu a doonaan ee: «Naa moofum o don es took a layaa, kaam jangnaa kam pind a qeƭ ke, kam Mbind Roog ne Yaawuur we fop a ndefaa. Jegee dara kaa layuuma na pet.

Heseki’el 3:10

A layaxam ee: «Wo fee o ƥiy no kiin, fa lay fee um laykang fop, ɓekeen no xeeñ of too nan-giloortin nof of.

Yeremi 36:10

Maaga, Baruk a janga kam Mbind ne no Yaal oxe mbaambir xeet fee fop fa lay fee Yeremi bindeena no laxas safe le. Oxe geenoox’a na ndok ale Gemarya fee o ƥiy Safan, o piibind oxe, no maax took olaa, paam ndokand nqas ne no Mbind ne no Yaal oxe.

Yeremi 23:28

Fat o tuleer oxe jegna o ƭaaɗ a wetandooxin, oxe daawna fa lay es o mat a yegnititin ne ta helitna. Xar ñaax le a daawru fo pep ke? Mi o Yaal oxe layun.

Yeremi 7:2

«Geenooki na carind ale no Mbind ne no Yaal oxe soo falaloox maaga yee: ‹Nuun Yuuyudaa we fop na ndoktaa na carind akene, ndax nu mbaɗoox o Yaal oxe, nan-gilooxyo ke o Yaal oxe a layna!

Mbeeñil 22:19

Oxuu watinna tig na fa lay fee no nduleer ne Roog bindeena no safe lene, xan Roog a watin a las um no ndaxar ne no ñoow ole fo na teeru fee layteena no safe lene.

A pi ake 5:25

Maaga, o qoy o leng a gara, a lay a den ee: «Ngarangyo nga! Wiin we nu ƥek’ina kaso, owaay kam Mbind Roog naa, a njangnaa xeet faa.»

YEGIL MBAAX NE YEESU ne Saŋ a bindtuuna 8:2

Kaa koy, ye a kid a nqoolna a nomtooxa no Mbind Roog naa, soo saax le fop a ngar a ndeerin. Maaga, a moofa, a jangnaa a den.

YEGIL MBAAX NE YEESU ne Lik a bindtuuna 19:47

Na pe akaaga fop kam Mbind Roog naa a jangnoogu, too saasadax maak waa fo jaajangin waa no kebil ke fo kelfa kaa na xeet faa a mbaaƭooga maa da mbartuuna.

Yeremi 42:4

O tuleer Yeremi a laya a den ee: «Nanaanum. Xam xeɗ o Yaal oxe Roog nuun, ne nu laamtituuna. Fa lay fuu o Yaal oxe a doonna a nuun, xam feednin a nuun, fañ o ɗasin teen dara.»

A cangatin ale 12:5

Fat nu mbaɗoortikan soom no mbiñ onqe ta jilkaa na xa piisel axe na carind ake nuun fop, ndax ta gen teen, gon um a ƴufginooreel teen.

Yeremi 7:27

Wo Yeremi, o layangaa a den keene fop, nan-gilooxkirang, o xoyangaa a den, njaaɓkirang.

Heseki’el 33:7

Wo fee o ƥiy no kiin koy, dalnaaxoong nen o yeeyetax took mbind Isra’el. Fat o nan-giloox fa lay fee na sutooraa no don es soo maƭooxanaam a den.

Heseki’el 40:4

O koor oxeene a layaxam ee: «Wo fee o ƥiy no kiin, ɗeeti a paax, wet nof of! Horooxi a paax fop ke um lalkang, yaam kaa o ɓisiidel mene, ndax o ɗeet a paax. Fat o lay mbind Isra’el fop ke o ga’kaa!»

Yosuwe 8:35

No ke Moyiis a heblit’ina fop, yoq’ee teen dara kaa Yosuwe a jangeerna mbaambir mbokatax ne Isra’el fop boo no rew we fo xa teɓandoong axe fo xa kataakoon axe ngenoogna a ndeer den.

Yeremi 1:7

Kaa koy, o Yaal oxe a layaxam ee: «Ba o lay ee o njaaƈ refo, yaam xan o ret paam no fop we um lulkang, lay fop ke um hebilkang.

Yeremi 25:2

Yeremi a laya wiin we Yudaa fop fo we ngenna Yeerusaleem fop ee:

Yeremi 28:5

O tuleer Yeremi a doona o tuleer Hananiya mbaambir saasadax we fa xeet fee fop ndeeƭna kam Mbind ne no Yaal oxe,