Yeremi 26:19 - NQAARIIT NE ROOG

¹⁹ Ndax Hiskiya fee o maad Yudaa fo we Yudaa fop a mbarnoor’aan? Ndax Hiskiya saɗar’ee o Yaal oxe? Ndax ƴufginoox’ee o Yaal oxe? Maaga, o Yaal oxe a ricooxa paaxeer ke ta waajan’ina a den. In o mat, i mbug o ngadin a qoox in paaxeer magnitu neene!»

Yeremi 26:19 Referans Kwoze

2 Sami’el 24:16

Ye malaaka fee a letinna o ɓay um took Yeerusaleem, ndax ta xawin, o Yaal oxe a ricooxa ɗom leene soo a lay a malaaka fee saŋkoogna xeet fee yee: «A deya! Ndiiki, fudni o ɓay of.» Kaaga oxaa soƥ’a malaaka fee no Yaal oxe paam cukand naa Arawna, o Yeeyebus oxe.

A sutax ale 32:14

Cinj a qeƭax alaaga, o Yaal oxe a waasa paaxeer ke ta yuuɓan’ina xeet um.

A pi ake 5:39

ta soƥ koy ee na Roog a ngatu, nu mbaagee o sañit a den. Mbootooxyo boog o ñoxor fa Roog!» Mal maak ne a njaɓa yiif laaga na Gamaliyel.

Esayi 37:4

Giimee o Yaal oxe Roog of a nan’angaa rek xa ƭelem axe na jawdiin fee o maad oxe Asuur refna o yaal mbind um a lulitna, ndax ta wen a Roog fa ñoow jok fee, yaaga xeƈa xan a fadin a qaw um yaam xa ƭelem axe ta nanna. Xeɗani boog onqe yoqna na xeet um.› »

Esayi 37:1

Yaa o maad Hiskiya a yegna kaaga, a dalfooxa o faar toki um, a deroox o saaku soo a ret no Mbind naa no Yaal oxe.

Mbeeñil 16:6

Yaam kaa ƥax fo’oy le no we mbogna na Roog fo le no duleer we. Ndiiki koy cooxaa a den fo’oy fo yerel. A ndaawa a las den!»

Mace 23:35

No ndigil, mexe layaa a nuun ee: Xan fo’oy le no jofu we ɓaxooxna a lanq fop a yen took wiin we ndiiki. No fo’oy laa Abel o cofu xe a xotitkaa, boo no fo’oy laa no ƥiy Barakiya ne’eena Sakari, too nu mbarit’un a ndeer Mbind Roog naa fo o sadaxand olaa.»

Habakuk 2:10

Ke fexeyoona gaci’andu mbind of. Ne saŋkoona qeet mayu, xoox of sax sax yaqo.

Yeremi 44:7

Ndiiki koy, keeke o Yaal oxe Roog fee Hupna fop, Roog fee Isra’el, a layu: Xar taxu nu mbi’aa a qoox nuun paaxeer ƭomu, suudtaa a ndeer xeet fee Yudaa goor fo rew, xa caaƈ fo bax, boo jegatee na nuun yoqatin leng?

Yeremi 26:15

Kaa rek, fat nu and a paax ee nu mbarangaam, nu ngadooxa fo’oy jaambuur, nuun fa teeru fene fo we ngenna teen. Yaam no ndigil, o Yaal oxe lulaxam me nuun, ndax um yegin a nuun a ƭelem akeene fop.»

Yeremi 26:3

Xeƈa xan a nan-giloox, a mbes a cinj a ƭat a paaxeer den. Maaga, xam ricoox paaxeer ke yuuɓan’uuma a den yaam kañaan ne na pi den.

Esayi 26:21

yaam o Yaal oxe xey a sutooriidaa no ngenand um, ndax ta xaw we ngenna no lanq ke yaam tooñ den. Lanq ke xan a mbeeñil fo’oy le ɓaxooxna teen too singkatee we mbareena.

2 Caloori ke 34:21

«Ndetyo laamtankaam o Yaal oxe, mi fo yoqatin we Isra’el fo we Yudaa no kaa farna no ke layeena no safe lene sogna o ga’eel, yaam fuux le no Yaal oxe a yena took in. Daan in ngayee fa lay fee no Yaal oxe too ndeefee fop ke bindeena no safe lene.»

2 Caloori ke 32:20

O maad Hiskiya fo o tuleer Esayi fee o ƥiy Amoc a nqeɗa a Roog, a ƈufginooxin a maak.

Amos 7:3

Maaga, o Yaal oxe a laya yee: «Waasaam ke yuuɓ’uuma.»

Sakari 7:2

Wiin we Betel a lul’a a Sareseer fa Regem-Melek fo goor um, ndax da nqeɗook o Yaal oxe