Yeremi 26:18 - NQAARIIT NE ROOG

¹⁸ «Mise fee genna Moreset a yegnit’a padafuleer na jamaane Hiskiya fee o maad Yudaa too a layooga xeet fee Yudaa fop ee: ‹Keeke o Yaal oxe Hupna fop a layu: Siyoŋ xan a guurel a refat o qol, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.›

Yeremi 26:18 Referans Kwoze

Sakari 8:3

Xam nomtoox Siyoŋ, gen a ndeer Yeerusaleem. Yeerusaleem xan a xoyateel ‹Teeru fa ngore’u fee›, soo o joong ole mi a xoyeel ‹o Joong o tedu le›. Mi o Yaal oxe Hupna fop layun.

Mise 1:1

Keeke refu fa lay fee o Yaal oxe a daawinna a Mise fee gen’ina na teeru faa Moreset na jamaane Yotaam fa Ahas fa Hiskiya we maad Yudaa, ta ref mbeeñil naa jaginna na Samari fa Yeerusaleem.

Nehemi 4:2

Den fop a yekoora no songiid a Yeerusaleem, a njaxasin.

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

Yeremi 17:3

fo xa coong axe kam a koƥ ale. Kalal ke nuun fo o jeg nuun fop, xam ci’it a den da njaɓel, den fo a ñaang a sadaxand ake nuun, yaam pakaad ke nu mbi’na kam o fiisel ole nuun fop.

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

A kim a tedu ke 79:1

A kim a tedu laa fogna na ke Asaf oo. Wo Roog, qeet lakas ke a mbañooxaniida saax le wo, a maasand Mbind tedu ne wo soo a mbi a Yeerusaleem juum kefatin.

Yeremi 51:37

Babilon xan a refat juum kefatin, ngenand xa ƥox-a-koƥ. Xan a refat o njaaxɗataand fo qaadnooxel, too o leng genkatee teen.

2 Maad we 19:25

Ndax andiro yee mi yuuɓ’u keene yaaga, ɗaapin no camaane miñu kaa? Ndiiki koy, kaam fadnan rek. Wo jagand’um, ndax o gef teeru cegu saŋe ke, yaq a den pic.

2 Caloori ke 32:26

Hiskiya fo wiin we Yeerusaleem a anddilooxa tooñ den. Ten taxu fuux le no Yaal oxe biltooxanee a den no ñoow Hiskiya.

Mise 4:1

Xan a jeg camaane kaa, o joong ole no Mbind ne no Yaal oxe a garitkaa xa coong axe fop took, a yooroox a ñaang ake fop, too qeet ke xan a njagin teen.