Yeremi 26:15 - NQAARIIT NE ROOG

¹⁵ Kaa rek, fat nu and a paax ee nu mbarangaam, nu ngadooxa fo’oy jaambuur, nuun fa teeru fene fo we ngenna teen. Yaam no ndigil, o Yaal oxe lulaxam me nuun, ndax um yegin a nuun a ƭelem akeene fop.»

Yeremi 26:15 Referans Kwoze

Xa peƭit axe 6:17

a kid nga’yaamoo ke, ɗelem naanax le, xa ƥay axe na ƥaxaa fo’oy jaambuur,

A lim ale 35:33

Nu mbaree o nqoolaƭarand saax le nu ngenkaa. Fo’oy fo ɓaxooxu kaa xoolaƭarandaa saax le, too boo o kiin a wareena, saax le waagaand o ɓogdit lakas a refangeerna fo’oy no baawar oxe.

Mbeeñil 16:6

Yaam kaa ƥax fo’oy le no we mbogna na Roog fo le no duleer we. Ndiiki koy cooxaa a den fo’oy fo yerel. A ndaawa a las den!»

A pi ake 7:60

Cinj kaaga, a gooknooxa, a wuuq a maak, a lay ee: «O Yaal oxe, ba o damit a den bakaad fene.» Cinj a ƭelem akaaga, a ɓuta.

Mace 26:25

Yudaa fee ɓoxotkooguuna a layaan ee: «O Caajangin oxe, mbaar refee mi?» Yeesu a doonaan ee: «Wo ne’un!»

Yeremi 22:3

Keeke o Yaal oxe a layu: Ñaaƴinyo a ƭat fo o cofel, suqit oxe na toroxandeel na xa ƥay no ñaañagadil oxe! Ba nu toroxand o gataakoon ole mbaat o waan ole mbaat o ñaaw oxe, ba nu ñagadil a den too ba nu ƥax no mbiñ onqene fo’oy jaambuur.

Yeremi 7:6

mbañ o toroxand o gataakoon ole, o waan ole mbaat o ñaaw oxe, mbañ o ƥax no mbiñ onqene fo’oy no xe fi’eerna cageer soo mbañ o ngiɓoor fo roog can, ndik nu qic taamaala took nuun,

Mace 26:4

Kaa njeetaayoogu ndax da mbaag o ndam a Yeesu no ƴiƴ, soo a mbarin,

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

Yeremi 2:34

Fo’oy le no toroxu we mbi’eerna dara oxey na xa lifar axe no ndoki ne wo. Yaag oo toox de betiro a den da mbaƭtaa begax of. Keene fop yaqanee

Yeremi 2:30

Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

2 Maad we 24:4

fo itam fo’oy no caambuur ke ta ɓaxna boo Yeerusaleem fop a may fo fo’oy no caambuur taxu o Yaal oxe bug’ee o waasanit.

A cangatin ale 19:10

Neene, fo’oy jaambuur ɓaxkaand kam saax le o Yaal oxe Roog nuun a ci’na a nuun nu njegkin, too nu ngadooxkee fo’oy leene.

Mberaand 42:22

Ruben a laya a den ee: «Ndax lay’iim a nuun ee ba nu mbi o goor olene paaxeer? Kaa nu mbañ’aam o nan-giloox. Ndiiki koy, fo’oy um a yena took in.»

Mberaand 4:10

Maaga, o Yaal oxe a laya yee: «Xar fi’o? O wuuq ole no fo’oy le no ndeɓ of a jaaƥatilooxiida boo me mi.

Xa peƭit axe 6:16

A jega tig ɓetuu fa leng boo no ɓetuu ƭik sax kaa o Yaal oxe a sibna:

Yeremi 26:12

Kaa koy, Yeremi a laya kelfa ke fop fa xeet fee fop ee: «O Yaal oxe lulaxam, ndax um yegnit took Mbind Roog nene fo took teeru fene a ƭelem ake nu nanna fop.

2 Caloori ke 24:22

O maad Yowaas a weec’a boog o mbeq onqe Yehoyada fee faap Sakari a jeg’ina no ten soo a warnoor o ƥeem. Ye Sakari a xonaa, a laya yee: «Yaasam o Yaal oxe a ga ke na xewaa too a xawong.»

Yeremi 30:1

Yeremi a daawta no Yaal oxe fa lay fene: