Yeremi 25:3 - NQAARIIT NE ROOG

³ «No kaa xotitna no hiid xarɓaxay fo o hiid o dadkandeer ole no maat Yosiya fee o ƥiy Amon too a ref o maad Yudaa, a gar fa xaye, xa kiid qarɓeen ƭik fo xa kiid xa tadaq axey axaa um daawaa fa lay fee no Yaal oxe, yegnan a nuun roog fuu feedna, ndaa nu nan-gilooxee.

Yeremi 25:3 Referans Kwoze

Yeremi 26:5

nan-giloox fa lay no duleer we dag es um lultiidaa a nuun roog fuu feedna, too nu nan-gilooxee a den.

Yeremi 11:7

Yaam kaam maƭooxoogu daan nuun no kaa xotitna a koom alaa suttuuma a den no saax laa Misira, a gar fa xaye. Kaam maƭooxoogu a den roog fuu feedna yee: Nan-gilooxyo o ñuxur es!

Yeremi 1:2

O Yaal oxe a daawnaan fa lay um na jamaane faa Yosiya fee o ƥiy Amon a refaa o maad Yudaa, no hiid xarɓaxay fo o hiid o dadkandeer ole no maat um.

Yeremi 7:13

Ndiiki koy, mi o Yaal oxe, mexe layaa a nuun ee nu mbi’a a pi akeene fop. Roog fuu feedna um lay fa nuun, too nu nan-gilooxee, um xoy a nuun boo naag cat, too nu njaaɓee.

Yeremi 29:19

yaam nan-gilooxee fa lay es, den we um lultiidaa roog fuu feedna duleer we dag es. Nuun o mat oo, nu nan-gilooxee a den. Mi o Yaal oxe layun.›

2 Caloori ke 34:8

No hiid xarɓaxay fo hiid o ɓetuu dadkandeer ole no maat Yosiya, a soƥ ta xoolandaa saax le fo Mbind Roog ne, a hebla a Safan fee o ƥiy Asaliya fa Maseya fee kelfa’na teeru fee fa Yo’ax fee o ƥiy Yowahas too a ref o keegeek cosaan oxe no maad oxe ndax da ndet a nqendand Mbind ne no Yaal oxe Roog um.

2 Caloori ke 34:3

No hiid o ɓetuu dadkandeer ole no maat um, a soƥ ta maad o refaa o ndeɓandoong, Yosiya a refa no waaƭaa o bug ole Roog fee Dawid fee o taan um. No hiid xarɓaxay fo ɗikandeer ole koy, a refa no xoolandaa a Yudaa fa Yeerusaleem na ñaang a sadaxand ake, na xa taaƴ xa lupe xe Asera, no nitaal ke no pangool cawne ke.

2 Timote 4:2

Waare’i fa lay fee, damoox teen, too xiisnan no daaw mbaat no ñak o daaw. Lalti a ƭat, xasan we ndeefeeruuna, we na ndeefan o umbaa fiɗel a pi den. Keene fop, fi’teen o muñ, yoonandtin a cangin.

YEGIL MBAAX NE YEESU ne Saŋ a bindtuuna 8:47

Oxe fogna na Roog, kaa nan-gilooxaa fa lay Roog. O nanangaa nu nan-gilooxee fa lay es, kaa nu mbogee na Roog.»

YEGIL MBAAX NE YEESU ne Saŋ a bindtuuna 8:2

Kaa koy, ye a kid a nqoolna a nomtooxa no Mbind Roog naa, soo saax le fop a ngar a ndeerin. Maaga, a moofa, a jangnaa a den.

Mark 1:35

No feet olaa ƥiiɓ teel, a soƥ ta maad o niɓaanaa, Yeesu a inooxa a sutoox mbind naa. A reta boo tafil saate faa no mbiñ o mbootu, soo a ref no xeɗaa.

Yeremi 44:4

Kaam gen no luliidaa a nuun duleer we dag es ñaal oo ñaal, ndax da lay a nuun ee: ‹Mbaasyo a pi a cednooxu leene sibuuma!›

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Yeremi 25:4

O Yaal oxe a lultiida a nuun duleer we dag um fop, roog fuu feedna ta luliid a den, ndaa nu nan-gilooxee, nu ndungee nof nuun, ndax nu nan.

Esayi 55:2

Xar a ɗaxu nu ñakaa xaaliis no kaa naangeerna o ñoownaa, nqijaa no ke waageerna o giñ a nuun? Nan-gilooxaamoo boog, too yaaga xan nu ñaam ke faaxna, sawar yaam ñaamel pelu.

A kim a tedu ke 81:13

Maaga, xaƴaam a den no ŋaj den, da ndeefan yuuƥ ke den.

1 Maad we 22:3

O maad oxe Isra’el kaa lay’u dag we ten ee: «Nu anda a paax ee teeru fee Ramot kam Galaad in njegun. Xar taxu boog i njegaa a yiif-a-ƭak no njangatinkin na xa ƥay no maad oxe Araam?»

A sutax ale 8:20

O Yaal oxe a fi’a naaga. A baxal a mayu a ndokiida kam mbind Firawon fee fo ke no dag we ten, too saax laa Misira fop a gefa yaam a baxal ake.

Mberaand 22:3

Abraham a inooxa ƥiiɓ teel, a humin o faam um, soo a yoon fo dag ɗik fa Isaak fee o ƥeem. A seɓa xa cuuƭ axaa ta doxitna sadax fee, soo a xot a ƭat ndax ta ret no mbiñ onqe Roog a lay’uuna.

2 Caloori ke 34:1

Yosiya xa kiid ɓetaa tadaq a jeg’u, ye ta sogna refaa o maad. A maadooxa xa kiid qarɓeen tadik fo o hiid o leng kam Yeerusaleem.

2 Caloori ke 36:15

O Yaal oxe Roog fee no daan den a maƭoox’a a den teelu, a reefandin no duleer we ten, yaam a bug’u o yirim xeet um fo Ngenand ne ten.

Yeremi 7:25

No kaa xotitna no ñaal naa daan nuun a sutoorna no saax laa Misira, a gar fa xaye, kaam lultiidoogu a nuun duleer we dag es, roog fuu feedna um luliid a den.

Yeremi 32:33

Kaa mbesaam ndiiñ, a mbañ o ƭeetaam. Ke aqatinuuma a den roog fuu feedna fop oo, nan-gilooxee, ndax da njaɓ a maƭax es.

Yeremi 35:14

Yoonadab fee o ƥiy Rekab a xañta xa taan um da yer biiñ, too a ngayaan. Boo xaye sax yeree biiñ, yaam a nananaa ke o taan den a heblitna. Mi o mat, layaam fa nuun roog fuu feedna, ndaa nu nan-gilooxiraam.

Yeremi 36:1

No hiid o nahkandeer ole no maat Yoyakim fee o ƥiy Yosiya, too a ref o maad Yudaa, o Yaal oxe a daawna a Yeremi fa lay fene:

Yeremi 36:2

«Waaƭi o laxas safe, bind teen fa lay fee layoonga fop no maat ne Isra’el fo ne Yudaa fo no qeet ke fop no kaa xotitna a koom alaa layuuma fa wo, na jamaane Yosiya, boo xaye.

2 Maad we 17:13

O Yaal oxe a maƭoox’a we Isra’el fo we Yudaa na pexey duleer we ten fop fo ɗeet we ten fop ee: «Mbesyo a cinj a ƭat a paaxeer ake nuun, nanan kebil es fo bargal es, ndeef fop ke hebil’uuma daan nuun, daawnin a nuun na pexey duleer we dag es.»

2 Caloori ke 24:19

O Yaal oxe a lultiida a den duleer ndax weene a nomtiid a den me ten. Duleer we a ƥanja a den, ndaa a mbaña o nan-giloox a den.

Yeremi 19:15

«Keeke o Yaal oxe Roog fee Isra’el Hupna fop a layu: ‹Xam atiid took teeru fene fo took teeru ke ta waxooxna fop taamaala ke regdinooxanuuma fop, yaam we ngenna teen kaa saƭik a qoox, a mbañ o nan-giloox fa lay es.› »

Yeremi 22:21

Lay’aam fa wo yaaga dara jaaxɗandirang, ndaa o doonaam ee: ‹Nan-gilooxkiim.› Keene refu a pesoorooƭ of no kaa xotitna no ndeƥandoong of, yaam nan-gilooxiro o ñuxur es.

Heseki’el 33:4

Oxuu nanna fangax le na luuƥ ale, too jaɓee o maƭooxel, boo xire a gar a ñaamin, xan a gadoox fo’oy um.

Sakari 1:4

Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›