Yeremi 25:1 - NQAARIIT NE ROOG

¹ Keeke refu fa lay fee o tuleer Yeremi a daawna ta jagin na xeet fee Yudaa fop, no hiid o nahkandeer ole no maat Yoyakim fee o ƥiy Yosiya, too a ref o maad Yudaa, a jopir fo o hiid o eetaand ole no maat Nebukadnesaar fee o maad oxe Babilon.

Yeremi 25:1 Referans Kwoze

Yeremi 36:1

No hiid o nahkandeer ole no maat Yoyakim fee o ƥiy Yosiya, too a ref o maad Yudaa, o Yaal oxe a daawna a Yeremi fa lay fene:

Dañel 1:1

No hiid o dadkandeer olaa no maat Yoyakim fee o maad Yudaa, Nebukadnesaar fee o maad Babilon a garana a Yeerusaleem, a widin o kurul-keƥ.

Yeremi 46:2

Ke layeena na Misira fo no xiixire we Neko fee Firawon fee, o maad Misira, ye Nebukadnesaar fee o maad oxe Babilon a xawtuuna Karkemis, no xuluɓ olaa Ofrat, a jopir o hiid o nahkandeer olaa no maat Yoyakim fee o ƥiy Yosiya, too a ref o maad Yudaa:

2 Caloori ke 36:4

Cinj kaaga, a dalna a Eliyakim fee o ndeɓ Yowahas ta ref o maad kam Yudaa fo kam Yeerusaleem soo a supit gon um ta ne’atel Yoyakim. Yowahas fee o maag um o mat a ɓisaan Misira.

2 Caloori ke 36:6

Nebukadnesaar fee o maad oxe Babilon a inooxana a Yoyakim, a damin, a jengtin ceen xanjar soo a ɓisin Babilon.

Yeremi 1:3

O Yaal oxe a layoogahina fo ten na jamaane faa Yoyakim fee o leng na xa ƥiy axe Yosiya a refaa o maad Yudaa, boo no muukandoong naa no maat Sedekiya fee o ƥiy Yosiya, refna ref o hiid xarɓaxay fo o hiid o lengandeer ole no maat um, no nqool o ƥetkandeer onqe, ye waa Yeerusaleem a ƥiseena gilaa saax took o hup doole.

Yeremi 32:1

O Yaal oxe a daawna a Yeremi fa lay um no hiid xarɓaxayandeer olaa no maat Sedekiya fee o maad Yudaa. Kaa jopir’u fo hiid xarɓaxay fo hiid o ɓetuu dadkandeer olaa no maat Nebukadnesaar.

Yeremi 45:1

Keeke refu fa lay fee o tuleer Yeremi a daawnoogna a Baruk fee o ƥiy Neriya, ta bindan no laxas safe, no hiid o nahkandeer olaa no maat Yoyakim fee o ƥiy Yosiya, too a ref o maad Yudaa:

Dañel 1:2

O Yaal oxe a ɓoxota a Yoyakim fee o maad Yudaa na xa ƥay um, soo a xaƴin ta jang na xa ƥaxañ axe no Mbind Roog ne. Nebukadnesaar a ɓisa a Yoyakim fo wiin um Sine’aar took o hup doole, soo xa ƥaxañ axe, ta ɓek a den kam mbind ne no roog ke ten, a diƈ a den na kamba le.

Yeremi 7:1

O Yaal oxe a daawna a Yeremi fa lay um na xa ƭelem axene:

Yeremi 35:1

Na jamaane Yoyakim fee o ƥiy Yosiya, too a ref o maad Yudaa, o Yaal oxe a daawna a Yeremi fa lay um na xa ƭelem axene:

Dañel 2:1

No hiid o ɗikandeer ole no maat um, Nebukadnesaar a ɗaaɗa, a jaaxiɗ teen boo ta yaqanin o ɗaan.