Yeremi 24:9 - NQAARIIT NE ROOG

⁹ Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

Yeremi 24:9 Referans Kwoze

Yeremi 29:18

Xam daabit a den xire, biim fa piste. Neene, maat ke na adna fee fop xan a ndiid, a njaq, yaa da nga’na a den. Xan a ndef saloor, o njaq, o ndiidlataand fo cednooxu a ndeer qeet ke fop pasar’uuma a den,

Yeremi 15:4

Neene, maat ke na adna fee fop xan a ndiid, yaa da nga’na ke fi’uuma a den. Keene refu a qaw ale no fop ke Manaase fee o ƥiy Hiskiya, o maad Yudaa, a fi’na kam Yeerusaleem.»

A cangatin ale 28:37

No qeet ke o Yaal oxe a ɓiskaa a nuun fop koy, xan da ndam xa ton no ke na dalkaa a nuun, a naxoortaa a nuun soo a nqaadnooxaa a nuun.

Yeremi 34:17

Ten taxu, mi o Yaal oxe um lay a nuun ee: Nu nan-gilooxiraam, ndax oxuu refna na nuun a yegnit a bat ale no pog um fo no kend um. Yaaga koy, mi o Yaal oxe, mexe yegnitaa yee xam waas xire fee, piste fee fo biim le, da yen took nuun, ndax maat ke na adna fee fop a ndiid, yaa da nga’kaa a nuun.

1 Maad we 9:7

yaaga nuun Ii-isra’el we, xam sutit a nuun no fiisel ole ci’uuma a nuun, Mbind ne kesanuuma gon es, um naagin buc. Neene, Isra’el xan a ref naxoor fo calat a ndeer qeet ke fop.

Yeremi 29:22

Xan da saloorteel ndeer we na Yudaa ƥiseena took o hup doole kam Babilon. Xan a layeel ee: Yaasam o Yaal oxe a fi’ong ne ta fi’na a Sedekiya fa Ahab, we o maad oxe Babilon a juɗna.

Yeremi 26:6

Nu nan-gilooxatangiraam koy, xam fi Mbind neeke ne fi’uuma a Silo soo fi teeru fene a ref saloor no qeet ke na adna fee fop.› »

Yeremi 25:18

Yernaanum a Yeerusaleem fo teeru ke Yudaa, maad we ten fo kelfa ke ten, ndax teeru keene a mbes a pec, a tas, a ndefat buuƴel fo saloor, nen a xaye sax.

Esayi 65:15

We jiluuma xan a saloortataa gon nuun ee: ‹Yaasam o Yaal oxe na refkaa boo faw a warnoorong nen o leng no weene!› Kaa koy, den we ndefna dag es o mat, xam coox a den gon lakas.

2 Caloori ke 7:20

yaaga, xam sutit a nuun no fiisel ole ci’uuma a nuun, Mbind ne kesanuuma gon es, um naagin buc, fi’in naxoor fo calat a ndeer qeet ke fop.

A cangatin ale 28:25

Xan o Yaal oxe a ci fañ nuun o ndam took nuun. A yaj a leng nu mbi’kaa, yaa nu songkaa a den, soo pictoor a yaj ɓetaa ƭaq, ngod o joor. Xan maat ke no lanq ke fop a njaaxiɗ yaa da nga’kaa ke dalna a nuun.

Heseki’el 26:2

«Wo fee o ƥiy no kiin, Tiir kaa jalaa a Yeerusaleem, a damtin ee: ‹A duguñe, ndokand neene no qeet ke! Me mi a ngeleerooxkataa. Xam mayat muut, yaam a fesa a pec.›

Heseki’el 25:3

Fat o lay Aa-amon we yee: Nan-gilooxyo fa lay fee no Yaal oxe na refkaa boo faw! Keeke o Yaal oxe na refkaa boo faw a layu: Feek kaa o jalaa Mbind tedu ne mi maasandeena fo o fiisel ole Isra’el fiitneena fo mbind Isra’el ne ƥiseena gilaa saax took o hup doole,

Yeremi 44:22

O Yaal oxe waagatee o muñ kañaan ne na pi nuun fo cednooxu ke nu mbi’na. Ten taxu saax le nuun a fes a pec, a wootat, a saloorteel, too genataand, ne ta refitna xaye.

Yeremi 44:12

Xam dam we yoqna na Yudaa mbosooxna o ndet no saax laa Misira, ndax da laqook maaga. Misira a saŋkoorkaa den fop. Xan laƥ mbaat biim a ñaam a den, a xotit no xe moƴna o neew boo no xe moƴna o maak. Kaam ee, xan laƥ mbaat biim a war a den, da ndef saloor, o njaq, qeefel fo cednooxu.

Yeremi 42:18

Yaam keeke o Yaal oxe Roog fee Isra’el Hupna fop a layu: ‹Ne fuux es fo o say es a njuumoorna took no we ngenna Yeerusaleem, neene a yenitkaa took nuun, nu ndetangaa Misira. Xan nu ndef saloor fo o njaq, qeefel fo cednooxu, too nu nga’katee saax lene muk.›

Yeremi 19:8

Xam ɓek teeru fene no tas fo no calat. Oxuu joonna paam um xan a diid soo a wuuƴ, yaa ta ga’kaa yaq fee ten fop.

A kim a tedu ke 69:11

Loolaam a lool boo torox, hoor, soo keene a wennooraam.

Esayi 43:28

Ten taxu fudnaam kelfa ke no mbiñ o tedu nqe, xeet fee Yakoob, um ɓoxot a den, da ngefel tuƈ, soo xaƴ a Isra’el, fañ we ten a mbenan.»

Heseki’el 5:8

no keene, keeke layum, mi o Yaal oxe na refkaa boo faw: Xam geleerooxan a nuun itam. Xam dalin hate es a ndeer nuun, na kid no qeet lakas ke.

Heseki’el 23:46

Keeke o Yaal oxe na refkaa boo faw a layu: «Fat faan maak a ngaran a den, da ƥoxotel diid le, o jeg den a waltel.

Yeremi 44:13

Ne daltuuma took we Yeerusaleem, um dalitkaa took we laqooxna no saax le Misira: fo laƥ, biim fa piste.