Yeremi 24:8 - NQAARIIT NE ROOG

⁸ Ne xa tun xa paaxeer axe mbaaxaƭarna mbaaxaƭar, boo mbaagataand o ñaam a mbi’eel, neene um fi’kaa a Sedekiya fee o maad Yudaa, kelfa ke ten fo yoqatin we Yeerusaleem, we yoqna no saax lene fo we ngenna no saax laa Misira. Mi o Yaal oxe layun.

Yeremi 24:8 Referans Kwoze

Yeremi 43:1

Yaa Yeremi a layna xeet fee fop boo a ƴut fop ke o Yaal oxe Roog den a sim’uuna ta lay a den,

Yeremi 37:17

Na bes fa leng, o maad Sedekiya a lulta o xotankel a Yeremi too a laamtaan na pet kam mbind no maad ne ten ee: «Ndax jegaa fa lay faa inoorna no Yaal oxe?» Yeremi a doona yee: «Ii, jegaanum.» A ɓaata teen ee: «Xan o ɓoxotel na xa ƥay no maad oxe Babilon.»

Yeremi 24:2

A leng na ƭamba ke kaa saq’u xa tun xa paaxu lool nen xa tun xa poorateel axe, soo a ƭamba lakas ale a saq xa tun axaa mbaaxaƭarna mbaaxaƭar, boo mbaagaand o ñaam.

Yeremi 37:10

Nu nqawangaa sax xiixire we no Kaakalde we fop na nqire’aa fa nuun bo ta yoq na den goor waa ndibeena soom, xan a inooxatin, oxuu refna no ƭiif um, soo a ndaaɓ teeru fene.»

Yeremi 24:5

«Keeke o Yaal oxe Roog fee Isra’el a layu: Ne xa tun xa paaxu xene a mbuudteel, neene we ndameena mbaƭ na Yudaa a ngaaltaxam, den we raxtuuma no mbiñ onqene boo no saax laa no Kaakalde we.

Yeremi 21:10

Yaam xam geleerooxan teeru feene, refee koy ndax um muclin ndaa ndax um moocandin. Xan a ɓoxotel na xa ƥay no maad oxe Babilon na raaɓitkan fiɗel. Mi o Yaal oxe layun.»

Yeremi 44:1

Keeke refu fa lay fee no Yaal oxe daawneena a Yeremi, ta jagin no Yuuyudaa we fop ndal’ina no saax le Misira too a ngenoogu na teeru fee Migdol, fee Tapanes fa fee Memfiis fo no jegel ole Patros garitna no ɓemb-roog o ñamaak:

1 Caloori ke 3:15

Weeke ndefu xa ƥiy axe Yosiya: Taaw fee refu Yohanan, o ƭikandeer oxe a ref Yoyakim, o tadkandeer oxe a ref Sedekiya, soo o nahkandeer oxe a ref Saalum.

Yeremi 13:7

Nomtooxaam boog Ofrat, waaƭaa soo xotatin o kumnoor ole no mbiñ onqe ɗasin’anuuma. Kaa koy, o kumnoor ole kaa fot’u boo jiriiñatee tus.