Yeremi 24:7 - NQAARIIT NE ROOG

⁷ Xam ci a den yiif laa da anditna yee mi refu o Yaal oxe. Xan a ndef xeet es, soo um ref Roog den, yaam xan a nomtooxiid me mi fo a qeeñ den fop.

Yeremi 24:7 Referans Kwoze

Hebre 8:10

A doona teen ee: Keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Xam ref Roog den, da ndefat xeet es.

Yeremi 30:22

Xan nu ndef xeet es, soo um ref Roog nuun.»

Heseki’el 37:23

Ndoɗgandkatee a qoox den tee kaa mbaɗooxaa nitaal roog cakalaaru, a mbi’aa a pi a cednooxu fo pakaad kuu ndefna. Xam mucil a den no fo mbiñ ne da ngen’ina fop too a mbakaadit’u teen. Xam xooland a den da ndefat xeet es soo um ref Roog den.

Sakari 8:8

Xam nomtiid a den, too xan a ngen kam Yeerusaleem. Xan a ndef xeet es, soo um ref Roog den, no ngor fo no cofel. Mi o Yaal oxe Hupna fop layun.»

O leetar ole Pool a bindna GIMU WE NGENNA ROM 6:17

Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

1 Sami’el 7:3

Naaga, Sami’el a laya Ii-isra’el we fop ee: «A soƥangaa yee fo a qeeñ nuun fop nu nomtoortiidaa me no Yaal oxe, ndeɓyo roog can ke nu mbaɗooxaa fo xa taaƴ axe Astarte, soo ndam no Yaal oxe fo a qeeñ nuun fop too mbaɗooxan ten doŋ. Neene, xan a mucil a nuun na xa ƥay no Fiifilista we.»

Heseki’el 37:27

Xam gen fa den, ref Roog den soo da ndef xeet es.

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Yeremi 3:10

Cinj kaaga fop sax, o pog um o tew Yudaa fa ngore’aƭaru fee nomtooxiidee me mi fo xeeñ um fop, ndaa no cat ɗelem soom.» O Yaal oxe layun.

Esayi 51:16

Ɓekaam fa lay es no don of soo laqong no yook ne no ɓay es, ndax um fiisatin asamaan fee, sakatin lanq ke soo lay a Siyoŋ ee: ‹Wo refu xeet es.› »

2 Caloori ke 6:38

a nomtooxiidangaa me wo na qeeñ den fop fo na xa laaw den fop too a nqeɗtangaang kam saax le no we na ndamkaa a den mbaƭ, a mbaambir fo saax le ci’oona daan den fa teeru fee jiloona fo Mbind ne maxuuma no gon of,

Hebre 11:16

Kaa koy, no ndigil, kaa yaakaaroogu mbaafaap naa moƴna o faax, ta ref ne refna na asamaan. Ten taxu, Roog naagee o jegaa gaci fa leng yaa ta xoyeena Roog fee den, yaam o ten fa xoox um o mat jagandanu a den teeru feene.

A kim a tedu ke 119:2

Ndaw o ɗaay no we na ngayaa ngiɓoor um, soo a mbaaƭan fo a qeeñ den fop.

Yeremi 7:23

Kaa kañ keeke heblum a den: Nan-gilooxyo o ñuxur es, too xam ref Roog nuun, nu ndef xeet es. Ñaaƴyo na ƭat ake simuuma a nuun fop, ndax nu ƭaay.

Yeremi 11:4

Dalnanaam a den daan nuun a koom alaa suttuuma a den no saax laa Misira, a kaleera cawir celem ale, lay ee: Nan-gilooxyo o ñuxur es too mbi fop ke dalnanuuma a nuun, yaaga xan nu ndef xeet es, soo um ref Roog nuun.

Yeremi 29:10

Kaa koy, keeke o Yaal oxe a layu: ‹Yaa xa kiid qarɓeen ɓetuu ƭik axe a mbadnooxkaa na Babilon, xam topatooxahin a nuun, fadnan a nuun a tegit es, nomtiid a nuun no mbiñ onqene.

Heseki’el 14:11

Neene, mbind Isra’el mo’ikkatee maa goƭaxama, too nqoolaƭaranditkatee a den tooñ. Maaga, xan da ndef xeet es soo um ref Roog den. Mi o Yaal oxe na refkaa boo faw layun.»

Heseki’el 16:62

Mi koy, xam dalnatin ngiɓoor es fa wo, too xan o and ee mi refu o Yaal oxe,

Heseki’el 39:22

Mbind Isra’el xan a and ee mi refu o Yaal oxe Roog den no kaa xotitna no ñaal naaga a jof mbaambir.»

Heseki’el 11:17

Ten taxu fat o lay a den ee: ‹Keeke o Yaal oxe na refkaa boo faw a layu: Xam fokatit a nuun a ndeer qeet ke, korolit a nuun na saax ake pasar’uuma a nuun ndax um ci a nuun lanq ke Isra’el.

Hoose 2:22

Xam bugir fa wo no ngor, too xan o andaam, mi o Yaal oxe.