Yeremi 24:5 - NQAARIIT NE ROOG

⁵ «Keeke o Yaal oxe Roog fee Isra’el a layu: Ne xa tun xa paaxu xene a mbuudteel, neene we ndameena mbaƭ na Yudaa a ngaaltaxam, den we raxtuuma no mbiñ onqene boo no saax laa no Kaakalde we.

Yeremi 24:5 Referans Kwoze

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Nahum 1:7

O Yaal oxe a faaxa. Kaa ref ndaɗand yaa fa naqad, a topatooxaa we ngoolooxuuna.

Mbeeñil 3:19

Mi o mat, kaam yaraa we fexuuma. Jaflaxi boog, too fes pakaad of a cinj.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

Galati 4:9

Ndiiki koy, ye nu andna a Roog boo ƈut mbaat ye Roog a andna a nuun, nam nu mbugu o nomtoorit na ƭat ale na adna fee jegeerna o njiriiñ, ndax nu ndakoox o ndef faɗ den?

1 Korint 8:3

Kaa koy, oxuu fexna a Roog, Roog a andaan.

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

YEGIL MBAAX NE YEESU ne Saŋ a bindtuuna 10:27

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.

Mace 25:12

Maaga, a doona a den ee: ‹No ndigil, mexe layaa a nuun ee: Mosiim o and a nuun.›

A kim a tedu ke 119:71

Paax oo na mi ye neewandeema, yaam a aqatinaxam ke dalnoona.

A kim a tedu ke 119:67

Kaam mo’’u mir yaaga neewandaandeem, ndaa ndiiki o ñuxur of um gayaa.

A cangatin ale 8:16

A ñaamnoora a nuun kam a koƥ-a-ƥor ale maan fee daan nuun a and’eerna. A doona a nuun coono, ndax ta ɗeetloox a nuun, cinj kaaga ta fi’an a nuun paax.

Yeremi 24:4

Maaga, o Yaal oxe a layaxam ee:

Yeremi 29:4

«Keeke o Yaal oxe Roog fee Isra’el Hupna fop a layu fop we ta damitna Yeerusaleem, a ɓis a den took o hup doole kam Babilon:

Yeremi 29:20

Nuun koy, nan-gilooxyo fa lay fee no Yaal oxe, nuun fop we ƥiseena took o hup doole, nuun we o Yaal oxe a sutit’ina Yeerusaleem, a ɓis a nuun Babilon.

Heseki’el 11:17

Ten taxu fat o lay a den ee: ‹Keeke o Yaal oxe na refkaa boo faw a layu: Xam fokatit a nuun a ndeer qeet ke, korolit a nuun na saax ake pasar’uuma a nuun ndax um ci a nuun lanq ke Isra’el.

A paɗax ale 26:44

Yaag oo toox de, deɓkiim a den, yaa da laqooxkaa no saax le no fañ den. Feskiim a den a cinj, mbaskiraam, warkiim a den too ɗegkiim ngiɓoor es fa den, yaam mi refu o Yaal oxe Roog den.

Yeremi 29:11

Yaam mi o Yaal oxe andaam ke yuuɓanuuma a nuun. Jam yuuɓanum a nuun, yuuɓaniim a nuun paaxeer, ndax um ci a nuun muj fa mbaax fo yaakaar.

Heseki’el 11:20

ndax da ndeef kebil es, a ngay bargal es soo a mbadin a den. Xan a ndef xeet es soo um ref Roog den.›