Yeremi 24:10 - NQAARIIT NE ROOG

¹⁰ Xam hebliid took den xire, biim fa piste, boo yaa da moockaa no saax lene ci’uuma a den, den fo daan we den.»

Yeremi 24:10 Referans Kwoze

Esayi 51:19

Taamaala ke a ndalaang ƭik ƭik: yaq fo naqad, xire fo biim. An na ɗomatooxankang, ndi an um hebilkaa ndax ta yaalong?

Heseki’el 33:27

Fat o lay a den ee: Keeke o Yaal oxe na refkaa boo faw a layu: Ne ta wooritna yee mexe ñoowaa, mi o Yaal oxe, neene a woortu yee we ndefna kam kefatin ke, xan laƥ a ñaam a den, oxe refna na koƥ o njende, um ɓoxotin ƥaaɓaan ke da muudoorin, soo we ndefna na ƥil ake fo no luf ke a nqonit na piste.

Heseki’el 7:15

«Laƥ ne xe tafil, soo piste fo biim a ndef kam. Oxe na refkaa na koƥ ale, xan laƥ a ñaamin, oxe na refkaa kam teeru fee, xan biim fa piste a saŋkin.

Yeremi 34:17

Ten taxu, mi o Yaal oxe um lay a nuun ee: Nu nan-gilooxiraam, ndax oxuu refna na nuun a yegnit a bat ale no pog um fo no kend um. Yaaga koy, mi o Yaal oxe, mexe yegnitaa yee xam waas xire fee, piste fee fo biim le, da yen took nuun, ndax maat ke na adna fee fop a ndiid, yaa da nga’kaa a nuun.

Yeremi 27:8

Boo xeet mbaat maat a ndagooxeerna a Nebukadnesaar fee o maad oxe Babilon, a mbañ o ngadoox a kadoor ale ta seraa a den, xam xawit a den xire, biim fa piste, boo yaa um moocanditkaa a den o ɓay um. Mi o Yaal oxe layun.

Yeremi 19:7

No mbiñ onqene, xam kasaara’in yuuƥ ke no we ngenna Yudaa fa Yeerusaleem. Xam maafit a den laƥ no fañ den fo o ɓay no we mbugna njang o ñis den soo ɓoxot xa tal den da ndefik ñaamel a tud ake fo ƥaaɓaan ke.

Yeremi 16:4

Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»

Yeremi 15:2

A laamtangaang ee: ‹Mam i njofkaa?› fat o doon a den ee: Keeke o Yaal oxe a layu: Fat oxe lafooxaneena fa nqon, a jof na fa nqon, oxe lafooxaneena laƥ, a jof no laƥ, oxe lafooxaneena biim, a jof no biim oxe lafooxaneena mbaƭ, a jof no mbaƭ.»

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»

Yeremi 5:12

Xeet fee no Yaal oxe a nqaña o Yaal oxe, a ndamtin ee: «Roog jegee! Taamaala dalkee a in, too i nga’kee xire mbaat biim.

Mbeeñil 6:8

Ɗeetaam too ga’aam pis bari siindiin. Oxe ŋaayuuna, fa nqon a ne’e, soo jaaniif a reefanin. A coox’e sañ-sañ na qaaj a nahkandeer ale no lanq ke, ndax ta saŋkit wiin we laƥ fo biim fa piste fo na pexey ƥaaɓaan ke no lanq ke.

A cangatin ale 28:21

Xan o Yaal oxe a doon a nuun piste, boo yaa ta moocandkaa a nuun no saax le nu ndokkaa ndax nu njegkin.

Yeremi 21:9

Oxuu maadna o genaa kam teeru fene, laƥ mbaat biim mbaat piste na warkan, ndaa oxuu sutooxna soo a ɓoxotoox no Kaakalde we ƥiikilna a nuun, xan a ñoow, a mucil o ñis um tan-tan.

Yeremi 42:17

Fop we na mbosooxkaa o ndet Misira, ndax da laqook maaga, xan laƥ mbaat biim mbaat piste a saŋik a den. O leng na den muckee mbaat ta ɓostoox na taamaala fee um ɓisiidkaa took den.›

1 Maad we 14:15

Xan o Yaal oxe a xaw a Isra’el bo da sendtaa nen xeet laa foofi a yo’naa. Xan a sutit a den no lanq paax ke ta ci’’ina daan den soo a picit a den no saax o lakas ole no xuluɓ ole Ofrat, yaam kaa da mbuuxnoorit o Yaal oxe xa taaƴ xa lupe xe Asera, da mbi’anna a qoox den.

Yeremi 9:15

Xam pasar a den a ndeer qeet kaa da and’eerna, den oo daan den oo, soo hebil da ndaabtel laƥ boo yaa um moocandkaa a den.»

Yeremi 14:12

A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»

Yeremi 29:17

Keeke o Yaal oxe Hupna fop a layu: ‹Mexe ɓisiidaa took den xire, biim fa piste. Xam fi da nand nen xa tun xa potu xaa mbaaxaƭarna mbaaxaƭar boo mbaagaand o ñaam.

Yeremi 29:18

Xam daabit a den xire, biim fa piste. Neene, maat ke na adna fee fop xan a ndiid, a njaq, yaa da nga’na a den. Xan a ndef saloor, o njaq, o ndiidlataand fo cednooxu a ndeer qeet ke fop pasar’uuma a den,

Yeremi 32:24

Ga’angi, a uum lanq a songir a ndaawa teeru fee boo a ƈut. Kaakalde we xan a songin, a njaɓin ndiiki. Teeru fee xan a ɓoxotel na xa ƥay den na pexey xire fo biim fa piste. Ke yegnit’oona a fadnooxa, too ga’aano a paax.

Yeremi 32:25

Yaqanee toox de, wo o Yaal oxe na refkaa boo faw, o layaam um jikit o qol oleene xaaliis mbaambir no seede, ke teeru fee a ɓoxoteel na xa ƥay no Kaakalde we fop oo.› »

Yeremi 42:22

Andeenoo a paax ndiiki: Xan laƥ mbaat biim mbaat piste a saŋkit a nuun me nu mbugna o ndet, ndax nu laqook maaga.»

Heseki’el 6:11

Keeke layum, mi o Yaal oxe na refkaa boo faw: Foxrandi xa ƥay of, dukoox a caf of soo lay ee ‹ey›, took cednooxu soxodu ke no mbind Isra’el fop na nqonkaa na xire, no biim fo na piste.