Yeremi 23:9 - NQAARIIT NE ROOG

⁹ Ke layeena no duleer we. Xeeñ es kaa gooy taa kam es, um sendaa ne fodeema fop. Kaam nandtaa o kiin o bayu, nen oxaa biiñ a adinna yaam o Yaal oxe fo fa lay fa tedu fee ten.

Yeremi 23:9 Referans Kwoze

Habakuk 3:16

Nanaam yo’in leene, soo kam es a jaxasoox, muuceek es a ndaprapnaa, cer es a ŋeesoox, um sendaa ne fodeema fop. Yaqanee koy, um cungaa ñaal ne na naqad fee, ñaal neene na betkaa xeet fee na toroxandaa a in.

Dañel 8:27

Mi Dañel, jeg’aam ñaal leng-leng kaa neewuuma doole soo jir. Cinj kaaga, inooxaam soo jalanahinaa o maad oxe. Jaaxiɗ’aam lool no mbeeñil neene, too and’iim ke ta tekitna.»

A ƭomatax ake 3:15

A ñaamnooraxam qaaɗu xut, a yernooraam daŋat.

Esayi 51:21

Ndiiki koy, nan-gilooxi a paax, wo Yeerusaleem fa toroxu fee, wo fee wayna nep, too ñimiro biiñ.

A kim a tedu ke 60:3

Wo Roog, fuuxanaa a in, deɓ a in, pasar a in, ndaa dalnatini a in ndiiki!

O leetar ole Pool a bindna GIMU WE NGENNA ROM 7:9

Yaaga andafuliim kebil ne, kaam ñoowoogu, ndaa ye kebil ne a fadiidna koy, bakaad fee a ñoowa na mi,

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

Esayi 29:9

Njomi’yo too njaq! Mbuulyo, too ba nu nga’at, mbay, too biiñ taxiran, tifil-tifilnaa, too a yer a qaaɗu ɓekiran a nuun,

Esayi 28:1

Sabab took teeru fee refna o ndip o nga’atinoor onqe no yeeyer say we Efrayim, a ref mbiɗ leeƥu ne o mosel um a jegeerna sen, a fod took a yulanq a caɓu taxar ale no we a yer biiñ a adinna.

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

A kim a tedu ke 69:20

Andaa ne um wenteel, sedlandeel soo neewandel, too ga’aa fañ we mi fop.

Yeremi 8:18

Naqad es waagee o wat, xeeñ es kaa doxaa taa kam es.

Yeremi 20:9

Maaga layaam ee: «Xalaatkatinum too laykatiim no gon um.» Kaa koy, kaa nand’u kam es nen fiɗel laa na kaƥaa, a wegoox na xa kiiƈ es. Jeemaanum o gadoox boo xij, ndaa waagatinum.

Yeremi 36:16

Yaa da nanna fa lay feene fop, a ƭeetra fo diid, a lay a Baruk ee: «Xan i yegin o maad oxe keene fop.»

Heseki’el 13:3

Keeke o Yaal oxe na refkaa boo faw a layu: Sabab took no duleer fanxoyu we na ndeefaa yiif den too njegee mbeeñil leng!