Yeremi 23:8 - NQAARIIT NE ROOG

⁸ Kaa koy, kaa laykateel ee: ‹O Yaal oxe xe ñoowaa, ten oxe nomtitiidna xa taan axe Isra’el no saax le no ɓemb-roog o janoon fo na saax a lakas ake ta rax’ina a den.› Maaga, xan a ngenatin no saax den.»

Yeremi 23:8 Referans Kwoze

Heseki’el 34:13

Xam sutit a den a ndeer qeet ke, fokatit a den na saax a pogreer ake. Xam gay a den took xa coong axe Isra’el fo kam a nap ake na xa quluɓ axe fo no fo mbiñ ne na ngeneel no saax le fop.

Sofoni 3:20

Na jamaane faaga, xam fokat a nuun, nomtiid a nuun, fi nu njeg gon, simateel a ndeer qeet ke no lanq ke fop, yaa um supitkaa o roxanqol ole nuun na kid nuun. Mi o Yaal oxe layun.»

Heseki’el 39:28

Neene, xan da and ee mi refu o Yaal oxe Roog den, ɓis’ina a den gilaa saax took o hup doole me no qeet lakas ke soo fokat a den no fiisel den. Xaƴkiim maaga o leng na den.

Heseki’el 37:25

Xan da ngen kam saax le ci’uuma a Yakoob fee o tag es, too daan den a ngen’un. Xan da ngen teen boo faw, den fo xa ƥiy den fo xa taan den. Dawid fee o tag es xan a ref o kelwaar den boo kili.

Heseki’el 36:24

Xam suudit a nuun a ndeer qeet ke, fokatit a nuun na saax ake fop soo nomtiid a nuun no lanq nuun.

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

Esayi 14:1

O Yaal oxe xan a yirim a Yakoob. Ii, xan a jilahin a Isra’el soo a dalnatinin no lanq um. Xa kataakoon axe xan a mbokatooriid fa den, too xan a mbogat no mbind Yakoob.

Yeremi 8:3

Fa nqon na moƴkaa yee o ñoow no fop we na yoqkaa na xeet fa ngañaanu feene, no fo mbiñ fo mbogreer ne um pasarkaa a den fop.» O Yaal oxe Hupna fop layun.

Yeremi 16:15

Kaa koy, xan a daaɓoorteel ee: ‹Ne ta wooritna yee o Yaal oxe xe ñoowaa, ten oxe sutitna Ii-isra’el we no saax laa no ɓemb-roog o janoon fo na saax ake fop ta pasar’ina a den.› Xam nomtiid a den no lanq ke den ci’uuma daan den.»

Yeremi 29:14

Xam ga’noox a nuun. Mi o Yaal oxe layun. Xam nomtiid we ƥiseena na nuun gilaa saax took o hup doole, fokatit a nuun ndeer qeet ke fop fo no fo mbiñ ne fop pasar’uuma a nuun. Cinj kaaga, xam nomtiid a nuun no mbiñ onqe ɓisit’uuma a nuun gilaa saax took o hup doole. Mi o Yaal oxe layun.›

Yeremi 30:3

Ñaal key a ngaraa, kaa um nomtiidkaa we na xeet es, Isra’el fa Yudaa, ƥiseena gilaa saax took o hup doole, nomtiid a den no saax le ci’uuma daan den, too xan a njegkin. Mi o Yaal oxe layun.› »

Yeremi 30:10

O Yaal oxe kaa tee: «Wo Yakoob fee o tag es, ba o saɗar, ba o firiɓ, wo Isra’el, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.

Yeremi 31:8

Nga’yo, xam nomtitiid a den no saax laa no ɓemb-roog o janoon, fokatit a den no cat ke no lanq ke. A ndeer den xan a jeg fuul fo ɓoof, rew waa mbudna fo waa na ngaajooxaa. Den fop, xan a nomtooxiid mene, a mbi faan maak.

Yeremi 32:37

‹Mi koy, xam fokatit a den na saax ake fop pasar’uuma a den kam fuux es, kam o say es fo no ngañak es. Xam nomtiid a den no mbiñ onqene, gennoor a den teen fo o woor.

Heseki’el 28:25

Keeke layum, mi o Yaal oxe na refkaa boo faw: Yaa um fokatitkaa mbind Isra’el a ndeer qeet ke da pasaroox’ina, xam feeñlit o tedel es no ne um fesooritkaa fa den na kid no qeet lakas ke. Maaga, xan a ngen no saax den le ci’uuma a Yakoob fee o tag es.

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

Yeremi 16:14

O Yaal oxe kaa tee: «Yaaga koy, ñaal key a ngaraa kaa o leng a daaɓooritkateerna yee: ‹Ne ta wooritna yee o Yaal oxe xe ñoowaa, ten oxe sutitna Ii-isra’el we no saax laa Misira!›

Heseki’el 36:35

Xan a layel ee: ‹Saax lene raad’ina a nandata fo a ƭing ale Edeen, soo teeru kene mbes’ina a pec, a tasel, a mbaytel, a saƭkande soo a ngenel.›

Mise 7:15

Fi’ani a in comlaand, nen a koom alaa suttoona daan in no saax laa Misira!