Yeremi 23:6 - NQAARIIT NE ROOG

⁶ Na jamaane um, xan Yudaa a muclel, Isra’el a gen no woor. Kene refu gon le ta ne’keel: ‹O Yaal oxe refu o cofel in.› »

Yeremi 23:6 Referans Kwoze

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Yeremi 33:16

No ñaal kaaga, xan Yudaa a muclel, Yeerusaleem a gen no woor. Kene refu gon le teeru fee a ne’keel: ‹O Yaal oxe refu o cofel in.› »

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng:

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

Dañel 9:24

Xa kiid ɓetaa ƭaq boo a caf qarɓeen ɓetuu ƭik a ndalnane xeet of fa teeru fa tedu fee wo, ndax njofaƭar a xon, bakaad fee a naag faq, tooñ ne a waasantel, soo o cofel ole na refkaa boo faw a dalnel, ndax mbeeñil ne fo ke o tuleer oxe a layna a mbadnoox, soo Oxe moƴna ted a ɗuumel.

Yeremi 32:37

‹Mi koy, xam fokatit a den na saax ake fop pasar’uuma a den kam fuux es, kam o say es fo no ngañak es. Xam nomtiid a den no mbiñ onqene, gennoor a den teen fo o woor.

Yeremi 30:10

O Yaal oxe kaa tee: «Wo Yakoob fee o tag es, ba o saɗar, ba o firiɓ, wo Isra’el, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

Sakari 10:6

Xam saƭkand mbind Yudaa, mbind Yoseef, um watin, nomtiid a den no saax den, yaam xam yirim a den. Xan a ndefat nen waa moseeruuma o deɓ yaam mi refu o Yaal oxe Roog den too xam jaɓ a qeƭ den.

Sakari 3:10

A koom, xan nu nqurraa ɗuga ndaxar biiñ ne fo ɗuga ndun ne. Mi o Yaal oxe Hupna fop layun.»

Sofoni 3:13

We na yoqkaa na Isra’el mbi’katee njofaƭar leng, maaɓkatee, too naanaxir hatkatee na xa ton den. Xan a suufaa, a kooraa, too o leng jom’andkee a den.»

Abjaas 1:21

Waawat weene xan a ŋaay took o joong ole Siyoŋ, a ngame took xa coong axe Esawu, too o Yaal oxe na refkaa o maad den.

Abjaas 1:17

Kaa koy, xan a jeg waa ndaɗna took o joong ole Siyoŋ na tedkataa. Xa taan axe Yakoob xan a njangatin lanq ke den njaɓ’eena.

Hoose 2:18

«A koom, xan a xoyaam ee: ‹O kor es›, too xoykatiraam ee: ‹Baal fee mi.› Mi o Yaal oxe layun.

Hoose 1:7

«Kaa koy, xam yirim mbind Yudaa, mucil a den, mi o Yaal oxe Roog den, ndaa muclitkatiim a den a qali mbaat laƥ mbaat xire mbaat pis ke mbaat ŋaaŋaay pis we.»

Esayi 54:17

Ƥonax nuu xawneena ndax ta gaañong faaxkee. Oxuu jamboonga no pind layoor ke, xan o damnoorin. Keene refu a las ale geekanuuma dag es. Keene refu o cofel ole den inoorna na mi, mi o Yaal oxe.»

Esayi 35:9

Jegkee njogoy na ƭat aleene, too muumeen fa soxodu fa leng reefkee teen. Leng na den xetitkaand teen. We o Yaal oxe a watna rek na mbugko nqotan.

Esayi 45:17

Kaa koy, o Yaal oxe xan a mucil xeet fee Isra’el. Xan a muclel boo faw. Nu sedkee muk mbaat nu niwaƭarel.

Esayi 33:22

O Yaal oxe refu o Kaahate in, o ten na ɗoxaa a in. O Yaal oxe refu o Maad in, o ten na muclaa a in.

Esayi 2:4

Xan a ref o ƭeeɗeg hate ndeer a saax ake, a ref o qaaxaf no qeet mayu. Xan a nqawin no laƥ ke den xa koŋko soo na salma ke den, da njalin teen xa taaba. Saax leng inooxankatee saax gend um, too xire aqatooxkataand.

Esayi 42:6

«Mi o Yaal oxe, kaam xoyong no cofel soo damong no ɓay. Kaam saytooxang soo dalnong, ndax o ref ngiɓoor ne mi fo qeet ke, ref a qoolaand ale na saax ake.

Yeremi 29:11

Yaam mi o Yaal oxe andaam ke yuuɓanuuma a nuun. Jam yuuɓanum a nuun, yuuɓaniim a nuun paaxeer, ndax um ci a nuun muj fa mbaax fo yaakaar.

Yeremi 33:15

No ñaal kaaga fo no camaane kaaga, xam looƴin no kurcala le Dawid dugatin jofu laa na ñaaƴinkaa a ƭat fo o cofel kam saax le.

Heseki’el 21:27

No ɓay o ñamaak um ƭeet ne a yena took Yeerusaleem. Kaa tee: ‹Geenni masiin komir kaa na nqoyeel a suk paal, jibin o wuuq xire, ndax o xoyit na bar ale, geenin a suk paal ake na xa ton-maax axe, yoɗ a uum lanq a songir, max a uum lanq.›

Heseki’el 28:26

Xan a ngen teen fo o woor, a max pind, a njimb a ƭing taxar biiñ. Xan a ngen teen fo o woor, yaa um fadinkaa kate es took no fop we mbidna a den, a nqeefaa a den. Maaga, xan da and ee mi refu o Yaal oxe Roog den.»

Heseki’el 38:14

Ten taxu, wo fee o ƥiy no kiin, jo’tanaam a Gog ee: Keeke o Yaal oxe na refkaa boo faw a layu: A koom, yaa Isra’el fee xeet es a ngenkaa no woor, xan o andin.

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

Dañel 9:7

Wo o Yaal oxe, kaa o jof. In o mat, seeƈaar in a jaga fa in, in goor we Yudaa, we ngenna Yeerusaleem fo Ii-isra’el lakas we fop, matu yoo goƭu yoo kam a saax ake rax’oona a in fop yaam ngore’aƭar in na wo.

A sutax ale 9:26

Kam saax laa Goseen soom, maa Ii-isra’el we a ngenoogna, a teƥ ale a fad’eeru.

A kim a tedu ke 45:5

Ŋaayni a qali of, ɗis too ŋaay na sareet-xire of, ndax o xoxit ndigil ne fo o cofel ole, xoxit itam oxe neewandooxna. Fat a ñamaak of a fi saɗarnooxu.

Esayi 32:1

Xan a jeg o maad oxaa na maadooritkaa o cofel, soo gelwaar we ten a adoorit a ƭat.

Esayi 32:18

Xeet es xan a ngen no ngenand jam, kam xa taland xa booru, na xa ñootnoorand xa yaadooxu.

Esayi 33:5

O Yaal oxe gartu fop took, yaam took a genu ten fa xoox um. Kaa mayƭandaa a Siyoŋ fo a ƭat fo o cofel.

Yeremi 31:23

Keeke o Yaal oxe Roog fee Isra’el Hupna fop a layu: «Keeke na laykahineel kam saax le Yudaa fo kam teeru ke ten, yaa um nomtiidkaa we ƥiseena gilaa saax took o hup doole na den: ‹Yaasam o Yaal oxe a barke’ong, wo o joong o tedu le Siyoŋ, ngenand o cofel ne.›