Yeremi 23:5 - NQAARIIT NE ROOG

⁵ O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

Yeremi 23:5 Referans Kwoze

Esayi 4:2

A koom, xan dugatin le no Yaal oxe a refat o mosel fo o ndam no yoqatin we Isra’el, soo xa tim axe no saax le a ndefat o ɗaay fo o mosel na den.

Esayi 52:13

O Yaal oxe kaa tee: «O tag es xan a jar, a kañel, a yoɗel soo a ɓoxotel tedaanga faa moƴna o magin.

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

Sakari 3:8

«Wo Yosuwe fee o saasadax o maak oxe, nan-gilooxi, wo fo saasadax lakas we moofna mbaambir of, yaam kaa nu ndef xa anddiloor ee mexey hebliidaa o tag es, ta ref oxe na xoyeel Dugatin le.

Esayi 53:2

A yoɗooxa mbaambir no Yaal oxe nen dugatin, nen saqit laa na sutooraa no ƭak. Saq’ee njer mbaat o mosel olaa waagna o yul a kid in. Dara fel’ee a in no mem um.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Mbeeñil 19:11

Cinj kaaga, ga’aam asamaan fee a wetoox, too pis bari a feeña. Oxe ŋaay’uuna koy Gor fo Ndigil a ne’e. O cofel a hate’taa, a maafriteel o ten.

Amos 9:11

«A koom koy, xam difi o ɗaakaand ole Dawid, yoɗin, ke gefna teen, um xendandin, boo ta dakoox naa ta reeƭna,

Yeremi 30:9

Xan Ii-isra’el we a ndagoox o Yaal oxe Roog den fa Dawid fee um dalnatinankaa a den nen o maad.»

Yeremi 30:3

Ñaal key a ngaraa, kaa um nomtiidkaa we na xeet es, Isra’el fa Yudaa, ƥiseena gilaa saax took o hup doole, nomtiid a den no saax le ci’uuma daan den, too xan a njegkin. Mi o Yaal oxe layun.› »

Yeremi 23:6

Na jamaane um, xan Yudaa a muclel, Isra’el a gen no woor. Kene refu gon le ta ne’keel: ‹O Yaal oxe refu o cofel in.› »

Hebre 8:8

Kaa koy, Roog a jega tooñ kaa ta bugna o feedin xeet um, ne ta laytuuna na ƭelem akene yee: «Ñaal key a ngaraa, kaa um dalnatinkaa ngiɓoor nqas fa xeet fee Isra’el, dalnatinin fa fee Yudaa. Keene o mat o Yaal oxe a layu.

YEGIL MBAAX NE YEESU ne Saŋ a bindtuuna 1:45

Filip oo, a xeta fa Natana’el, soo a layin ee: «I nga’a oxe Moyiis a bindna no kebil ke, duleer we a lay kaa jofna no ten, ta ref Yeesu o Naanasaret oxe, o ƥiy Yoseef.»

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Dañel 9:24

Xa kiid ɓetaa ƭaq boo a caf qarɓeen ɓetuu ƭik a ndalnane xeet of fa teeru fa tedu fee wo, ndax njofaƭar a xon, bakaad fee a naag faq, tooñ ne a waasantel, soo o cofel ole na refkaa boo faw a dalnel, ndax mbeeñil ne fo ke o tuleer oxe a layna a mbadnoox, soo Oxe moƴna ted a ɗuumel.

Yeremi 31:27

O Yaal oxe kaa tee: «Ñaal key a ngaraa kaa um mayƭandkaa kam maat ne Isra’el fo ne Yudaa wiin fo cegel, ne o qol a mayƭandteel fo ax.

Yeremi 22:3

Keeke o Yaal oxe a layu: Ñaaƴinyo a ƭat fo o cofel, suqit oxe na toroxandeel na xa ƥay no ñaañagadil oxe! Ba nu toroxand o gataakoon ole mbaat o waan ole mbaat o ñaaw oxe, ba nu ñagadil a den too ba nu ƥax no mbiñ onqene fo’oy jaambuur.

Esayi 53:10

Kaa fel o Yaal oxe ta duguñin, a heesandin, ndaa ne ta ɓoxotna o ñis um nen sadax fa nqendandoor, xan a ga xa taan um, a ñoow miñu, too o bug ole no Yaal oxe xan a fadnoor no ten.

YEGIL MBAAX NE YEESU ne Saŋ a bindtuuna 1:49

Natana’el a doonaan ee: «O Caajangin oxe! Wo o mat refu o Ƥeenqe Roog, ref o maad Isra’el.»

Mace 2:2

«Taa o maad oxe no Yaawuur we sogeena o rim? Kaa i nga o xoor um no batand boo ten taxu i ngar ndax i mbaɗooxin.»

Heseki’el 34:29

Xam sipan a den a ƭing alaa jegna gon. Biim warkatee a den no saax le, too ndefkatee calat no qeet ke.

A kim a tedu ke 80:15

Roog fee Hupna fop, nomtooxiidi. Me fodoona took asamaan, ɗeetangi ga. Topatooxiidi ndaxar biiñ neeke,

A kim a tedu ke 45:4

Wo fee o qir o say, humooxi laƥ of no saax, meleƈ of fo a qoolaand of.

Yeremi 22:30

Keeke o Yaal oxe a layu: «Mbindyo na safe ke no caloori ke no koor oxene nen oxaa jegeerna o ƥiy, nen oxaa o ñoow um a yaqooxna. O leng na xa taan um waagkee o moof took uum-maamaad le Dawid, a maadoox took Yudaa.»

Yeremi 22:15

Ndax kaa o bug o lalit ee o maad tigi refo yaam ne o yuxmaa a patax ndaxar seedar? Ndax faap of ñaamoogee, a yeraa nen a wo? Yaag oo toox de a ƭat fo o cofel a ñaaƴnoogu, too fop a faax’a no ten.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Esayi 42:6

«Mi o Yaal oxe, kaam xoyong no cofel soo damong no ɓay. Kaam saytooxang soo dalnong, ndax o ref ngiɓoor ne mi fo qeet ke, ref a qoolaand ale na saax ake.

Yeremi 29:11

Yaam mi o Yaal oxe andaam ke yuuɓanuuma a nuun. Jam yuuɓanum a nuun, yuuɓaniim a nuun paaxeer, ndax um ci a nuun muj fa mbaax fo yaakaar.

Heseki’el 21:27

No ɓay o ñamaak um ƭeet ne a yena took Yeerusaleem. Kaa tee: ‹Geenni masiin komir kaa na nqoyeel a suk paal, jibin o wuuq xire, ndax o xoyit na bar ale, geenin a suk paal ake na xa ton-maax axe, yoɗ a uum lanq a songir, max a uum lanq.›

Heseki’el 45:8

Neene, gelwaar we xan a njeg lanq a qoox den kam Isra’el. Gelwaar we mi ñaatlandkatee xeet es. Xan a nqaƴan a carind ake Isra’el ke yoqna no saax le.»

2 Sami’el 23:3

Roog fee Isra’el a laya, ɓil le Isra’el a layaxam ee: «Oxe kelfa’na wiin we fo o cofel soo a maadoortaa o saɗar a Roog

A kim a tedu ke 99:4

Wo o maad oxe fexna a ƭat, fat doole of a simatel. Wo saxnu meen a ƭat, ñaaƴnaa no mbind Yakoob a ƭat fo o cofel.

Esayi 9:5

Yaam i ndimane o ndeɓandoong, i ci’e o ƥiy o ngoor! A gadooxa sañ-sañ, too kaa xoyeel: o Aa-as, Com’andtu, Roog, o Cegu Doole, Faap fee na refkaa boo faw, o Kelwaar Jam.

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

Esayi 33:5

O Yaal oxe gartu fop took, yaam took a genu ten fa xoox um. Kaa mayƭandaa a Siyoŋ fo a ƭat fo o cofel.

Esayi 45:24

na mi o Yaal oxe soom o cofel fa doole a ndefu.› » Fop we siiknoor’ina fo ten xan a nomtooxiid me ten, a lupandoox yaam gaci.

Heseki’el 34:16

Xam waaƭik njegel ne mo’na, xuriid ne jaqooxna, ne ɓolooxna um jongin, ne jirna um waadnin, ndaa ne giñna o mat, a jeg doole, xam saŋkin. Xam gayit a den o cofel.»

Mise 5:3

Xan a inoox soo a gayit a den doole fee no Yaal oxe fo o magnel ole no gon le no Yaal oxe Roog um. Xan a ngenaa no yaadax, yaam xan a ɓoxotel o ndam boo no cat adna.