Yeremi 23:40 - NQAARIIT NE ROOG

⁴⁰ Xam doon a nuun gaci fa ñufkeer fo o niwaƭarel olaa weecitkataandeena muk.»

Yeremi 23:40 Referans Kwoze

Yeremi 20:11

Kaa koy, o Yaal oxe xey fa mi nen a salma-koor a cegu doole. Ten taxu we na ñagadilaxam xan a tolof too mbaagankiraam o sep. Xan a sed ɓot, yaam ne da njegeerna ne da mbugna, a ngaci boo faw, too o leng weeckiran.

Yeremi 42:18

Yaam keeke o Yaal oxe Roog fee Isra’el Hupna fop a layu: ‹Ne fuux es fo o say es a njuumoorna took no we ngenna Yeerusaleem, neene a yenitkaa took nuun, nu ndetangaa Misira. Xan nu ndef saloor fo o njaq, qeefel fo cednooxu, too nu nga’katee saax lene muk.›

Hoose 4:7

Saasadax we fop ne mbodeena a tooñaxam. Xam supit o ndam den gaci.

Dañel 12:2

Mayu no we na ƭaanaa kam lanq ke xan a yokoox, leng we a ndet no ñoow o fagkeer olaa, lakas we a ndet na gaci faa, a sibdel boo faw.

Dañel 9:16

O Yaal oxe, naa moofo a pi of kaa njof. Ngela ɓoosdandi fuux of fo ngañak of, mandaxin xeeñ of na Yeerusaleem fee teeru of, o joong o tedu le wo, yaam pakaad in fo tooñ ke no daan in taxu boo we mbidna a in fop a nqeef a Yeerusaleem fa xeet fee wo.

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

A cangatin ale 28:37

No qeet ke o Yaal oxe a ɓiskaa a nuun fop koy, xan da ndam xa ton no ke na dalkaa a nuun, a naxoortaa a nuun soo a nqaadnooxaa a nuun.

Heseki’el 16:52

Ndiiki koy, roxondooxi gaci of, yaam pakaad ke wo moƴna o mbaaxaƭar ke den, kaa nand wee ndax ɓogaa xa teɓ of. Wo boog, seeƈaari soo roxondoox gaci of, yaam kaa nand wee ndax jofandaa xa teɓ of.