Yeremi 23:39 - NQAARIIT NE ROOG

³⁹ xam waas a nuun pelek, deɓ a nuun maa goƭna mukit es, nuun fa teeru fee coox’uuma a nuun fo daan we nuun.

Yeremi 23:39 Referans Kwoze

Yeremi 23:33

O Yaal oxe a laya a Yeremi yee: «Boo xeet fene mbaat o tuleer mbaat o saasadax a laamtoonga yee: ‹Fa lay fum o Yaal oxe a gadnu a in ndiiki nen a toq?› fat o doon a den ee: ‹Nuun ndefu a toq ale kañ. Ten taxu xam waas a nuun pelek.›

Heseki’el 8:18

Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»

2 Tesalonik 1:9

Xan a qaw den a ref a saŋkax boo faw. Xan a mbildel kaltaa a tagid no Yaal oxe, a ngoƭ o ndam onqe na katil fee ten.

Mace 25:41

Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,

Hoose 5:14

Yaam mi fa xoox es, xam ref nen njogoy na Efrayim, ref nen o njogoy o njanglax no mbind Yudaa. Mi, mi na lisitkaa, cinj kaaga um naag col, ret. Xam ɓis mbuufuɗag es, too o leng suqitkiran na mi.

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Heseki’el 34:20

Ten taxu keeke layum, mi o Yaal oxe na refkaa boo faw: Mi fa xoox es na hate’kaa ndeer mbaal ngiñu ne fo yooyu ne.

Heseki’el 34:11

Keeke layum, mi o Yaal oxe na refkaa boo faw: No ke xotitna ndiiki, mi fa xoox es na bugko topatooxaa paal es, gayaa a den.

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.

Heseki’el 6:3

Fat o lay ee: Nuun xa coong axe Isra’el, nan-gilooxyo fa lay fee no Yaal oxe na refkaa boo faw! Keeke o Yaal oxe na refkaa boo faw a layu xa coong axe fo a ñaang ake, a kamb ake fo a yulanq ake: Mexey! Mexe hebliidaa xire fee took nuun too xam yaq a ñaang a sadaxand ake nuun.

Heseki’el 5:8

no keene, keeke layum, mi o Yaal oxe na refkaa boo faw: Xam geleerooxan a nuun itam. Xam dalin hate es a ndeer nuun, na kid no qeet lakas ke.

A ƭomatax ake 5:20

Xar na taxkaa o weec a in boo faw, waas a in pelek?

Yeremi 52:3

Keene a xewa, yaam ne o Yaal oxe a fuuxanna a Yeerusaleem fa Yudaa boo a deɓ a den maa goƭuuna. Sedekiya a siiknoora fo o maad oxe Babilon.

Yeremi 36:31

Xam xawong, wo fo xa taan of fo dag of yaam tooñ nuun too xam ɓisiid took nuun, took we ngenna Yeerusaleem fo took wiin we Yudaa taamaala fee regdinooxuuma a nuun fop, too nu nan-gilooxiraam.»

Yeremi 35:17

Ten taxu, keeke layum, mi o Yaal oxe Roog fee Hupna fop, Roog fee Isra’el: Xam hebliid took xeet fee Yudaa fo took we ngenna Yeerusaleem fop taamaala fee regdinooxuuma a den fop, yaam kaam lay fa den, too nan-gilooxiraam, um xoy a den, da mbañaam o njaaɓ.»

Yeremi 7:15

Xam deɓ a nuun maa goƭaxama ne deɓtuuma fog we nuun fop, we mbaqaqoorna na carind ale Efrayim.»

Esayi 51:12

«Mi yoo, mi refu oxe na yaalaa a nuun. An refo boo saɗaraa o kiin oxe na xonkaa, o ƥiy Aadama fee muj um a refkaa nen fee no daaƭ le?

Esayi 48:15

Mi o mat laytun, doon teen xoyin soo ɓisiidin. No kuu ta rokna xan a barke.»

Xa peƭit axe 13:13

Oxe na xeefaa a maƭax xan a ga’in, oxe na reefaa xa as axe mat kaa saɗgeel.

A kim a tedu ke 51:11

Uupi pakaad es, forit tooñ es fop.

A cangatin ale 32:39

Andyo boog ee mi yoo, mi soom refu Roog, too fa lakas jegee meen. Mi na jangaa o ñis, too mi na ñoownaa itam. Mi na gaañaa soo wodandaa. O leng waagee o wat o kiin no ɓay es.

A paɗax ale 26:28

mi itam oo, xam siiknoor fa nuun kam fuux es, too xam xawrandahin boo a caf ɓetaa ƭaq a qaw ale no pakaad ke nuun.

Mberaand 6:17

Mi o mat, xam ɓisiid o jaɓ o maak ole took lanq ke ndax um saŋik fop ke jegna njer too a ñoowaa ɗuga asamaan fee. Fop ke refna took lanq ke xan a mooc.

Mberaand 4:16

Kayin a inoora mbaambir no Yaal oxe, soo a genik no lanq kaa Nood ngaritna no batand naa Edeen.

Yeremi 7:14

Ten taxu, Mbind nene kesaneema too nu ngoolooxin, o mbiñ onqeene ci’uuma a nuun, nuun fo daan nuun, xam fi’in ne fi’uuma a Silo.

Yeremi 12:7

O Yaal oxe kaa tee: «Waasaam mbind es, pilid xeet fee jeg’uuma. Ɓoxotaam oxe fex’uuma fex na xa ƥay no fañ um.

Yeremi 23:38

Nu maadangaa o laytaa ‹a toq ale no Yaal oxe›, ke xañtanuuma a nuun fop oo, maaga mexe layaa a nuun ee

2 Maad we 23:27

Ten taxu o Yaal oxe a lay ee: «Xam riƈat a Yudaa maa goƭaxama, ne fi’tanuuma na Isra’el, too xam deɓ a Yeerusaleem refna teeru fee jil’uuma fo Mbind ne lay’uuma yee: ‹Xam gen teen.› »