Yeremi 23:30 - NQAARIIT NE ROOG

³⁰ O Yaal oxe kaa tee: «Ten taxu yooniim fo duleer we na nguuɗraa fa lay es.

Yeremi 23:30 Referans Kwoze

A cangatin ale 18:20

Kaa koy, boo o tuleer a sedeerna o lay no gon es a ƭelem akaa hebleeranuuma mbaat ta layaa no gon no roog lakas, fat a warel.›

Heseki’el 13:8

Ten taxu keeke o Yaal oxe na refkaa boo faw a layu: Feek fa lay nuun xa koɓong xa ƥor a refu, soo peeñil ke nuun a ndef xa maaƥ xa ƥor, xam inooxan a nuun. Mi o Yaal oxe na refkaa boo faw layun.

Heseki’el 13:20

Ten taxu keeke o Yaal oxe na refkaa boo faw a layu: Mexey! Xam damir fo xa ƈooƴoox axe nuun nu nqawloortaa xa laaw axe, ɗegit a den na xa ƈoox nuun soo xaƴ xa laaw axe nu ndamna.

A kim a tedu ke 34:16

A kid no Yaal oxe kaa ngaan took jofu we, nof um a mbetoox na xa buuq den.

Heseki’el 15:7

Xam inooxan a den. A sutoora na fiɗel le, ndaa fiɗel xan a raaɓ a den. Maaga, xan nu and ee mi refu o Yaal oxe, yaa um inooxankaa a den.

1 Piyeer 3:12

Yaam o Yaal oxe kaa doon a kid um took jofu we, soo nof um a mbetoox na qeƭ den, ndaa koy, mukit fee no Yaal oxe kaa hiɓoox no we na mbi’aa paaxeer.»

Yeremi 44:29

Mi o Yaal oxe, xam coox a nuun o anddiloor, ndax nu and ee xam dal took nuun no saax lene, too ke layuuma na nuun xan a fadnoox no ndigil, ta ref taamaala nuun.

Yeremi 44:11

Ten taxu keeke o Yaal oxe Roog fee Isra’el Hupna fop a layu: Nga’angyo, hebooxaam o fi a nuun paaxeer, saŋik xeet fee Yudaa fop.

A cangatin ale 29:20

Xan o Yaal oxe a xaajin fo a carind ake Isra’el fop, a doonin naqad, a reefandin na salax ake fop no ngiɓoor ne bindeena kam safe lene no kebil ke.»

A paɗax ale 26:17

Xam fes a nuun a cinj, too xan fañ nuun a maaf a nuun. We sibna a nuun xan a maadoox took nuun, nu ƈufaa, too o leng raxkee a nuun.

A paɗax ale 20:3

Mi fa xoox es xam fes a cinj o kiin oxeene, sutin xeet um, yaam ne ta ɓoxotna a Molok o leng na xa ƥeem, a xoolaƭarand Mbind tedu ne mi soo a niwaƭar gon tedu es.

Yeremi 21:13

Mi yoo nuun oo, nuun we ngenna took ɓil fodru le garitna o saawit ole took. Cey, nuun we na layaa yee: ‹An na fudooxkaa, a songiid a in? An na rokkaa no kenand ke in?›

Yeremi 23:31

Yooniim fo duleer we na njangaa fa lay den, a mbi’in fa lay es.