Yeremi 23:25 - NQAARIIT NE ROOG

²⁵ «Mi o Yaal oxe, nanaam ke duleer we na yegnitaa xa maaƥ no gon es a layna. Kaa ndamtin ee: ‹Ɗaaɗaam, ɗaaɗaam!›

Yeremi 23:25 Referans Kwoze

Yeremi 23:32

Yooniim fo we na yegnitaa xa ƭaaɗ-a-qaamiit, a mbetandooxaa a den soo a mo’andtaa xeet es xa maaƥ den fo a magnandax den. Mi koy, luliim a den, hebliim a den dara, too njeganee xeet fene o njiriiñ o leng. Mi o Yaal oxe layun.»

Yeremi 29:8

Yaam keeke o Yaal oxe Roog fee Isra’el Hupna fop a layu: ‹Ba nu nqaƴ duleer we fo ɗeet we ndefna a ndeer nuun da nax a nuun! Ba xa ƭaaɗ axe nuun a ngaal a nuun.

Yeremi 23:28

Fat o tuleer oxe jegna o ƭaaɗ a wetandooxin, oxe daawna fa lay es o mat a yegnititin ne ta helitna. Xar ñaax le a daawru fo pep ke? Mi o Yaal oxe layun.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

Yeremi 8:6

Nan-gilooxaam a den a paax, ke da layaa refee ndigil. O leng ricooxee kañaan um ee: ‹Ndi xar fi’um?› Fop kaa ngodatin o joor, nen pis naa na rututaa na xire.

A lim ale 12:6

A laya a den ee: «Nan-gilooxyo a paax fa lay es! A jegangaa a ndeer nuun o tuleer, no mbeeñax um laltinoorkan, mi o Yaal oxe, lay fo ten no ƭaaɗ.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

YEGIL MBAAX NE YEESU ne Lik a bindtuuna 12:3

Ten taxu ke nu laykaa no niɓaan ole fop, xan a nanel ñaal ne, too ke nu nde’irkaa kam a ndok, xan a yegnitel no qel ke.»

Mace 1:20

Ye ta xalaataa kaaga, malaaka no Yaal oxe a feeñooxaan no ƭaaɗ, a layin ee: «Yoseef, o ndaan Dawid, ba o saɗar o xot a Mari fee o toog of, yaam o ƥeenqe ta fudna, no Yiif Tedu le a inooru.

Yeremi 29:23

Yaam kaa da mbi o njombe kam Isra’el, ye da njimbooxna no ceeq fo rew no gend den soo a lay xa maaƥ no gon es. A soƥa koy ee hebliim a den dara. Andaam keene fop too mi fa xoox es seede’un. Mi o Yaal oxe layun.› »

Yeremi 16:17

Yaam a kid es kaa naang jak na pesoorooƭ den, laqooxiraam, too tooñ den kunpa’iraam.

Yeremi 14:14

Kaa koy, o Yaal oxe a layaxam ee: «Xa maaƥ xa ƥor duleer weene a yegnitaa no gon es. Luliim a den, roxondiim a den tig, too layiim a den tus. Peeñil cegeer, yegnit koɓong fo naanaxir ke na qeeñ den a yegnaa a nuun.

Yeremi 13:27

Ga’aam ceeq ke wo fo woƈok-woƈok of, njaga sednooxu ne wo, nitaal roog cakalaaru ke wo took a ñaang ake na koƥ ale. Sabab took of, wo Yeerusaleem! Kaa o refkaa no nqoolaƭar boo a mban?»

A kim a tedu ke 139:4

Boo um helko fo yaƥataa, a soƥa andaa ke buguuma o lay fop.

A kim a tedu ke 139:2

Um moofangaa mbaat um inoox, andaa. Andaa yuuƥ es yaaga ɗaapafuliim a den sax.

Mberaand 37:9

A ɗaaɗahina o ƭaaɗ o lakas, a wetandooxin fog faap we ten ee: «Kaam ɗaaɗahin ga njeeƈ ne fo o nqool onqe fo xa qoor xarɓaxay fo o xoor o leng a ngungaa mbaambir es.»

Mberaand 37:5

Yoseef a ɗaaɗa tig, a wetandooxin fog faap we ten, soo da moƴatin o sib.

Yeremi 27:10

Xa maaƥ xa ƥor a yegnaa a nuun. Nu nan-gilooxangaa a den koy, xan nu ƥisel maa goƭna saax nuun, yaam xam raxit a nuun teen soo nu saŋkoox.

Yeremi 27:15

O Yaal oxe kaa tee: ‹Luliim a den, too kaa yegnitaa xa maaƥ no gon es, ndax um rax a nuun soo nu saŋkoox, nuun fo duleer we na yegnaa a nuun padafuleer.› »

A ƭomatax ake 2:14

Duleer we wo peeñil naanaxir fo tefee ndigil a njegu na wo. Ngultee njofaƭar of, ndax da mbinqanong muj fa mbaaxeer of. Ke da yegnoonga xa maaƥ fo naanaxir ƥor oo.

Heseki’el 22:28

Duleer we ten kaa ƭuumaa fop fa laso, a njeg peeñil naanaxir soo a njo’taa na xa maaƥ. Kaa layaa yee: ‹Keeke o Yaal oxe na refkaa boo faw a layu.› Yaaga fop oo, o Yaal oxe layee dara.

Sakari 13:3

Boo o kiin a inooxna, a yegnitaa padafuleer, xan faap um fa ya um we ndimuuna a layin ee: ‹Wo kañ kaa o lafooxel, yaam kaa o geenoox maaɓtaa gon le no Yaal oxe!› Xan faap um fa ya um a mbarin, yaam o coojo’it Roog oxe ta fi’ooxaa.