Yeremi 23:23 - NQAARIIT NE ROOG

²³ O Yaal oxe kaa tee: «Ndax yaa ta matna rek um refaa Roog, ndax kaa refiim Roog itam yaa ta goƭna?

Yeremi 23:23 Referans Kwoze

A kim a tedu ke 113:5

An nandu boog fo o Yaal oxe Roog in genna maaga took-ee-took

1 Maad we 20:28

O kiin Roog oxe a soƥiida o maad oxe Isra’el, a layin ee: «O Yaal oxe kaa tee: ‹Feek Aa-araam we kaa lay ee o Yaal oxe kaa ref Roog fee na xa coong axe, ndaa refee Roog fee na xa saawit axe, xam ɓoxot faan maak leene fop na xa ƥay of, too xan nu and ee mi refu o Yaal oxe.› »

1 Maad we 20:23

Dag we no maad oxe Araam a layaan ee: «Roog fee Isra’el Roog fee na xa coong axe a refu. Ten taxu Ii-isra’el we a nqaw’u a in, ndaa fat i ñoxorit fa den na xa saawit axe. A woora yee maaga in na nqawkaa a den.

A pi ake 17:27

Roog kaa fi keene, ndax da mbaaƭin, a naƥnaa, ndax da njeem o nqet fo ten. Yaag oo toox de, Roog goƭee o leng na in.