Yeremi 23:22 - NQAARIIT NE ROOG

²² A maad’angaa mbokatax es, a ndaawinkooga xeet es ke layuuma, a sut a den na ƭat a paaxeer ale den fo na pi a paaxeer ake den.»

Yeremi 23:22 Referans Kwoze

Sakari 1:4

Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›

Yeremi 25:5

Kaa lul’u a den da lay ee: ‹Mbesyo a cinj boog a ƭat a paaxeer ale nuun fo kañaan ne na pi ake nuun. Maaga, xan nu ngen no saax le o Yaal oxe a ci’na a nuun, nuun fo daan nuun, bo na moos boo moos.

Yeremi 23:18

Kaa koy, an maadu mbokatax ne mi, mi o Yaal oxe, ndax ta ga, a nan-giloox fa lay es? An rungu nof um na fa lay es, an nanun?»

A pi ake 20:27

yaam yegnaam a nuun yaaga ke Roog a yuuɓna fop, too ɗasniim teen o ndara.

Heseki’el 13:22

Yaam ne nu mboosɗandtaa xeeñ le no cofu xe xa maaƥ, yaa gooyɗandaneeruuma mi fa xoox es fo yaam ne nu saƭkandaa xa ƥay no soxodu xe, ndax nu yaqanin ta fes a ƭat a paaxeer um a cinj soo a ñoow,

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

1 Tesalonik 5:6

Ba i ƭaan boog nen lakas we, ndaa fat i yetoox, too mbod no ke i mbi’aa.

Heseki’el 3:17

«Wo fee o ƥiy no kiin, dalnaaxoong o ref o yeeyetax no mbind Isra’el. Fat o maƭooxanaam Ii-isra’el we, yaa o nankaa fa lay es.

Heseki’el 2:7

Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

Heseki’el 18:30

Ten taxu xam hate a nuun, nuun mbind Isra’el, oxuu refna na pi um. Mi o Yaal oxe na refkaa boo faw layun. Nomtooxiidyo too mbes a cinj a pi a paaxeer ake nuun, ndax a panq akaa na mbakaadnooraa a nuun njegkatee.

Yeremi 36:3

Xeƈa xan wiin we Yudaa a and taamaala fee yuuɓanuuma a den fop, ndax da mbes a cinj a ƭat a paaxeer ale den. Maaga, xam waasanit tooñ den fo pakaad den.»

Yeremi 9:12

O Yaal oxe a layahina yee: «Ke garna fo keene refu yee kaa mbaas ke jangnuuma a den, a mbañ o nan-giloox soo a mbañ o ndeef ke layooguuma a den.

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»

Heseki’el 13:5

Nu ndetee nqendandik xa kur axe no saŋe ne, ndax nu saytoox mbind Isra’el fo ɓit, saƭik koŋ na ñoq ale na bes fee no Yaal oxe.

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

Malaki 2:6

A cangin a tiindigil ale hatoogu no don um, too xa maaƥ mosee o sutoor no muuceek um. Kaa ñaaƴoogu fa mi na jam fee fo na kam fa letu too a sutta wiin mayu no pakaad den.