Yeremi 23:2 - NQAARIIT NE ROOG

² Ten taxu keeke o Yaal oxe Roog fee Isra’el a layu no gaynaak we na ngayaa xeet es: «Kaa nu pasar paal ke mi, ndax a den too nu topatooxee a den. Mi koy, xam ɓek a nuun o ɓay yaam a pi a paaxeer ake nuun. Mi o Yaal oxe layun.

Yeremi 23:2 Referans Kwoze

Mise 7:4

Oxe moƴna faax na den kaa nand nen nqooc, oxe da mbi’na o cofu a moƴ o weel ngiƈ ngol. Ñaal ne na qaw ale nuun, yeeyetax we duleer we nuun a yegnitna, a fadiida, too me ta refna, nuun wey no jaq.

Yeremi 21:12

nuun mbind Dawid! «Nqes nuu nu ngate’aa, ngate’ityo o cofel, suqit oxe na toroxandeel na xa ƥay no ñaañagadil oxe, ndik fuux es a biltoox nen fiɗel, a doxaa too waagkaand o ñuf, yaam a pi a paaxeer ake nuun! Mi o Yaal oxe layun.

A sutax ale 32:34

Yaaga boog, reti too ɗox xeet fee me layoonga. Malaaka es xan a adooxan a nuun. Kaa koy, na bes faa um inooxkaa, xam xawit a den pakaad den.»

Yeremi 23:34

Boo o tuleer mbaat o saasadax mbaat oxuu ta waagna waag o ref na xeet fee a xoyna fa lay es ‹a toq no Yaal oxe›, xam dal took um, ten fo ƥasil um.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

Mace 25:43

Kaam reeƭu o kenar, too nu ngenariraam, um ɓangdel, too nu ñiriraam. Jir’aam, damel, too nu ƭeetiidiraam.›

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

Yeremi 13:21

Xar o laykaa, yaa we merandoox’oona a inooxankang, ndax da maadooxanong? Ndax xa ƭomel axe ndaawkirang nen xa ƭomel no tew oxaa na gaajooxaa?

Yeremi 11:22

Kaa koy keeke layum, mi o Yaal oxe Hupna fop: Nga’angyo, xam dal took den! Xan laƥ a ñaam mbes ke den, biim a war xa ƥiy xa koor axe fo xa tew axe den.

Yeremi 8:12

Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 5:29

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Yeremi 5:9

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Mace 25:36

Ɓangid’eem, soo nu ñiraam, um jir, nu ƭeetiidaam, um damel, soo nu ngar farna fa mi.›

Yeremi 10:21

Ɗooɗox we na xeet fee kaa mbanxoy. Mbaaƭee o Yaal oxe. Ten taxu nqenɗee, too we da ƭoxoogna fop a pasare.

Yeremi 13:17

Nu nan-gilooxangee kene, xam lool na pet, yaam a magnandax ale nuun. Xam yuurin xa kooniit, a kid es a nqaaraa fo xa kooniit, yaam xan o siir ole no Yaal oxe a ɓisel took o hup doole.

Yeremi 13:20

Wo Yeerusaleem, yoɗi a kid of too ɗeet, fañ we wo we inoortiidaa no ɓemb-roog o janoon. Taa o siir ole doxin’ee’oona, ged le reeƭna o ndam of?

Yeremi 44:22

O Yaal oxe waagatee o muñ kañaan ne na pi nuun fo cednooxu ke nu mbi’na. Ten taxu saax le nuun a fes a pec, a wootat, a saloorteel, too genataand, ne ta refitna xaye.

Heseki’el 34:5

A pasarooxa took o ñak o kaynaak, a ndefat muud no ƥaaɓaan ke na koƥ ale, a pictoor.

Sakari 11:16

O nanangaan, xam sutan saax le o kaynaak oxaa a ƭat um a yongkeerna no paal ke mo’na, waaƭkee we yoqandna, waadinkee we ngaañooxna, topatooxkee we tig a damafuleerna, ndax a ƴaxaa we ngiñna boo a seeñ xa poxos den.»

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Sakari 10:3

O Yaal oxe kaa tee: «Fuuxanaam gaynaak we, too xam dal took a suk a tuudu ke. Mi o Yaal oxe Hupna fop, xam ƴufgiid ged le mi refna mbind Yudaa, fi’in nen naar-ngoor es na xire fee.