Yeremi 23:19 - NQAARIIT NE ROOG

¹⁹ A und ale no Yaal oxe xey! Fuux le a biltooxa, too a qeñ a maak alaa na wirlooxaa a dala took no soxodu we!

Yeremi 23:19 Referans Kwoze

Yeremi 30:23

A und ale no Yaal oxe xey! Fuux le a biltooxa, a qeñ a maak alaa na yo’nooxaa a dalaa took no soxodu we.

Yeremi 25:32

Keeke o Yaal oxe Hupna fop a layu: «Taamaala xan a xotit na xeet boo na xeet, a und a maak a ɗisit no cat ke no lanq ke.»

Amos 1:14

Xam fudin fiɗel took saŋe ke mbidna Raba, ta raaɓ pind no maad ke ten, ndeer xa buuq na bes xire, nen kam a und na bes o ufang,

Esayi 21:1

Ke layeena na koƥ-a-ƥor ale paam o maag ole: O njakad onqey a garaa, a inoor na koƥ-a-ƥor ale, no saax saɗarnooxu nen a und a maak alaa na xaañaa o ɓemb-roog o ñamaak.

Xa peƭit axe 10:25

A und ale oxaay waanaa o soxodu xe a mooc, o cofu xe mat a per ake ten kaa ndef boo faw.

Sakari 9:14

O Yaal oxe xan a feeñ, a ƴufgiid xeet um, a kas um a mbaasloox nen xa kiiñaand. O Yaal oxe na refkaa boo faw xan a jibin a tuluɓ, a garaa kam a und ale no ɓemb-roog o ñamaak.

Yeremi 4:11

Na jamaane faaga, xeet fene fa Yeerusaleem xan a layel ee: «Nqeñ sumu jip ne xe hatiidaa na xa coong axe naangna halit kam a koƥ-a-ƥor alaa, a jagin farna fa xeet es. Refee koy nqeñ naa na feesteel bele.

Esayi 40:24

Kaa sogeel o njimb, a sogeel o nduuf, a paƴ den a ndet boo a ndamlooxaa, soo ta wuuɗ took den, da mbeer koroŋ, a und a maƥ a den nen ñaax.

Xa peƭit axe 1:27

diid a dam a nuun nen a und, sabab a sagoox a nuun nen a saaqul, naqad fo o jaq a yen took nuun.

A kim a tedu ke 58:9

Yaasam da nand nen mbaamñurucuuc ne na weeraa, yaa ta ɓeraa no njeeƈ ne, nen o fud o watu laa ga’keerna ñaal ne.

Yeremi 51:1

Keeke o Yaal oxe a layu: «Xam wuuɗiid nqeñ yaayaq took Babilon, took no fañ we mi.

Heseki’el 1:4

Ɗeetaam too ga’aam a und a maak a inoortiidaa no ɓemb-roog o janoon, a maƥ garinj laa xa kiiñ a ƥalañtaa, a qoolaand ee dañ me widuuna. A ndeer ee ndeer garinj le, a jeg’a meleƈ laa nandna fo njelem kam fiɗel.

Sakari 7:14

Pasaraam a den a ndeer qeet ke da and’eerna fop, da nqaƴ a cinj den saax laa wootatna, too o leng retoogatee a garaa teen. A mbi’a saax felu leene a koƥ-a-ƥor.»

Yeremi 25:31

Fangax le a nannooxa boo no cat adna, yaam o Yaal oxe xe layooraa fo qeet ke, a hate’aa pindeef ke fop, soxodu we ta ɓoxot a den da saŋkitel laƥ.› » O Yaal oxe layun.

Yeremi 30:24

Fuux le no Yaal oxe ɓooskee boo yaa ta fi’kaa, a fadin yuuƥ ke no xeeñ um. Xan a jeg camaane kaa nu andkan.

Heseki’el 13:13

Ten taxu, keeke o Yaal oxe na refkaa boo faw a layu: Kam fuux es, xam fi a und. Mbuyaam njegu doole xan a gar kam fuux es, too xan a kalam a ƥuubu a yen fa doole, ndax da saŋik fop.