Yeremi 23:18 - NQAARIIT NE ROOG

¹⁸ Kaa koy, an maadu mbokatax ne mi, mi o Yaal oxe, ndax ta ga, a nan-giloox fa lay es? An rungu nof um na fa lay es, an nanun?»

Yeremi 23:18 Referans Kwoze

Yeremi 23:22

A maad’angaa mbokatax es, a ndaawinkooga xeet es ke layuuma, a sut a den na ƭat a paaxeer ale den fo na pi a paaxeer ake den.»

1 Korint 2:16

yaam a binde yee: «An andu a qalaat no Yaal oxe, boo a jangnan?» In o mat, a qalaat Kiristaa i njegu.

YEGIL MBAAX NE YEESU ne Saŋ a bindtuuna 15:15

Xoyatiim a nuun dag es, yaam o tag naagee o andaa dara no ke o yaal mbind um a bugna o fi. Kaam xoy a nuun xaariit, yaam layaam a nuun fop ke jangtuuma na Faap es.

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

2 Caloori ke 18:23

Ndak fo ndak, Sedekiya fee o ƥiy Kenaana a matiida a Mikaya, a faɗin soo a layin ee: «Nam Yiif le no Yaal oxe a sutoortu na mi soo a gar a lay fa wo?»

1 Maad we 22:24

Ndak fo ndak, Sedekiya fee o ƥiy Kenaana a matiida a Mikaya, a faɗin soo a layin ee: «Nam Yiif le no Yaal oxe a sutoortu na mi soo a gar a lay fa wo?»

Ke bindeena no xe ne’eena YOB 33:31

Wo Yob, rungi nof of, nan-gilooxaam, naag miik, soo mi um lay.

Ke bindeena no xe ne’eena YOB 21:22

Ndax Roog a soxla’a o jangnel keene, ten fee na hate’aa malaaka ke sax?