Yeremi 23:17 - NQAARIIT NE ROOG

¹⁷ Kaa ngen no layaa we nqeefaxama yee: ‹O Yaal oxe kaa tee: Xan nu njeg jam.› Kaa layaa fop we na ndeefaa o saƭik xoox ole den ee: ‹Paaxeer leng dalkee a nuun.›

Yeremi 23:17 Referans Kwoze

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Amos 9:10

Baabakaad we na xeet es fop, xan laƥ a fand a den, boo no we na layaa yee: ‹O njakad garkee too dalkee o leng na in.› »

Mise 3:5

Keeke o Yaal oxe a layu no duleer we na mo’andaa xeet es: «Kaa yegnitaa jam, yaa a ñiiñ den a njegna kaa da ƈaxna, we loginkeerna a den tig, da yegin a den xire.

Yeremi 9:14

Ten taxu o Yaal oxe Roog fee Isra’el Hupna fop a lay ee: «Xam ñaamnoor xeet feene qaaɗu, soo yernoor a den foofi laa jegna ndoxar.

Yeremi 8:11

Kaa mbaadnitaa kaañax ke na xeet es caaxaan, a layaa yee: ‹Jam a jega, fop a ñaaƴa›, too yaaga fop oo jam jegee.

Yeremi 5:12

Xeet fee no Yaal oxe a nqaña o Yaal oxe, a ndamtin ee: «Roog jegee! Taamaala dalkee a in, too i nga’kee xire mbaat biim.

A cangatin ale 29:19

O Yaal oxe bugkee waasan oxeene kiin, ndaa fuux le fo naal ne ten xan a mbiltooxanin, too a salax ake fop mbindeena no safe lene xan a ndal took um, soo o Yaal oxe a ñuf gon um took lanq ke.

Sakari 10:2

Mayu kaa ndiisaa soxla den pangool fo fan, weene a maaɓaa a den, a ndegaa a den cegeer, lakas we a yaakaar xa ƭaaɗ, too yaaloor o ƭaaɗ a ref o huloox o quusi. Keene mat taxu da njoqooyooxaa, a ngalakoox nen ged laa jegeerna o kaynaak.

Heseki’el 13:22

Yaam ne nu mboosɗandtaa xeeñ le no cofu xe xa maaƥ, yaa gooyɗandaneeruuma mi fa xoox es fo yaam ne nu saƭkandaa xa ƥay no soxodu xe, ndax nu yaqanin ta fes a ƭat a paaxeer um a cinj soo a ñoow,

Heseki’el 13:10

Neene, feek kaa mo’andaa xeet es, a ndamtin ee: ‹Jam a jega!› too yaaga fop oo jam jegee, soo xeet es a maxaa tabax, too den oo weene a ƭuuman laso,

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Yeremi 6:14

Kaa mbaadnitaa kaañax ke na xeet es caaxaan, a layaa yee: ‹Jam a jega, fop a ñaaƴa›, too yaaga fop oo jam jegee.

Yeremi 3:17

Maaga, Yeerusaleem xan a xoyateel ‹uum-maamaad le no Yaal oxe›. Qeet ke fop xan a mbokatoor Yeerusaleem, ndax da mbaɗoox o Yaal oxe, too xan a mbaas o nqox no saƭik xoox ole den.

A lim ale 11:20

ndaa o nqool o muum, boo yaa ta bugko yuurtaa na xa ñis nuun, a wat a nuun xus. Keene na dalkaa a nuun, yaam kaa nu ndeɓ o Yaal oxe refna a ndeer nuun soo loolaa mbaambir um ee: ‹Ndi xar taxu bo i sutoox Misira!› »

1 Tesalonik 4:8

Yaaga boog, oxuu andoona koy ee kaa fañ bargal keene, refee yee o kiin a deɓu, ndaa Roog fee ci’na a nuun Yiif Tedu le ten.

YEGIL MBAAX NE YEESU ne Lik a bindtuuna 10:16

Yeesu a dakooxa o lay daalbe um ee: «Oxuu nan-gilooxna a nuun, mi a nan-gilooxu, oxuu fañna a nuun, mi a fañu, too oxuu fañaxama, Faap es fee luliidaxama a fañu.»

A ƭomatax ake 2:14

Duleer we wo peeñil naanaxir fo tefee ndigil a njegu na wo. Ngultee njofaƭar of, ndax da mbinqanong muj fa mbaaxeer of. Ke da yegnoonga xa maaƥ fo naanaxir ƥor oo.

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Yeremi 4:10

Maaga, xam lay ee: «Cey, o Yaal oxe na refkaa boo faw, naxaa xeet fene fa Yeerusaleem, ye layoona yee: ‹Xan nu njeg jam!› A soƥa fop koy, laƥ ne xe fandaa a in!»

Esayi 57:21

Roog es kaa tee: «Soxodu we o mat njegee jam.»

2 Sami’el 12:10

Ndiiki koy, laƥ ne goƭkatirang muk, wo fo ƥasil of, yaam ne xeefanoona soo jang o tew Uriya fee o Heeheet oxe, fi’in o teef.

1 Sami’el 2:30

Feek neene yoo koy, kene refu ke um yegnang, mi o Yaal oxe Roog fee Isra’el: Kaam reg’u ƥasil of, na carind ale fogoona yee: Saasadax es nu mbugko ndefaa boo kili, ndaa ndiiki koy, kaam yegnang a qoolu yee refkatee neen boo muk, yaam o mat, kaam niwaa we na niwaxam, ndaa we ndeɓaxama, kaam deɓatinaa a den itam.

Malaki 1:6

O ƥiy kaa ci’aa a faap um cer, soo o tag a niwaa o yaal mbind um. Yaaga boog, mi fee faap nuun, xar taxu nu ci’iraam cer? Ndi mi fee o Yaal nuun, xar taxu nu niwiraam? Mi o Yaal oxe Hupna fop na laamtaa a nuun keene, nuun saasadax we na ñawle’aa gon es soo ndamtin ee: «Na xar i ñawle’taa gon of?»

Sofoni 1:12

Na jamaane faaga, xam joktoox a Yeerusaleem fo o jam, too xam xaw goor we yaadooxna nen biiñ fa mbendu faa diƈooxna no nqiim um, soo a layaa taa kam den ee: ‹O Yaal oxe naagee fi’aa paax mbaat paaxeer.›

Esayi 30:10

Kaa da layaa ɗeet we yee: ‹Nu njaree o njegaa peeñax!›, a lay duleer we yee: ‹Ba nu yegin a in ndigil ne. Ke moƴanna a in, refu i layeel pelu soo yegneel kaa guutatirna fo ndigil ne.

Yeremi 18:12

Kaa koy, kaa layaa yee: ‹Ɗaxee dara! Xan i ñoowtaa naa felitna a in! Oxuu refna na in xan a xox no saƭik xoox o faaxeer um.› »

Heseki’el 13:19

Kaa nu niwaƭaraxam paam xeet es yaam tanq lorso fo xa ƭeg puuru yaa nu mbaraa xa laaw axaa mbareerna o nqon, soo ñoownooraa xa laaw axaa mbarna o nqon, yaa nu maaɓaa xeet es fee na nan-gilooxaa xa maaƥ.

Mise 2:11

A jeg’angaa oxaa na yegnitaa xa koɓong, a maaɓaa a nuun ee: «Biiñ fo a yer a qaaɗu xan a naang gañ», oxeene waagkoogu refan xeet fene o tuleer.

A cangatin ale 29:18

Ba o leng boog a nan fa lay feeke boo a ƴut no ngiɓoor ne saƭkandteena a taaƥ soo a magnandooxaa no xeeñ um ee: ‹Xam ref na jam kañ, a soƥangaa sax ee kaam reefaa ke xeeñ es a yuxmaa.› Keene xan a garit a saŋkax no fop, faax oo, faaxeer oo.