Yeremi 23:16 - NQAARIIT NE ROOG

¹⁶ Keeke o Yaal oxe Hupna fop a layu: «Ba nu nan-giloox ke duleer weene a yegnaa a nuun. No yaakaar mbooreer a ƥekaa a nuun, a layaa peeñil ke no xeeñ den doŋ, ngateerna no don es.

Yeremi 23:16 Referans Kwoze

Yeremi 14:14

Kaa koy, o Yaal oxe a layaxam ee: «Xa maaƥ xa ƥor duleer weene a yegnitaa no gon es. Luliim a den, roxondiim a den tig, too layiim a den tus. Peeñil cegeer, yegnit koɓong fo naanaxir ke na qeeñ den a yegnaa a nuun.

Heseki’el 13:6

Peeñil den xa koɓong oo soo maƭak den a ref xa maaƥ xa ƥor. Kaa da layaa yee: ‹Mi o Yaal oxe layun!› Yaaga fop toox de, mi o Yaal oxe luliim a den. Kaa da yaakaarnooraa yee fa lay den xan a fadnoox.

Mace 7:15

«Mbootooxyo we na ngaraa me nuun, soo a maaɓaa yee duleer oo. Kaa mbi’ooxaa nen paal, too yaaga fop a teeteem a baawar a ndefu.

Heseki’el 13:3

Keeke o Yaal oxe na refkaa boo faw a layu: Sabab took no duleer fanxoyu we na ndeefaa yiif den too njegee mbeeñil leng!

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

Yeremi 23:21

O Yaal oxe kaa tee: «Luliim duleer weene, ndaa yaqanee da ƈufaa. Layiim fa den dara, ndaa yaqanee da njo’tanaxam.

2 Maad we 17:15

Kaa ndeɓ bargal ke no Yaal oxe fo ngiɓoor ne ta dalin’ina fo daan we den fo a maƭax ake ta maƭoox’ina a den, a ndeefaa xa koɓong boo a ndefat xa koɓong. Kaa ngiɓoor’u fo qeet ke mbid’ina a den, ke o Yaal oxe a xañit’ina a den da laal a den fop oo.

Mise 2:11

A jeg’angaa oxaa na yegnitaa xa koɓong, a maaɓaa a nuun ee: «Biiñ fo a yer a qaaɗu xan a naang gañ», oxeene waagkoogu refan xeet fene o tuleer.

Yeremi 23:26

Neene boo a mban? Xar refu na yiif no duleer weene yaa da yegnitaa xa maaƥ fo naanaxir ke na qeeñ den?

Heseki’el 22:28

Duleer we ten kaa ƭuumaa fop fa laso, a njeg peeñil naanaxir soo a njo’taa na xa maaƥ. Kaa layaa yee: ‹Keeke o Yaal oxe na refkaa boo faw a layu.› Yaaga fop oo, o Yaal oxe layee dara.

Heseki’el 13:23

yaam keene, nu njegkatee peeñil naanaxir too nu maɗagkatee. Xam wat xeet es na xa ƥay nuun, too xan nu and ee mi refu o Yaal oxe.»

Heseki’el 13:16

Taa duleer weene na Isra’el njo’toogna na Yeerusaleem too a nga’anoogun peeñil jam, too yaaga fop oo jam jeg’ee? Mi o Yaal oxe na refkaa boo faw layun.»

Yeremi 29:8

Yaam keeke o Yaal oxe Roog fee Isra’el Hupna fop a layu: ‹Ba nu nqaƴ duleer we fo ɗeet we ndefna a ndeer nuun da nax a nuun! Ba xa ƭaaɗ axe nuun a ngaal a nuun.

Yeremi 9:20

«Fa nqon fee a ŋaaytiida na xa palangteer axe in, a rok kam pind mosu ke in, a saŋkaa xa teɓandoong axe no ped ke fo mbes ke no paayo ke.»

Yeremi 2:5

O Yaal oxe kaa tee: «Ndi njofaƭar num daan nuun a nga’u na mi boo a tax da ngoƭaam, a ndeefan xa koɓong, boo a ndefat xa koɓong den fa qoox den?

Xa peƭit axe 19:27

O ƥees, o xaƴangee yiif of na fa yar fee, yaaga xan o goƭatir fo fa lay fee no and ole.

O leetar ole Pool a bindna GIMU WE NGENNA ROM 1:21

yaam kaa da and a Roog boo a ƈut, soo a mbañin o ƥoxot o ndam nen a Roog, ne’katiim koy da ngidman. Kaa kuuc, a mo mir kam a qalaat den, soo a qeeñ den ake mbofeerna o and o leng, a ndiim kam o niɓaan.

Yeremi 9:12

O Yaal oxe a layahina yee: «Ke garna fo keene refu yee kaa mbaas ke jangnuuma a den, a mbañ o nan-giloox soo a mbañ o ndeef ke layooguuma a den.

A ƭomatax ake 2:9

Begax ke ten a yena a lanq. A ɓola a kinglir ake soo a yaq a den. O maad um fo kelfa ke ten owey a ndeer qeet lakas ke. Kebil ndefatee meen, too duleer we ndaawtatee no Yaal oxe mbeeñil leng.

1 Maad we 22:11

Sedekiya fee o ƥiy Kenaana kaa jalin’u xa can xa celem soo a layaa yee: «O Yaal oxe kaa tee: ‹Kene o xawitkaa Aa-araam we boo yaa da moocna.› »

2 Caloori ke 18:5

O maad oxe Isra’el a dalfooxa o fokat duleer teemeed nahik we, soo a laamit a den ee: «Ndax i mbara o nqire’ik, ndax i njangatin a Ramot kam Galaad, ndi kaam warin o xaƴ rek?» Duleer waa a ndoonaan ee: «Reti, too xan Roog a ɓoxotin na xa ƥay of.»

Yeremi 29:23

Yaam kaa da mbi o njombe kam Isra’el, ye da njimbooxna no ceeq fo rew no gend den soo a lay xa maaƥ no gon es. A soƥa koy ee hebliim a den dara. Andaam keene fop too mi fa xoox es seede’un. Mi o Yaal oxe layun.› »