Yeremi 23:13 - NQAARIIT NE ROOG

¹³ «Ke ga’uuma no duleer we Samari o fanxoy oo. Kaa njo’tanoogu a Baal soo a mo’andoogu a Isra’el fee xeet es.

Yeremi 23:13 Referans Kwoze

Yeremi 2:8

Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

Esayi 9:16

Ten taxu o Yaal oxe wuus’ee mbes ke den too yirim’ee xa baan axe den fo ñaaw we den, yaam den fop kaa njofaƭar, a soxod, too laykee jam muk. Keene fop koy taxee fuux le no Yaal oxe a ɓoos, too o ɓay um ole yoɗooxa boo fa ndiik.

2 Caloori ke 33:9

Kaa koy, Manaase a mo’noora a den bo da mbi kaa moƴna o faaxaƭar ke qeet ke o Yaal oxe a raadin’ina mbaambir Ii-isra’el we a mbi’’ina.

1 Maad we 18:40

Eliya a laya a den ee: «Ndamyo duleer we Baal boo ba o leng na den a daɗ.» Maaga, a ndama a den, den fop, soo Eliya a ɓis a den na ƈufnand alaa Qiison, a xirisnoor a den maaga.

Yeremi 23:32

Yooniim fo we na yegnitaa xa ƭaaɗ-a-qaamiit, a mbetandooxaa a den soo a mo’andtaa xeet es xa maaƥ den fo a magnandax den. Mi koy, luliim a den, hebliim a den dara, too njeganee xeet fene o njiriiñ o leng. Mi o Yaal oxe layun.»

Yeremi 36:2

«Waaƭi o laxas safe, bind teen fa lay fee layoonga fop no maat ne Isra’el fo ne Yudaa fo no qeet ke fop no kaa xotitna a koom alaa layuuma fa wo, na jamaane Yosiya, boo xaye.

Hoose 4:11

Njaga ne fa biiñ fee kaa ngulmandaa.

Hoose 4:12

Xeet es kaa nga’raa fo xa taaƴ den, too o loq den na feeñlaa a den ke da mbarna o mbi. Yiif njaga kaa mo’andaa a den, da nqaƴaam, a mbaɗooxaa roog lakas, nen o tew oxaa soobooxna no njaga.

Mise 1:5

Keene fop koy, tooñ ne Yakoob gartun, pakaad ke no mbind Isra’el! An ɓeku a Yakoob no tooñ neene? Mee ndax Samari yoo! An garu fo a ñaang a sadaxand ake Yudaa? Mee ndax Yeerusaleem oo!