Yeremi 23:12 - NQAARIIT NE ROOG

¹² Ten taxu xan a ƭat den a ɓodax ruy, soo a niɓaan tit. Xan a mbaɓir teen, a yen, yaa um garitkaa took den taamaala, no hiid ole da ngadooxkaa a pi den. Mi o Yaal oxe layun.»

Yeremi 23:12 Referans Kwoze

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

Yeremi 11:23

Yoqkee o leng no wiin we Anatot, yaa um ɓisiidkaa taamaala fee took den, no hiid ole um ɓekkaa a den o ɓay.»

Xa peƭit axe 4:19

A ƭat ale no soxodu we koy kaa nand nen o niɓaan. Andee ke na tolofnoorkaa a den.

A kim a tedu ke 35:6

Fat a ƭat den a niɓaan taruus, a ɓodax ruy, soo malaaka fee no Yaal oxe a daab a den!

YEGIL MBAAX NE YEESU ne Saŋ a bindtuuna 12:35

Yeesu a laya a den ee: «A qoolaand ale miñkatee dara a ndeer nuun. Yaaga koy, ñaaƴyo ye nu maadna o njegaa a qoolaand, ndax o niɓaan ole ɓislooxkee a nuun. Oxe na ñaaƴaa no niɓaan kat, andee me ta jofaa.

Esayi 8:22

cinj kaaga, da ƭeet a lanq, ndaa nga’kee lakas, a refangee naqad fo o niɓaan fo coono. Xan a ref na den o yeng olaa niɓaanna tit.

A kim a tedu ke 73:18

No ndigil, xan o xotnoor a den a ƭat a ƥodaxu ruy, ɓakand a den no saŋkax.

A sutax ale 32:34

Yaaga boog, reti too ɗox xeet fee me layoonga. Malaaka es xan a adooxan a nuun. Kaa koy, na bes faa um inooxkaa, xam xawit a den pakaad den.»

Yudaa 1:13

Kaa nand fo a yag-ee-yag ake no maag ole na ndiñaa a puur. Neene wiin weene a suttaa a pi a cednooxu ke den itam. Kaa nand nen xa qoor xa mo’u. Roog a geekana a den ɓaal-ee-ɓaal le no niɓaan ole boo faw.

1Saŋ 2:11

Kaa koy, oxe fexeerna o pog um, no niɓaan ole a refu. Kaa ñaaƴaa no niɓaan ole itam, too andee me ta jofaa, yaam o niɓaan ole kaa muur a kid um.

Mise 7:4

Oxe moƴna faax na den kaa nand nen nqooc, oxe da mbi’na o cofu a moƴ o weel ngiƈ ngol. Ñaal ne na qaw ale nuun, yeeyetax we duleer we nuun a yegnitna, a fadiida, too me ta refna, nuun wey no jaq.

Yeremi 50:27

Mbaryo wiin maak we ten fop, ƥis a den no warand olaa! Sabab took den, yaam bes den a fadiida, waxtu fee da ngadooxkaa a pi den.

Yeremi 48:44

Oxe na ƴufaa diid le xan a yen no gamb le, too oxe na sutooraa no gamb le xan a damtel mbaal ne, yaam o hiid ole um xawkaa a Mowaab oxey a garaa. Mi o Yaal oxe layun.

Ke bindeena no xe ne’eena YOB 18:18

Kaa riñtel na qoolaand, a rok no niɓaan, a raxtel na adna fee.

A cangatin ale 32:35

Mi ndabdinax a helu, too mi na rabdaa. Xa caf den xan a send, yaam ñaal ne na naqad den a matiida, ke na cungaa a den a faambnoox.

A kim a tedu ke 82:5

Kaa koy, nu andee tus, nu njegee yiif, kasaƥ-kasaƥnaa kam o niɓaan ole, boo a tax adna fee a nootoox.

A ƭomatax ake 2:20

O Yaal oxe, ɗeetangi too ga oxe o fesoortaa neene. Rew a ndeta boo a ñaam xa ƥiy axe ngatna no laaw den, xa caaƈ axaa da njeg’ina o liir na den. Saasadax fo duleer a mbarte kam Mbind tedu ne no Yaal oxe.

Yeremi 8:12

Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.