Yeremi 23:11 - NQAARIIT NE ROOG

¹¹ O Yaal oxe kaa tee: «Duleer we fo saasadax we sax kaa laawoox. Kam Mbind es sax soƥaam teen kañaan den.

Yeremi 23:11 Referans Kwoze

Sofoni 3:4

Duleer we ten andee ke warna a den, a ndef goor hoohod, saasadax we ten a nqoolaƭarand ke kesaneena a Roog soo a ƭap kebil um.

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Heseki’el 23:39

Ye da sadaxna xa ƥiy xa koor axe den nitaal pangool ke den, a ndoka no Mbind tedu ne mi no ñaal leng kut ne, ndax da maasandin. Keene o mat a mbi’u kam Mbind ne mi.

Yeremi 32:34

A ƥeka nitaal roog cakalaaru ke den kam Mbind ne kesaneema, ndax da nqoolaƭarandin.

Heseki’el 8:16

Maaga, a ɓisaxam farna fo o maax-kam olaa no Mbind ne no Yaal oxe. No ndokand ne no Mbind ne no Yaal oxe, ndeer o ndambalaan onqe fo o sadaxand ole, a jeg’a ngap goor qarɓeen ƭik fo goor ɓetuk waa mbes’ina Mbind ne no Yaal oxe ndiiñ, a ngung farna fo batand, a mbaambir fo njeeƈ ne.

Yeremi 11:15

O Yaal oxe kaa tee: «Xar xeet fee fexuuma fex a mbaaƭiidu no Mbind es? Paaxeer ƥor a yuuɓu teen sax. Ndax kaa mboog ee ke da ndegaxama fo sadax cegel ke da ƥoxotaxam xan a mbinqan a den taamaala fee, soo da sutoox teen?»

Yeremi 8:10

«Ten taxu, o Yaal oxe a laya yee: Xam coox rew den wiin jan, xa qol den, um coox a den we na njaɓkaa a den. Yaam no ke xotitna no xe moƴna o neew boo no xe moƴna o maak, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Yeremi 7:30

O Yaal oxe kaa tee: «Wiin we Yudaa a mbi’a kaa faaxeerna na kid es. Kaa ƥek nitaal roog cakalaaru ke den kam Mbind ne kesaneema, ndax da nqoolaƭarandin.

2 Caloori ke 36:14

Aa-adax we no saasadax we fop fa xeet faa kaa moƴ’u o ngore’aƭaraa, a ndeefaa a pi a cednooxu ke no qeet lakas ke. A nqoolaƭaranda Mbind ne no Yaal oxe kam Yeerusaleem ta tedland’ina.

Heseki’el 8:11

Maak qarɓeen ɓetuu ɗik no mbind Isra’el kaa mbod’u mbaambir den, soo Yaasaniya fee o ƥiy Safan a fod a ndeer den. Oxuu refna kaa deegoox’u no ɓay um o njaq cuuraay soo eel yelefu a yoɗooxaa.

Heseki’el 7:20

Kelax den kaa mbi’in ka’atinoor. A njala teen nitaal roog cakalaaru ke den, nitaal cednooxu ke den. Ten taxu xam fi ta refat na den ƭaaq.

Yeremi 23:15

Ten taxu keeke o Yaal oxe Hupna fop a layu no duleer we: «Xam ñaamnoor a den qaaɗu soo yernoor a den foofi laa jegna ndoxar, yaam duleer we Yeerusaleem ngaru fo o yaqax ole naagna gañ kam saax le fop.»

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

2 Caloori ke 33:7

A ɓeka nitaal ne na fangool fee ten ta fi’in’ina kam Mbind Roog ne, me Roog a layit’ina a Dawid fa Salomo fee o ƥeem ee: «No mbind neeke fo kam teeru feeke refna Yeerusaleem fee jilooduuma a ndeer a carind ake Isra’el fop bugum gon es a gen boo kili.

2 Caloori ke 33:5

A maxana xa qoor axe na asamaan xa sadaxand kam xa maax xa ƭaq axe no Mbind ne no Yaal oxe.

Yeremi 50:6

Xeet es kaa ndeeƭu o siir paal mo’u. Gaynaak den kaa mo’andoogu a den, a njoqooynoornaa a den na xa coong axe. Kaa mbirlooxoogu ndeer xa coong axe fo a ñaang ake, a mbeecit ngetand den.

A ƭomatax ake 2:20

O Yaal oxe, ɗeetangi too ga oxe o fesoortaa neene. Rew a ndeta boo a ñaam xa ƥiy axe ngatna no laaw den, xa caaƈ axaa da njeg’ina o liir na den. Saasadax fo duleer a mbarte kam Mbind tedu ne no Yaal oxe.

Esdaraas 10:18

A ndeer saasadax we ndolnir’ina fo rew jan a jeg’a: Na xa taan axe Yesuwa fee o ƥiy Yosadak fo na xe no fog um: Maseya, Eliyeseer, Yarib fa Gedaliya

Heseki’el 44:10

«No ke jofna no Leelewi we mbaasaxama ye Isra’el a ruuxna a koƥ soo a fesaam ndiiñ ndax ta reef pangool ke ten, xan a ngadoox tooñ den.

Sofoni 3:3

Kelfa ke ten kaa ndef cogoy kaa na mbumbaa, haahate we ten a ndef a teeteem o yeng akaa ngeekankeerna o feet tus.