Yeremi 23:10 - NQAARIIT NE ROOG

¹⁰ Yaam saax le kaa naag gañ fo waa na seeqaa. Saax le kaa ngooy yaam a salax, xa suufand axe na koƥ-a-ƥor ale a mbeer koroŋ. Wiin we paaxeer doŋ a ƈufanaa, njambaar den a feeñtaa no njofaƭar.

Yeremi 23:10 Referans Kwoze

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Yeremi 9:2

O Yaal oxe kaa tee: «Ɗelem den kaa nand nen a qali ŋaayne, ndax da maaɓ doŋ. Ndigil taxee da maadooxaa no saax le, yaam kaa mbi’aa paaxeer took paaxeer too nqalamiraam o and.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Esayi 24:6

Ten taxu a salax ale a raaɓaa lanq ke, soo we ngenna teen a ngadooxaa tooñ den. Ten taxu we ngenna no lanq ke a sooy, too ke yoqatna no wiin we jaakatee.

Saak 4:4

Kaa nu ngore’ee! Ndax nu andee yee oxe fexna tig adna, o pañ Roog oo? O kiin oxuu bugna xaariitoor fo tig adna, a refata o pañ Roog.

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

1 Timote 1:10

Weeke itam a mboga teen: We na seeqaa, goor we na mbesanraa a ndeer den, we na ngignaa xa teɓandoong, maamaaɓ we fo we na seede’aa na xa maaƥ. Fop ke guutatirna fo a cangin a ñoow ale a foga teen.

Yowel 1:10

Xa qol axe kaa mbiitnel, lanq ke a naqadiloox, yaam bele jegatee, o ngoon onqe na xa tim biiñ axe ga’ataand, diwliin ne’aand.

Yeremi 14:2

«Xeet fee Yudaa kaa naqadiloox, teeru ke ten ee yereng, we ngenna teen a ngooy, a moof a lanq. O wuuq ƭomatax a yoɗoora Yeerusaleem.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

A paɗax ale 5:1

«Boo andoona yee, kaa jeg oxaa daaɓooxna nen o seede soo a bakaad, yaa ta layeerna ke ta ga’na mbaat ke ta andna, xan a gadoox tooñ um.

Esayi 5:18

Ndaw naqad took no wiin we ngumneena a qaw ale no njofaƭar den nen qoox, soo a ƭooqaa a qaw ale na bakaad den ne pis a ɗooqtaa a sareet.

Yeremi 9:12

O Yaal oxe a layahina yee: «Ke garna fo keene refu yee kaa mbaas ke jangnuuma a den, a mbañ o nan-giloox soo a mbañ o ndeef ke layooguuma a den.

Yeremi 12:11

A ruudne, a ref na naqad, a ruud mbaambir es. Saax le fop a raada, too haalee o leng.

Hoose 7:4

Den fop kaa seeqaa, a nandtaa njuɗand puuru naa o cuujuɗ oxe a heƥandna. Soxla’atee o wuuɗaa fiɗel le, yaa ta jaxasna nqiiw ne boo yaa ta foɗaxna.

Esdaraas 10:18

A ndeer saasadax we ndolnir’ina fo rew jan a jeg’a: Na xa taan axe Yesuwa fee o ƥiy Yosadak fo na xe no fog um: Maseya, Eliyeseer, Yarib fa Gedaliya

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Sofoni 3:4

Duleer we ten andee ke warna a den, a ndef goor hoohod, saasadax we ten a nqoolaƭarand ke kesaneena a Roog soo a ƭap kebil um.