Yeremi 22:9 - NQAARIIT NE ROOG

⁹ Maaga, xan a ndoonel ee: ‹Yaam kaa da mbaas ngiɓoor ne no Yaal oxe Roog den, a ngungaa mbaambir roog lakas, a mbaɗooxaa a den.› »

Yeremi 22:9 Referans Kwoze

2 Caloori ke 34:25

Feek kaa mbaasaam pelek, a ƥoxotaa cuuraay roog lakas ke, a mbuuxnoortaam a pi den fop, ten taxu fuux le mi a biltooxan o mbiñ onqene too ɓooskee.›

2 Maad we 22:17

Feek kaa mbaasaam pelek, a ƥoxotaa cuuraay roog lakas ke, a mbuuxnoortaam a pi den fop, ten taxu fuux le mi a biltooxan o mbiñ onqene too ɓooskee.›

Yeremi 50:7

Fop we nqetoogna fa den, a listooga a den, too fañ we den kaa layoogu yee: ‹I mbi’ee pariƴ leng, yaam kaa tooñ o Yaal oxe, ngenand ne no cofel ole, o Yaal oxe refna yaakaar no daan den.›

1 Maad we 9:8

Xan Mbind nene a refat juum kefatin, too fop we na ndeefkaa a paam um, xan a njaaxiɗ, a mbuuƴ, a laamtooxaa yee: ‹Xar taxu o Yaal oxe a fi kene saax lene fo Mbind nene?›

Yeremi 9:13

Kaa nqox no saƭik xoox ole den fo na Baaliin, ne daan den a aqatinit’uuna a den.»

Yeremi 11:3

Fat o lay a den ee: O Yaal oxe Roog fee Isra’el kaa tee: O kiin oxe gaykeerna bargal ke no ngiɓoor ne mi a salooxe!

Yeremi 16:11

Maaga, fat o doon a den ee: ‹O Yaal oxe kaa tee: Ke taxuuna refu yee daan nuun kaa mbaasaam, a ngiɓoor fo roog lakas, a mbaɗooxaa a den soo a ngungaa mbaambir den. Mi o mat a mbaasaxam, too ngayee a cangin es.

Heseki’el 5:15

Xan o ref o mbiñ onqaa niwaƭareena, soo a weneel, o njapil o ƭeetoor fo kaa na diidlandaa na saax ake mbidoonga, yaa um fadinkaa took of kate es fo fuux ɗomu es fo a qaw akaa yoonna fo ngañak. Mi o Yaal oxe layun.

Heseki’el 12:16

Xam fi boo a ndeer den wiin jaakeer a ndaɗ xire fee, biim le fa piste fee, ndax da mbetandoox a ndeer qeet ke da ndetkaa cednooxu ke da mbi’’ina. Neene, xan weene a and ee mi refu o Yaal oxe.»

Heseki’el 14:23

Xan a yaal a nuun yaa nu nga’kaa a pesoorooƭ den fo a pi den, too xan nu and ee o ƥor o ƥor taxee um fi fop ke fi’uuma kam teeru fee. Mi o Yaal oxe na refkaa boo faw layun.»

Heseki’el 39:23

«Qeet lakas ke xan a and ee mbind Isra’el kaa ƥisel gilaa saax took o hup doole, yaam tooñ den fo ngore’aƭar den na mi. Ɗasnaam a den itam mukit es soo ɓoxot a den na xa ƥay no fañ den, ndax laƥ a ñaam a den.

A cangatin ale 29:24

Xan a ndoonel ee: ‹Ke taxuuna refu yee kaa ndeɓ ngiɓoor ne o Yaal oxe Roog fee no daan den a dalin’ina fa den a cinj ye ta sutna a den no saax le Misira,

Yeremi 11:10

A nomtooxa no tooñ ke no daan feraand we den mbañ’ina o nan-giloox fa lay es. Kaa ngiɓoor fo roog lakas, ndax da mbaɗoox a den. Wiin we Isra’el fo we Yudaa a ƭega ngiɓoor ne mi dalin’uuma fo daan den.»