Yeremi 22:6 - NQAARIIT NE ROOG

⁶ Keeke o Yaal oxe a layu no kaa jofna no mbind no maad ne Yudaa: «Kaa o nandaam nen xa coc axe Galaad, nen o jul ole Libaŋ! Kaa koy, ndax fi’kiroong a koƥ-a-ƥor, teeru faa o leng a geneerna?

Yeremi 22:6 Referans Kwoze

Esayi 6:11

Maaga, laamtaam ee: «O Yaal oxe, boo a mban neene?» A doonaxam ee: «Boo yaa teeru ke a ngefkeel tuƈ, a mbes a pec, pind ke a yoq o ƥor, soo xa saawit axe yee halit nen a koƥ-a-ƥor,

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

Esayi 27:10

Teeru fa njegu doole fee a wootata, a refat ngenand nqaƴe, a waasel nen a koƥ-a-ƥor. Xa qeel axe teen a suufaa, a kooraa teen soo a mbiitnaa fo mbafid ne.

Yeremi 26:18

«Mise fee genna Moreset a yegnit’a padafuleer na jamaane Hiskiya fee o maad Yudaa too a layooga xeet fee Yudaa fop ee: ‹Keeke o Yaal oxe Hupna fop a layu: Siyoŋ xan a guurel a refat o qol, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.›

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Yeremi 7:34

Xam ñuf kam teeru ke Yudaa fo no ped ke Yeerusaleem xa ƈeel axe fo xa soroxole xe, o ñuxur no kor-no-kulook oxe fo ole no kulook oxe, yaam saax le xan a raad.»

Mberaand 37:25

Cinj kaaga, a ndeera, a ñaamaa. Ye da yoɗna a kid den, a nga’a o lox keeleemb no Ii-isma’el waa inoorna Galaad. Keeleemb ke den kaa suf’u qeeñe-xeeñe fo teex ƭuumooxel fa miir faa da njikookaa Misira.

Yeremi 22:24

O Yaal oxe a laya a Yoyakin fee o ƥiy Yoyakim too a ref o maad Yudaa yee: «Ne ta wooritna yee mexe ñoowaa, a soƥ’angaa sax ee kaa o ref nen o heɗ o ñaasir no ɓay es o ñamaak, xam paltong no nqol es.

Yeremi 21:14

Xam xaw a nuun, reefandin no ke a pi nuun a njagitna. Xam heƥand fiɗel kam suungaan a toodook qool ake nuun, ta raaɓ ke widna a nuun fop. Mi o yaal oxe layun.»

Yeremi 21:11

Ke layeena no mbind ne no maad oxe Yudaa. Nan-gilooxyo ke o Yaal oxe a layna,

Yeremi 4:20

O njakad took o njakad na yegniteel, yaam saax le fop a fiitne. Ndak fo ndak, ƭiif ke mi a mbayte, o laqooxand ole mi a gaakel ndeer ñaf fo ƭeet.

A kim ale na kim ake 5:15

A caf ake ten kaa ndef a toodook marbar akaa ndiƈooxna na caf wurus fa nqoolu, o mem um a nand fa Libaŋ, ta jektoox nen taxar seedar ke.

A cangatin ale 3:25

Ci’aam um xaañ o xuluɓ ole, ndax um ga saax faaxu lene no mudand ne Yordaan, xa coong xa mosaan axaaga fo axe Libaŋ.›

A lim ale 32:1

Xa taan axe Ruben fo axe Gaad a njeg’a xa siir fo a ked a mayu. A nga’a yee o jegel ole Yaseer fo ole Galaad fo mbiñ fo nequ no cegel a ndefu.

A kim ale na kim ake 4:1

Wo soo mos, wo fee buguuma, kaam ee wo soo mos! A kid of kaa nandtaa a nuukuur laqa muurax of, wiil of a nandtaa ged pambe ƥaal laa na fudoortiidaa no joong ole Galaad,

Yeremi 50:12

ndaa xan ya nuun a sed ɓot, oxe rimna a nuun xan a seeƈaar, a refat oxe falakna na saax ake. A koƥ-a-ƥor a refkataa, lanq beeru koroŋ fo o tan.»

Sakari 11:1

Wo Libaŋ, weti begax ke wo, ndax fiɗel a waag o raaɓ taxar seedar ke wo!

Esayi 37:24

Wenaxamo, mi o Yaal oxe, reefandin no we luloona, soo lay ee: ‹Mi Sanxerib, ŋaayaam xa cul axe na xa coong axe fo a sareet-xire mayaan ake mi, ret boo kam ee kam Libaŋ, ndax um fuuɓ taxar seedar ciig ke ten fo pilaawo ke ten moƴna o mos. Daawaam o jul ole ten moƴna o goƭ took fo suungaan le ten na nandtaa a ƭing.

Yeremi 4:7

Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.

Yeremi 8:22

Ndax kaa jegatee teex ƭuumooxel kam Galaad, ndax kaa o baawaadin jegatee teen? Xar taxu boog xeet es waagee o moƴan?